English | عربی | Kurdî دواهەواڵ
ڕاستەوخۆ  
 
خوێندنى باڵا: ئاڵوگۆڕى زانستى لەگەڵ زانکۆکانى ئێران زیاتر پەرەپێدەدەین
2021-03-02 [03:24 AM]

ZNA - هه‌ولێر


 

ڕاگەیاندنى وەزارەتی خوێندنی باڵا له‌ راگه‌یه‌نراوێكدا كه‌ وێنه‌یه‌كی بۆ ئاژانسی هه‌واڵی زاگرۆس هاتووه‌، رایگه‌یاند، ئەمڕۆ سێشەمە ئارام محمد قادر وەزیرى خوێندنى باڵا و توێژینەوەى زانستى پێشوازی لە نصراللە رشنودى سەر کونسوڵى کۆمارى ئیسلامى ئێران لەهەولێر و وەفدێکى کونسوڵخانە كرد و باسيان له‌ هه‌ماهه‌نگی بواری خوێندنی باڵا و گۆڕینه‌وه‌ی ئاڵوگۆڕی زانیستی كرد.

لەو دیدارەدا کە بریکارى وەزارەت و ڕاوێژکار و بەڕێوەبەرانى گشتى وەزارەت ئامادەیبون، سەر کونسوڵى کۆمارى ئیسلامى ئێران لەهەولێر ڕایگەیاند: وەزارەتی خوێندنى باڵا و توێژینەوەى زانستى یەکێکە لە وەزارەتە گرنگ و پڕ بایەخەکان و وەک کۆمارى ئیسلامى ئێرانیش ئامادەى سەرجەم هاوکارى و پشتیوانیەکین بۆ ئەم وەزارەتە. وتیشى: لەڕابردو زۆرترین هاوکارى و بەرەو پێشچونمان لەگەڵ وەزارەتى خوێندنى باڵا هەبوە، دەمانەوێت ئەم بەرەو پێشچون و هاوکاریانەمان بۆ ئاستێکى فراوانتر و بەرەو ئاڵوگۆرى زیاترى مامۆستاو خوێندکارو راهێنانى کادیران و پێگەیاندنیان ببەین.

لەلایەن خۆیەوە د. ئارام محمد قادر وەزیرى خوێندنى باڵا و توێژینەوەى زانستى ڕایگەیاند کۆمارى ئیسلامى ئێران لە زۆر ڕەهەندەوە گرنگى و بایەخى بۆ هەرێمى کوردستان هەیە، سەبارەت بە پەیوەندییە زانستییەکانى نێوان هەردولاش، وەزیرى خوێندنى باڵا و توێژینەوەى زانستى دوپاتیکردەوە دەمانەوێت هاوکارى و هەماهەنگیمان لەبوارى خوێندنى باڵا و پێشخستنى ئاستى زانستى و گۆرینەوەى ئاڵوگۆڕى ئەکادیمى و خوێندکارو مامۆستاکانمان لەگەڵ زانکۆکانى ئێران بەتایبەت بۆ گەشەپێدانى بوارە تەکنیکیەکان زیاتر پەرە پێبدەین.

سەبارەت بە زانکۆ باوەڕپێکراوەکان وەزیرى خوێندنى باڵا و توێژینەوەى زانستى ڕایگەیاند: سیستم و بەرنامەى خوێندن لە وڵاتى ئێران بۆ ئێمە گرنگە سودى لێ وەردەگرین و سیاسەت و بەرنامەشمان ئەوەیە پەرە بە پەیوەندییەکان بدەین، بۆیە تێگەیشتنى ئێمە ئەوەیە ئەو کەسانەى بۆ بەدەستهێنانى بڕوانامە ڕو لە وڵاتى ئێران دەکەن لە زانکۆ ئاست بەرزەکانى ئەو وڵاتە درێژە بەخوێندنى باڵا بدەن و لەو ڕێگەیەشەوە زیاتر گرنگى بە پەیوەندییەکانمان دەدەین.

لە بەشێکى ترى کۆبونەوەکەدا تاوتوێى چەند پرس و بابەتێکى پەیوەست بە پرۆسەى خوێندن و ئاستى گەشەسەندنى پەیوەندییەکان گفتوگۆى لەبارەوە کرا.

 





ئەم هەواڵە 340جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad