2021-01-21 [03:42 AM]

وتەبێژی وەزارەتی کارەبای ھەرێمی کوردستان رایگەیاند، لە کێلگەکانی بەرھەمھێنانی نەوت و گازەوە ئەو غازەی دەردەچێت و رۆژان بەفیڕۆ دەچێ ناتواندرێ کەڵکی لێوەربگرین، بڕیارە لە رێگەی جێبەجێکردنی چەند پڕۆژەیەک دووبارە سوودی لێوەربگرێت بۆ بەرھەمھێنانی وزەی کارەبا.

ئومێد ئەحمەد، وتەبێژی وەزارەتی کارەبای ھەرێمی کوردستان، بە ئاژانسی ھەواڵی زاگرۆسی راگەیاند: لە کێلگەکانی بەرھەمھێنانی نەوت و گازەوە ئەو غازەی دەردەچێت و رۆژان بەفیڕۆ دەچێ ناتواندرێ کەڵکی لێوەربگرین، بڕیارە لە رێگەی جێبەجێکردنی چەند پڕۆژەیەک دووبارە سوودی لێوەربگرێت بۆ بەرھەمھێنانی وزەی کارەبا، ئەمەش دەستکەوتێکی باشە چونکە ئەو غازە تا ئێستا بەھەردەر دەچێت و نەتواندراوە سوودی لێوەبگیرێ.

وتەبێژی وەزارەتی کارەبای ھەرێمی کوردستان گووتی: پڕۆژەکە لە سنووری ناوچەی گەرمیان جێبەجێ دەکرێت و بە دوو قۆناغ لە دەتواندرێ بڕی ١٦٥ مێگاوات کارەبا دابین بکات، بەم نزیکانەش قۆناغی یەکەمی پڕۆژەکە تەواو دەبێ.

ھەروەھا ئومێد ئەحمەد، وتەبێژی وەزارەتی کارەبای ھەرێمی کوردستان ئەوەشی بۆ ئاژانسی ھەواڵی زاگرۆس خستەروو، کە دەتواندرێ لەداھاتوو پڕۆژەکە فراوان بکرێت و بڕێکی زۆرتر وزەی کارەبا بۆ سەر تۆڕی کارەبای نیشتیمانی زیاد بکات، بەم ھۆیەشەوە دۆخی کارەبای نیشتمانی باشتر دەبێ.

رێباز یونس