2021-01-24 [07:19 AM]

وەزارەتی دارایی رایگەیاند، ئەمڕۆ یەکشەممە ٢٤- ١- ٢٠٢١، موچەی وەزارەتی تەندروستی، دیوان و لیواکانی وەزارەتی پێشمەرگە و یەکەکانی ٧٠ و ٨٠، وەكو مانگەكانی پێشوو بە لێبڕینی ٢١%ەوە دابەشدەکرێت.

بەگوێرەی راگەیەندراوێكی وەزارەتی دارایی حكومەتی هەرێمی كوردستان، سبەینێ دووشەممە، ٢٥ی ١ی ٢٠٢١، موچەی وەزارەتی ناوخۆ، هێزەکانی زێرەڤانی، هێزی بەرگری و فریاکەوتن، بەڕێوەبەرایەتی رەگەزنامەی هەرێم، لیوای نەوت و گاز، وەزارەتی شەهیدان و ئەنفالکراوان، کەسوکاری شەهیدان و ئەنفالکراوان و زیندانیانی سیاسی دابەشدەکرێت.

بڕیارە لەماوەی 5 ڕۆژدا مووچەی هەموو وەزارەت و دەستەكان دابەش بكرێت.