English | عربی | Kurdî دواهەواڵ
ڕاستەوخۆ  
 
ئارمانجا ئه‌مریکا د سزادانا ئیرانێ دا؟؟
2018-11-07 [05:18 AM]

نڤیسینا: هه‌لکه‌فت عبدالواحد



 دگه‌را دووێ یا سزادانێ دا، ل 5/11/2018 شاھ ده‌مارا ئابوری یا ئیرانێ کریه‌ ئارمانج، (په‌ترول، سیسته‌مێ بانکی، پیشه‌سازی، بازرگانیا ئاسمانی و ده‌ریایی).

ئه‌ڤێ دێ گه‌له‌ك ره‌نگڤه‌دانێن خو هه‌بن، ژ لایێ لاوازکرنا هه‌ژمونا ئیرانێ د ده‌ڤه‌رێ دا، توخکرنا قه‌یرانا دارایی، زێده‌بونا بێکاریێ و هه‌ژاریێ، بلندبونا بهایێ دولاری هه‌مبه‌ر تیمه‌نێ ئيرانى، کێمبونا ده‌رمانان و دهه‌می بیاڤێن ژیانێ دا.

   ژ بو پێگیریکرن ب ڤان سزایان ژی هه‌لویستێ ئه‌مریکا گه‌له‌ك یێ تونده‌، و ئیداره‌یا تره‌مپ ب رونی گوتیه‌ ده‌وله‌ت و کومپانیێن پێگیریێ پێ نه‌که‌ن دێ خو ل هه‌مبه‌ر سزادانا ئه‌مریکا بینن و په‌یوه‌ندیێن ئابوری دگه‌ل مه‌ نامینن.

بتنێ بو ده‌مکی دچارچوڤه‌کێ سنوردار دا ٨ ده‌وله‌تان مافێ سه‌ره‌ده‌ریێ دگه‌ل ئیرانێ هه‌یه‌، به‌شه‌کێ زور ژ وان ژی سوزدایه‌ کو گهورینێن دراماتیکی دبیاڤێ کرینا په‌ترولێ دا دگه‌ل ئیرانێ بکه‌ن.

ئارمانجا ئه‌مریکا ژ ڤان سزایان گهورینا رژێما ئیرانێ نینه‌، به‌لکو گهورینا سیاسه‌تا وێ یه‌، بڕینا ده‌ستێ وێ یه‌ د ده‌ڤه‌رێدا، دیسان ریفورمه‌ د رێکه‌فتنا ئه‌تومی دا ب شێوه‌یه‌کێ بنگه‌هین ل گوری به‌رژه‌وه‌ندیا ئه‌مریکا.

بوچی دڤی ده‌میدا؟

ژبه‌رکو ئه‌مریکا و ده‌وله‌تێن خودان رول د ده‌ڤه‌رێدا، ده‌مه‌که‌ تاراده‌یه‌کێ باش ل سه‌ر چاره‌سه‌رکرنا کێشا بێ دوماهیکا سوریێ و کێشا یه‌مه‌نێ پێکهاتینه‌ لێ رێگرا ئاسته‌نگئ ل پێشیا وان داناین ئیرانه‌.

له‌ورا ب ڤان سزایێن ئایوریێن توند ژبه‌ر ره‌نگڤه‌دانێن وێ یێن دژوار ل سه‌ر ئیرانێ، دێ نه‌چاربیت سیاسه‌تا دبلوماسیا نه‌رم بکارئینیت و ڤه‌گه‌ریته‌ سه‌ر مێزا دانوستاندنێ، و زوربه‌یا مه‌رجێن ئه‌مریکا کو ژ ١٢ مه رجان پێکدهێت جێبه‌جێبکه‌ت.

هه‌که‌ر ب ڤی لوجیکێ ریالستی ئیران سه‌ره‌ده‌ریێ نه‌که‌ت و ب پالپشتیا نه‌یارێن ئه‌مریکا کارڤه‌دانێن توند هه‌بن و ل سه‌ر ئایدولوجیا خویا هنارتنا شوره‌شێ و سیاسه‌تا خویا ئه‌تومی و پشته‌ڤانیا میلیشیات و گروپێن تیرورێ یا به‌رده‌وام بیت، و هه‌روه‌کی نوکه‌ یا توند بیت کو روحانی گوتیه‌ ئه‌م دشه‌ره‌کێ ئابوری داینه‌ و دێ تێدا ب سه‌رکه‌ڤین و ئه‌مریکا دێ شکێت.

دێ ره‌وش ب گشتی ئالوز بیت و ده‌ڤه‌ر به‌ره‌ف ئاقاره‌کێ نه‌دیار چیت، دبیت ببیته‌ ئه‌گه‌رێ سێداره‌دانا رژێما ئیرانێ و ئه‌ڤه‌ژی نه‌ داخازیا ئه‌مریکایه‌.





ئەم هەواڵە 1390جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad