English | عربی | Kurdî دواهەواڵ
ڕاستەوخۆ  
 
پەیامی (لقـــی۱۱)ی پارتی دیموکراتی کوردستان بەبۆنەی(٣٠ ) سیەمین ساڵیادی ڕاپەڕین
2021-03-04 [02:44 AM]

ZNA_ هەولێر


٭ جەماوەری بەشەرەفی کوردستان بە گشتی وجەماوەری سنووری دەڤەری ڕاپەڕین بەتایبەتی
 ٭خانەوادەی سەربەرزی شەهیدان
٭ پێشمەرگە ئازا و گیان لەسەردەستەکانی کوردستان.

لە یادی(٣٠)ساڵەی ڕاپەڕینە جەماوەری و شکۆدارەکەی (٥)ی ئازاری۱۹۹۱  ، گەرم و گەشترین پیرۆزبایی ئاڕاستەی خانەوادەی سەربەرزی شەهیدان و ، پێشمەرگە قارەمانەکان و ،ڕێکخستنەکانی ناو شار و،
تەواوی جەماوەری گەلەکەمان و، خەڵکی شۆڕشگێڕ و کوردپەروەری ڕانیە و قەڵادزەو خۆشناوەتی و مەرگە بە تایبەتی  دەکەین.

ئەو راپەڕینەی لە لایەن بەرەی کوردستانییەوە بەرنامەی بۆ داڕێژرا و، سەرەتا لە شاری ڕانیە بڵێسەی دا و دواتر هەموو کوردستانی گرتەوە بە کەرکووکی دڵی کوردستانیشەوە، راستییەکی حاشاهەڵنەگرە کە ئەندازیار و سەرپەرشتیاری راپەڕین  جەنابی (سەرۆک بارزانی)بوو کە ئەوکات سەرۆکی بەرەی کوردستانی بوو.
بە شانازییەوە پێشمەرگە و فەرماندەکانی پارتی و، ڕێکخستنە نهێنییەکانمان لەناو شارەکان و جەماوەری دڵسۆزی پارتیمان لە هەموو شوێنەکان سەر مەشق و سەر قافڵەی راپەڕین بوون.
راپەڕین وەچەرخانێکی مێژوویی گرنگە لە بزافی ڕزگاریخوازی گەلەکەماندا.

بەرهەمی ڕاپەڕین، بریتییە لە پەرلەمان و حکومەتی کوردستان و، بووژانەوە و سەرپێکەوتنی کوردستان لە هەموو بوارەکانی ژیاندا، هەروەها ناساندن و بەنێودەوڵەتیکردنی دۆزی رەوای گەلەکەمان و، کۆتاییهێنان بە زوڵم و ستەمی داگیرکەران لە باشووری کوردستان دا.

لەو یادە پڕشکۆیەدا بە پێویستی دەزانین بڵێین سنوورەکەمان کە هەمیشە لانەی شۆڕش و بەرخودان بووە و، مەڵبەندی سەرهەڵدانی راپەڕین بووە ، وەک پێویست ئاوڕی لێنەدراوەتەوە و گرنگیی  پێنەدراوە . رووی دەممان دەکەینە:-

- سەرۆکایەتی پەرلەمانی کوردستان و داوایان لێدەکەین دانیشتن و کۆبونەوەیەکی پەرلەمانی کوردستان بێننە سنوری راپەرین ، یان لەم یەک دو ھەفتەی داھاتودا کۆبونەوەیەکی تایبەت بە کێشەو گرفت و موعانات و داواکاری و  پرۆژە خزمەتگوزاریەکانی ئەم دەڤەرە ئەنجام بدەن . 

- داوا لە سەرۆکایەتیی هەرێمی کوردستان دەکەین گرنگی زیاتر  بە دەڤەری راپەرین بدرێ و لە کاتێکی گونجاو دا رێزدار «سەرۆکی ھەرێم»  سەردانی دەڤەری راپەرین بکات و لە نزیکەوە بارودۆخی سنورەکە ببینێ و گوێ لە داخوازی و داواکاری جەماوەری ئەو دەڤەرە بگرێت .

- بە سەرۆکایەتیی حکومەتی هەرێمی کوردستان دەلێین چاوەروانی زیاترمان ھەیەکە ئاوڕێکی جدیتر  لەو دەڤەرە بدرێتەوە.
سەردان وبەسەرکردنەوەی بەرێز سەرۆکی حکومەت ھێژا « کاک مەسرور بارزانی » لە ١٣/١٠/٢٠٢٠ زۆر بەرز دەنرخێنین و ئەو پرۆژانەی بەرێزیان کردونیەوەو بەردی بناغەی بۆ داناون پرۆژەی ستراتیجی گرنگن ، بەلام چاومان لەوەیە ئەوە دوا سەردانی بەرێزیان نەبێ ، وە کۆمەڵێ پرۆژەی تەواو نەکراو ھەن لە سنورمان بەرێزیان لە کات و دەرفەتی گونجاوی نزیک دا بریاری تەواوکردنیان بدات و پرۆژەی نوێش ئەنجام بدرێت و، ئاورێک لە دەرچوانی زانکۆو پەیمانگاکان بدرێتەوەو، ھەلی کار بۆ گەنجانی بێکار دابین بکرێت .
بەتایبەت کە دەڤەرەکەمان هەڵکەوتەیەکی جوگرافی گرنگ و دڵگیری هەیە، لەیەک کاتدا هەم دەشتێکی بەپیت و ، هەم ئاو و ، هەم چیای هەیە، دەشێ بکرێتە ناوچەیەکی گەشتیاری و کشتوکاڵیی پڕ بەرهەم.
- لەم یادە دادەستی برایەتی و ھەماھەنگی و ھاوکاری بۆ دام و دەزگا ئیداریەکان و حزب و لایەنە سیاسیەکانی کوردستان دریژ دەکەین و ، جەخت لەوە دەکەینەوە کە سنوری راپەرین پێویستی بە خزمەتی زیاترو سەقامگیری سیاسی و کۆمەڵایەتی و ئەمنی ھەیە. بێگومان ئەمەش ئەرکی ھەمو لایەکمانە.

- لەو یادە پڕ شکۆیەدا بە جەماوەری سنورمان بە گشت چین و توێژەکانەوەو بە جیاوازی ئینتیمای سیاسیانەوە دەڵێین ، ئەرکی ئێمە خزمەتکردنی ئێوەیەو، لە گەیاندنی پەیام و داخوازیەکانی ئێوە بە لایەنە پەیوەندیدارەکان درێخی ناکەین و ، ھەمو ھێزو توانای خۆمان دەخەینە گەڕ بۆ خزمەتکردنی زیاتری دەڤەرەکەمان.

- سڵاو لە جەماوەری دەروازەی ڕاپەڕین، شاری رانیەی قارەمان .
- سڵاو لە جەماوەری پشدەر و بیتوێن و ناودەشت و مەرگە و خۆشناوەتی و سنوورەکەمان بە گشتی.
- سڵاو لە پێشمەرگە قارەمان و گیان لەسەردەستەکانی کوردستان.
- سڵاو لە گیانی پاکی شەهیدانی کوردستان بەگشتی و شەهیدانی راپەڕین بەتایبەتی و سەرقافڵەی شەهیدان (بارزانی نەمر و کاکە ئیدریسی هەمیشە زیندوو)
- سڵاو لە (سەرۆک بارزانی) ئەندازیار و سەرپەرشتیاری ڕاپەڕین.
بەرز و پیرۆزبێت یادی ڕاپەڕین.

            
پارتی دیموڪراتی ڪوردستان
             لقـــــی۱۱





ئەم هەواڵە 562جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad