English | عربی | Kurdî دواهەواڵ
ڕاستەوخۆ  
 
گرنگیا ژنێ د گوتارا نێچێرڤان بارزانی دا
2018-09-21 [02:00 AM]

نڤیسینا:ھوزان عەبدوللا


دگەل دەستپێکرنا بانگەشەیا ھەلبژارتنێن پەرلەمانێ کوردستانێ گەلەک لایەنێن سیاسی بانگەشەیێ ژ بۆ ھندێ دکەن کو مافێ ژنێ و یەکسانیا مافان د دەستەلاتێ دا ژ ئەولەویەتا کارێ وانە بۆ داھاتی.
لێ گەر سەحکەینە رابردووی ل ھەرێما کوردستانێ ھەر پارتی ئێکەم بوویە بەحس ل مافێ ژنێ کری، ھەردەم د شورەشان دا ژن پێشەنگ بوویە و ئەگەرێ ھەری سەرەکی یێ سەرکەفتنێن وان شورەشان بوویە.
پشتی دامەزراندنا پەرلەمانێ کوردستانێ پارتی دەستپێشخەربوویە بو ئینانا ژنان ژ بو ناڤا سازیێن حکومەت و دەستەلاتێ، لێ گەر سەحکەینێ دگەل پێشکەفتنا جیھانێ ئەڤ چەندا ل کوردستانێ بو ژنێ دھاتە کرن یا کافی نەبوو، لەورا پشتی وەرگرتنا کابینەیێن حکومەتا ھەرێمێ ژ لایێ سەرۆکوەزیران نێچیرڤان بارزانی ڤە، گورانکاریێن مەزن د یاسایان دا ھاتنە کرن ژ بۆ بەرژەوەندیا ژنێ، بگرە ژ ھەموارکرنا یاسایا بارێ کۆمەلایەتی و دەرخستنا ھندەک یاسایێن گریدای مافێ ژنێ و دیسان نەھێلانا وی یاسایێ یا دبێژیت کوشتنا ژنێ ل سەر نامیسێ مافێ مالباتێ یە، ئانکو تاوانبارێ ژنێ ژی وەکی ھەموو تاوانبارێن دی دێ سزایێ خوە وەرگریت ، دامەزراندنا چەندین سازیێن توندوتیژیێ ژ بو بەرەڤانیکرنێ ژ مافێ ژنێ ئەڤە ھەمی بوونە ئەگەر کو ژن ژ بن کەڤلۆژانکێ خوە یێ ستەم لێکری دەرکەڤیت و جھێ خوە دناڤا کۆمەلگەھێ دا بکەت.
کارتێکرنا ڤێ  پالپشتیا حکومەتا ھەرێمێ ژ بۆ ژنێ گەلەک باش یا دەردکەڤیت، ئەڤ پالپشتیە بۆ ئەگەر کو د گەرێن چوویی یێ ھەلبژارتنان دا ژن بشێن بێ کوتا ئانکو ب دەنگێن خوە بچیتە ناڤا پەرلەمانی،  د ھەلبژارتنێن چەند مەھێن بووری یێن پەرلەمانێ ئیراقێ ژی ژن ژ بۆ سەرۆکا لیستێ ھات ھەلبژارتن ئەڤەژی بو ئەگەر کو ژن پتر باوەری ب خوە بھێت و بشێت پتر پێنگاڤان ژ بۆ ئایندەیا وەلاتی بھاڤێژیت و ھەمی ژنێن کاندید شیان ب حەقێ خوە ئەندام پەرلەمانەتیێ ب دەست خوەڤە بینن.
 گەرا ئەڤ جارە یا ھەلبژارتنان ژی ژن پیشەنگن، ئەڤە ھەمی بەرھەمێ وێ گرنگیا حکومەتێ یە ب سەرکێشیا نێچیرڤان بارزانی ژ بۆ ژنێ ، د گوتارا سەرۆکوەزیران یا دگەل لاو قوتابی و ژنان دا ژ بۆ سەرخستنا لیستا پارتی دا ب ئاشکرای سەنگ و گرنگیا ژنێ دیار دبیت، ب تایبەت دەمێ جەنابێ سەرۆکوەزیران کەرەمکری ژ بۆ داھاتویی دێ کارێ بۆ پتر یەکسانیا ژنێ دگەل زەلامی کەین.
گەر سەحکەینە وەلاتێن دەوروبەر و وان وەلاتێن کو دبێژنێ دەولەت دێ بینین جێوازیەکا گەلەک مەزن یا دگەل ھەرێما کوردستانێ ھەی د پاراستنا مافێ ژنێ دا، ئێدی ل کوردستانا مە ژن یا ب بەرفرەھی دگەھیتە ناڤا سازیێن گرنگ یێن دەستەلاتێ و بریاردانێ ئەڤە ژی ب پالپشتیا سەرەکی سەرۆکوەزیران بوویە د ھەمی کابینەیێن وی سەرۆکاتی بوو کری.
 





ئەم هەواڵە 6964جار خوێندراوەتەوە
 
 
ڤیدیۆ گەلەری
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
چەند بیرۆکەیەک بۆ ڕزگاربوون لە گەرمای ھاوین
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad