English | عربی | Kurdî دواهەواڵ
ڕاستەوخۆ
 
خەتاری: سەرۆکی حکومەت دەستکراوەی کردووین ھەر چی پێویست بێت بۆ رزگارکردنی کچ و ژنانی ئێزیدی بکەین
2017-01-11 [07:25 AM]

ZNA- هەولێر


 

جێگری بەرپرسی نووسینگەی رزگاکردنی کچ و ژنانی ئیزدی دەڵێت، ھەر سێ سەرۆکایەتی عێراق بەھیچ شێوەیەک ھاوکاریان نەکردووە بۆ رزگارکرنی کچ و ژنانی ئیزیدی بەڵام سەرۆکی حکومەتی ھەرێم ئەوانی دەستکراوە کردووە ھەرچی پێویستە بۆ زرگاکردنیان بکەین.

 

جێگری بەرپرسی نووسینگەی رزگاکردنی کچ و ژنانی ئیزدی "دەرمان خەتاری" بە ئاژانسی ھەواڵی زاگرۆسی راگەیاند: "نووسینگەی ئێمە بەردەوام لە ھەوڵدایە بۆ ئەوەی کچ و ژنانی ئێزیدی لە دەست داعش رزگار بکرێن و زۆر ھەولیشمان داوە لەگەڵ سوپای عێراق ھەماھەنگی بکەین بۆ ئەوەی بتوانین بەیەکەوە کچ و ژنانی ئێزیدی لە چوارچێوەی پرۆسەی رزگارکردنی موسڵ رزگاریان بکەین، بەڵام ئامادەنین ھەماھەنگی لەگەڵ ئێمە بکەن."

 

دەرمان خەتاری گوتی: فەلوجە رزگارکرا و خەریکە موسڵیش وا رزگاردەکرێت، بەڵام تاوەکو ئێستا یەک کچی ئێزیدیان رزگار نەکردووە و ئێمە بە ھەوڵەکانی خۆمان توانیومانە دوو ھەزار و ٨٧٣کچ و ژنی ئێزیدی رزگار بکەین.

 

خەتاری ڕوونیشی کردووە: ھەر سێ سەرۆکایەتی عێراق بە ھیچ شێوەیەک نە مادی و نە مەعنەوی ھاوکاری ئێمەیان نەکردووە و تەنانەت باسیشیان نەکردووە، بەڵام سەرۆکی حکومەتی ھەرێمی کوردستان سەرەڕای ھەبوونی قەیرانی دارایی ئێمەی دەست کراوە کردووە ھەر چی پێویستە بۆ رزگارکردنی کچ و ژنانی ئێزیدی لە رووی پارەوە دەستکراوەی کردووین.

 

بەپێی ئاماری نووسینگەی رزگارکردنی کچ و ژنانی ئێزیدی تاوەکو ئێستا ٣ھەزار و ٥٠٠کچ و ژنی ئێزیدی لە دەستی داعش ماون.

 

ھاوکار شوان





ئەم هەواڵە 1468جار خوێندراوەتەوە
 
 
ڤیدیۆ گەلەری
جاڵجالۆکە چۆن تەونی خۆی دروست دەکات
بارهه‌ڵگرێك به‌زمێكی سه‌یر به‌پیكه‌بێك ده‌كات
بوێری دەکەیت ئاوا خۆت ھەڵدەیت
چین...تووشی رووداوێكی ترسناك بوو، به‌ڵام رزگاری بوو
ئەرجەنتین..بۆ تۆماركردنی ریكۆردێك، 2000 كەس لەسەر ئاو پاڵكەوتوون
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad