 |
|
|||
ZNA - هه‌ولێر دادگای چواری تاوانە قورسەكانی ئامەد، سزای شەش ساڵ و سێ مانگ بەندکردنی بەسەر پەرلەمانتارێكی پارتی دیموکراتی گەلان (HDP) سەپاند. ئاژانسەكانی هەواڵی توركیا بڵاویان كردەوە، كەمال بولبوول ئەندام پەرلەمانی هەدەپە لەسەر بازنەی ئەنتاڵیا، بە تۆمەتی ئەوەی بە نهێنی ئەندامی پەكەكەیە و كاری بۆ ئەوان كردووە، بۆیە دادگای چواری تاوانە قورسەكانی ئامەد سزای شەش ساڵ و سێ مانگ زیندانیكردنی بەسەردا سەپاندووە. دانیشتنی دادگا بەبێ ئامادەبوونی بولبوول بەڕێوە چووە، بەڵام بڕیاری دادوەر دراوەتە دەستی پارێزەرەكەی بولبوول، وێنەیه‌كی بڕیارەكەیان بۆ پەرلەمانی توركیا و وەزارەتی دادی توركیاش ناردووە، تا پارێزبەندی لەسەر هەڵبگرن و زیندانی بكرێت. بڕیارە لە ماوەیەكی نزیكدا پەرلەمانی توركیا وەڵامی دادگای ئامەد بداتەوە.
کوردپرێس ئەم هەواڵە 475جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad