English | عربی | Kurdî دواهەواڵ
ڕاستەوخۆ  
 
هەولێر ... قوتابخانەی چیمەن کرایەوە
2018-10-29 [02:51 AM]

ZNA - هەولێر


 

ئەمڕۆ دووشەممە بە ئامادەبوونی وەزیری پەروەردە و كونسوڵی ژاپۆن لە هەێمی کوردستان، قوتابخانەی چیمەن لە شاری هەولێر نۆژەن و کرایەوە.

دکتۆر پشتیوان سادق لە وتاری خۆیدا گوتی: "دڵخۆشم لە شاری هەولێر قوتابخانەیەک دەکەینەوە کە یەکێکە لە قوتابخانە کۆنەکانی کوردستان و هیودارم هەروەک جاران لە ڕووی کواڵیتی خۆی بەردەوام بێ".

وەزیری پەروەردە باسی لەوە کرد کە ئەم مەراسیمە بۆ ئێمە زۆر گرنگە بە تایبەتی پەرەدان بە پەیوەندییە کەلتووری و سیاسییەکانی هەردوو گەلی کودستانی و ژاپۆنی و پتەوکردنی پردی پەیوەندی نێوان هەردوو گەل گرنگە، نەخاسمە پەروەردە کە بابەتێکی ئینسانییە و ئەم هاوکاریکردنەی وڵاتی ژاپۆن لە بیرەوەری منداڵان و مامۆستایان دەمێنێتەوە. بۆیە وەک وەزارەتی پەروەردە سوپاسی قونسوڵیەی ژاپۆنی و ڕێکخراوی شنەبا دەکەین بۆ ئەم نۆژەنکردنەوەیە و هیودارین مامۆستیان رۆڵیان هەبێ لە ئامۆژگاریکردنی قوتابیان لە ژینگەپارێزی لە ناوەوە و دەرەوەی قوتابخانە و هیوادارم ئەمە ببێتە کەلتوور".

پاشان قونسوڵیەی ژاپۆن بە زمانی کوردی وتارێکی پێشکەش کردو گوتی: پێویستە پرسیار لە قوتابیان بکەم، کە ئایا قوتابیان هەست بە ئارامی دەکەن لە پاش نۆژەنکردنەوە؟!"، دوای "بەڵێ"ـگوتنی قوتابیان، قونسوڵیە درێژەی بە وتارەکەی دا و گوتی "بۆیە دڵخۆشم بەم خزمەتە بە منداڵانی کورد. ئێمە لە ساڵی ۲٠٠۳ەوە تا ئێستا ۱٠۷ قوتابخانەیمان نۆژەن کردووەتەوە و شنەبای یابانی ۹٦ قوتابخانەی نۆژەن کردووەتەوە. هیوادارم ئەم کارنە ببنە هۆی گەرمترکردنی پەیوەندییەکانی هەردوو گەل و نابێت زیرەکی و گیانفیدایی و قارەمانانی پێشمەرگەکانمان لە شەڕی داعش لەبیر بچێت و جێگەی ڕێزە".

دواتر نوێنەری ڕێکخراوی شنەبای ژاپۆنی لە وتارێک گوتی "دەزانین هەرێمی کوردستان بە دۆخێکی تایبەتدا تێپەڕی و ڕووبەڕووی تەحەدییەکی گەورە بووەوە و ژمارەی زۆری قوتابی و لێشاوی ئاوارە و پەنابەران و قەیرابی ئابووی، هەمووی هۆکار بوون بۆ کارکرنی شنەبای ژاپۆنی لە سێکتەری پەروەردەدا".

لە کۆتاییدا قوتابیانی قوتابخانەی چیمەن گوڵچینێک گۆرانی کوردیی کلاسیکیان پێشکەش کرد و پۆلەکان بەسەر کرانەوە.

 





ئەم هەواڵە 1768جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad