English | عربی | Kurdî دواهەواڵ
ڕاستەوخۆ  
 
راگەیندراوێک لە پۆلیسى ھەولێرەوە 
2022-01-12 [05:06 AM]

ZNA-ھەولێر




پۆلیسی ھەولێر لە راگەیەندراوێکدا ئاشکرایکرد، شەوی رابردوو، لە یانەیەکی شەوانەی ھەولێر چەندین کاری نایاسایی و بەدەر لە ئادابی گشتی ئەنجامدراون و بەو ھۆیەوە ٧٧ ئافرەت و ١٠٢ پیاو دەستگیرکراون و دەستیش بەسەر بڕێکی زۆری کەلوپەلی بەکارھێنانی ماددەی ھۆشبەر و جۆرەھا حەبدا گیراوە.

دەقی بەیاننامەکە

بەیاننامەیەک لە بەڕێوەبەرایەتی پۆلیسی پارێزگای ھەولێر

لە چوارچێوەی بڕیارەکانی وەزارەتی ناوخۆ و پارێزگای ھەولێر بۆ ڕێکخستنی یانەکانی شەوانە، دوای کۆکردنەوەی زانیاریی تەواو بە بوونی شوێنێک لەناو شاری ھەولێر کەوا چەندین کاری نایاسایی و دوور لە ڕێنماییەکان و بەدەر لە ئادابی گشتی و پێچەوانەی یاسا و ڕێساکانی تێدا ئەنجام دەدرێت،

ھێزەکانی بەڕێوەبەرایەتی پۆلیسی پارێزگای ھەولێر، بە ھەماھەنگی لەگەڵ ئەنجومەنی ئاسایشی ھەرێمی کوردستان، دوێنێ درەنگانی شەو تاکو بەرەبەیان لەو شوێنە (١٠٢) پیاو و (٧٧) ئافرەت دەستگیر کران وە ھەروەھا خاوەنی شوێنەکەش دەستگیر کرا.

ھەروەھا دەست بەسەر بڕێکی زۆر کەلوپەلی بەکارھێنانی ماددەی ھۆشبەر و کەرستەی قەدەغەکراو و جۆرەھا حەبدا گیرا.

پەڕاوی لێکۆڵینەوە بۆ تۆمەتبارەکان کرایەوە و لە کاتی ئێستادا تۆمەتباران بەپێی بڕیاری دادوەر ڕاگیراون و ئەم ھەڵمەتەش لەلایەن بەڕێوەبەرایەتی پۆلیسی پارێزگای ھەولێر بەردەوام دەبێت.





ئەم هەواڵە 1912جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad