English | عربی | Kurdî دواهەواڵ
ڕاستەوخۆ  
 
تەندروستیی دهۆك: هیچ كەسێك بەهۆی خۆڵبارینە گیانی لەدەست نەداوە‌
2022-05-24 [06:31 AM]

ZNA-ھەولێر


دوای ئەم شەپۆڵەی خۆڵبارین لە سنووری پارێزگای دهۆك، دەنگۆی گیانلەدەستدانی كەسێك بەهۆی تۆز و خۆڵەوە بڵاو بووەتەوە، كە گوایە بە هەناسەتەنگی لە نەخۆشخانە گیانی لەدەست دابێ.

لەم بارەیەوە حه‌مزه‌ ره‌زیكى، وتەبێژی بەڕێوەبەرایەتیی گشتیی تەندروستیی پارێزگای دهۆك، بە ئاژانسی ھەواڵی زاگرۆسی رایگەیاند: لە دوێنێوە دۆخی كەشوهەوا بەهۆی خۆڵبارینەوە لە دهۆك تێكچووە و هێشتاش بەردەوامە و ژمارەیەكی زۆری هاووڵاتییان سەردانی نەخۆشخانە و بنكە تەندروستییەكان كردووە. وتەبێژی بەڕێوەبەرایەتیی گشتیی تەندروستیی پارێزگای دهۆك گووتی: دەنگۆی گیانلەدەستدانی كەسێك لە تۆڕە كۆمەڵایەتییەكانەوە بڵاو بووەتەوە، كە بە ئەگەری پشووتەنگی گیانی لەدەست دابێ، بەڵام ئێمە وەكوو تەندروستیی دهۆك ئەو دەنگۆیە رەت دەكەینەوە و هیچ كەسێك بەهۆی خۆڵبارین و پشووتەنگی گیانی لەدەست نەداوە‌.

ھەروەھا حه‌مزه‌ ره‌زیكى، وتەبێژی بەڕێوەبەرایەتیی گشتیی تەندروستیی پارێزگای دهۆك ئەوەشی بۆ ئاژانسی ھەواڵی زاگرۆس خستەروو، کە داواكارین خەڵك و میدیاكان هەواڵ لە سەرچاوەی فەرمی وەربگرن، هەروەها داوا لە خەڵك دەكەین ئەم رۆژانە كە خۆڵبارین هەیە، زیاتر ئاگاداری تەندروستیی خۆیان بن، بۆ ئەوەی تووشی رووداوی نەخوازراو نەبن.

بە پێی ئەو زانیاریانەی کە دەست ئاژانسی ھەواڵی زاگرۆس کەوتووە، لە دوێنێ دووشەممەوە تا ئەمڕۆ سێشەممە، ٣٥١ كەس لە دهۆك بەهۆی خۆڵبارینەوە سەردانی نەخۆشخانە و بنكە تەندروستییەكانیان كردووە.


رێباز یونس





ئەم هەواڵە 271جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad