English | عربی | Kurdî دواهەواڵ
ڕاستەوخۆ  
 
ده‌زگای رۆشنبیری و راگه‌یاندنی پارتی دیموكراتی كوردستان كۆچی دوایی نووسه‌ر و رۆژنامه‌نووس (فه‌یسه‌ڵ دێهاتی)رادەگەیەنێت
2021-10-16 [04:31 AM]

ZNA_ هەولێر


 

به‌ داخ و په‌ژاره‌یه‌كی زۆره‌وه‌ نیوڕۆی ئەمڕۆ، ١٦ـی ئۆکتۆبەری ٢٠٢١، هه‌ڤاڵ و کادیری راگەیاندنی پارتیمان، نووسه‌ر و رۆژنامه‌نوس (فه‌یسه‌ڵ دێهاتی) کۆچی دواییکرد. به‌و بۆنه‌ خه‌مناكه‌وه‌ پرسه‌ی خۆمان رادەگەیەنین و سەرەخۆشی لە خانەوادە و كه‌سوکار و ھەڤاڵ و ھاوکارانی خوالێخۆشبوو ده‌كه‌ین و، خۆمان به‌ شه‌ریكی خه‌میان ده‌زانین.

خوالێخۆشبوو (فه‌یسه‌ڵ دێهاتی) كه‌سایه‌تییه‌كی دیار و به‌ئه‌زموونی بزاڤی رۆژنامه‌نووسی و رۆشنبیری بوو، ته‌مه‌نێكی پڕ به‌خششی له‌ بواری ئه‌ده‌بی و نوسین و كاری رۆژنامه‌وانی به‌ڕێكرد و، له‌و بوارانه‌دا جێده‌ستی به‌رچاو و له‌بیرنه‌كراوه‌.

ھەڤاڵی خوالێخۆشبوو(فه‌یسه‌ڵ دێهاتی) وه‌ك نووسه‌ر و رۆژنامه‌نووس له‌ چه‌ندین كه‌ناڵی راگه‌یاندن و رۆژنامه‌ و گۆڤاری سه‌ر به‌ ده‌زگاکەمان (دەزگای رۆشنبیری و راگه‌یاندن)ی پارتیمان كاری كردووه‌ و به‌ گیانێكی به‌رپرسانه‌ و له‌خۆبردووانه‌ ئه‌ركه‌كانی به‌جێگه‌یاندووه‌ و رۆڵی گرنگ و كاریگه‌ری خۆی گێڕاوه‌ لە تەواوی ئەو ئەرکانەی کە پێیسپێردراون.
خوالێخۆشبوو، یه‌كێك بوو له‌و رۆژنامه‌نووسه‌ بوێر و چالاكانه‌ی توانی لێهاتووانه‌ خزمه‌تێكی زۆری بواری رۆشنبیری و رۆژنامه‌نووسی كوردیمان بكات، خاوه‌ن چه‌ندین كتێب و به‌رهه‌می ئه‌ده‌بی و رۆژنامه‌نووسییه‌، بۆیه‌ له‌ده‌ستدانی خه‌ساره‌تێكی گەورەیە. ئومێده‌وارین دڵنه‌وایی و هاوخه‌می هاوكار و دۆست و نووسه‌ر و رۆژنامه‌نووسان ببێته‌ مایه‌ی سه‌بووری و ئارامگرتنی خانەوادەکەی و له‌ خه‌م خه‌فه‌تی ھەموولایەکمان كه‌م بكاته‌وه‌.
جارێكی دیكه‌ پرسه‌ و سه‌ره‌خۆشی خۆمان دووبار ده‌كه‌ینه‌وه و‌، داواكارین له‌ خوای گه‌وره‌ گیانی ھەڤاڵی کۆچکردوومان به‌ به‌هه‌شتی به‌رین شاد بكات و، ئارامی و دڵناوایی بە خانەوادە و ئازیزانی ببەخشێت.

ده‌زگای رۆشنبیری و راگه‌یاندنی
 پارتی دیموكراتی كوردستان
١٦ـی ١٠ـی ٢٠٢١





ئەم هەواڵە 481جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad