English | عربی | Kurdî دواهەواڵ
ڕاستەوخۆ  
 
بەهای دراوەكانی توركیا و ئێران گەیشتە نزمترین ئاستی
2018-08-11 [07:10 AM]

ZNA – هەولێر


بەهۆی ناكۆكیەكانی ئەمریكا لەگەڵ  توركیا و ئێران و سەپاندنی سزا و گوشار خستنە سەریان بەهای دراوی توركیا و ئێران گەیشتیتە نزمترین ئاست.

هەفتەی رابردوو بەهای 100 دۆلاری ئەمریکی بەرامبەر 545 لیرەی تورکی بوو، بەڵام لە کۆتایی مامەڵەی فەرمیی دراوەکان (ئێوارەی رۆژی هەینی 10/8/2018)، بەهای 100 دۆلار گەیشتە 640 لیرە.

هەروەها هەفتەی رابردوو بەهای 100 دۆلاری ئەمریکی بەرامبەر 890 هەزار تومەنی ئێرانی بوو، بەڵام لە کۆتایی مامەڵە فەرمییەکانی دراو، بەهای تومەنی ئێرانی دابەزی بۆ یەک ملیۆن و 70 هەزار بەرامبەر 100 دۆلار.

دابەزینی بەهای تومەن بەهۆی ئەو سزایانەیە کە ئەمریکا بەسەر ئەو وڵاتەیدا سەپاندووە و هەڕەشەش لەو وڵات و لایەنانە دەکات  کە مامەڵەی بازرگانی لەگەل ئێران بکەن.

هەروەها دابەزینی بەهای لیرەی تورکی بەهۆی دروستبوونی ئەو کێشەیە لەنێوان ئەمریکا و تورکیا، کە زۆرتر بەهۆی قەشەیەکی ئەمریکییەوەیە.

کێشەکان زۆرتر بەهۆی دەستبەسەرکردنی قەشە ئەندرۆ برانسۆن لەلایەن هێزە ئەمنییەکانی تورکیاوە دروست بوون، کە حکوومەتی تورکیا بە سیخوڕیکردن بەسەر تورکیا و هاوکاریکردنی فەتحوڵڵا گیولەن، رێبەری بزووتنەوەی خزمەت، تۆمەتباری دەکات.

پێشتر دۆناڵد ترەمپی سەرۆکی ئەمریکا بەهۆی ناکۆکییەکانییەوە لەگەڵ تورکیا، بڕیاری لادانی بەخشینی تورکیای لە رسووماتە گومرگییەکان دابوو، بەمەش زیانێکی گەورەی دارایی بە کەلوپەلی هەناردەی تورکیا بۆ ئەمریکا دەگات، کە زیانەکە دەگاتە نزیکەی یەک ملیار و 700 ملیۆن دۆلار.

 

 

 





ئەم هەواڵە 9580جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad