English | عربی | Kurdî دواهەواڵ
ڕاستەوخۆ  
 
پارتی‮ ‬بۆ دروستكردنی‮ ‬كابینەیەكی‮ ‬بەهێز،‮ ‬جۆری‮ ‬گفتوگۆ و تێگەییشتن دەگۆڕێت ‮
2018-11-14 [04:57 AM]

نووسینی: د. سالار عوسمان


لەمەودوا دانوستانی‮ ‬لایەنە سیاسییەكان بۆ پێكهێنانی‮ ‬كابینەی‮ ‬نۆیەمی‮ ‬حكوومەتی‮ ‬هەرێم دەست پێدەكات،‮ ‬ئەندامێكی‮ ‬دەزگای‮ ‬ڕاگەیاندنی‮ ‬پارتییش دەڵێ،‮ ‬ئامانجی‮ ‬پارتی،‮ ‬پێكهێنانی‮ ‬حكوومەتێكی‮ ‬بەهێزە لە چوارچێوەی‮ ‬باشكردنی‮ ‬ژیانی‮ ‬خەڵك و حكوومەتدارییەكی‮ ‬سەركەوتوو بە لێكتێگەییشتن لەگەڵ لایەنە سیاسییەكاندا‮. ‬30ی‮ ‬ئەیلوول،‮ ‬لە هەرێمی‮ ‬كوردستان هەڵبژاردنی‮ ‬خولی‮ ‬پێنجەمی‮ ‬پەرلەمانی‮ ‬كوردستان بەڕێوە چوو،‮ ‬ئەنجامەكان‮ ‬ڕاگەیەنران و براوەی‮ ‬یەكەم پارتی‮ ‬دیموكراتی‮ ‬كوردستان بوو،‮ ‬كە‮ ‬45‮ ‬كورسیی‮ ‬پەرلەمانی‮ ‬بە دەستهێنا و،‮ ‬6ی‮ ‬ئەم مانگەیش‮ ‬یەكەم دانیشتنی‮ ‬پەرلەمانی‮ ‬كوردستان ئەنجام درا و ئەندامە نوێیەكانی‮ ‬خولی‮ ‬پێنجەمی‮ ‬سەرجەم لایەنە سیاسییەكان سوێندی‮ ‬یاساییان خوارد،‮ ‬پارتییش وەك براوەی‮ ‬یەكەم،‮ ‬دەبێت‮ ‬یەكێك‮ ‬ڕاسپێرێ بۆ دانوستان و لێكتێگەییشتن لەگەڵ لایەنە سیاسییەكان‮. ‬پەیوەست بەم پرسە،‮ ‬ئەندامی‮ ‬دەزگای‮ ‬ڕۆشنبیری‮ ‬و‮ ‬ڕاگەیاندنی‮ ‬پارتی،‮ ‬د‮. ‬سالار عوسمان،‮ ‬بە ماڵپەڕی‮ ‬فەرمیی‮ ‬پارتی‮ ‬ڕاگەیاندووە‮: ‬ڕوانگەی‮ ‬پارتی‮ ‬بۆ پێكهێنانی‮ ‬كابینەی‮ ‬نۆیەمی‮ ‬حكوومەتی‮ ‬هەرێم،‮ ‬ئەوەیە كە دەیەوێت حكوومەتێكی‮ ‬بەهێز دروست بكرێت،‮ ‬چەمكی‮ ‬حكوومەتی‮ ‬بەهێز بە تێگەییشتنی‮ ‬یەكڕیزیی‮ ‬وڵات و‮ ‬یەكئیرادەیی‮ ‬لە حكوومەت بەرجەستە بكات،‮ ‬یەكڕیزی‮ ‬بەم شێوەیەی‮ ‬كە لایەنە سیاسیییەكان بەشدار بن‮ ‬یەكئیرادەیی‮ ‬و‮ ‬یەكبڕیاری‮ ‬و‮ ‬یەكبینی‮ ‬لە حكوومەت بەرجەستە بكات،‮ ‬بەداخەوە لە كابینەی‮ ‬پێشوو‮ ‬یەكبڕیاری‮ ‬و‮ ‬یەكبینی‮ ‬لە حكوومەت نەبوو،‮ ‬كە ئەمەیش هەمووان زەرەرمان لێ كرد،‮ ‬هەم حكوومەت و هەم پڕۆسەی‮ ‬سیاسی‮ ‬و هاووڵاتیانیش‮. ‬گوتیشی‮: ‬تێگەییشتنی‮ ‬دووەم لە‮ ‬ڕوانگەی‮ ‬پارتی‮ ‬دیموكراتی‮ ‬كوردستان،‮ ‬ئەوەیە كە لە‮ ‬ڕێگەی‮ ‬حكوومەتێكی‮ ‬بەهێزەوە بتوانێت ژیانی‮ ‬خەڵك باش بكات،‮ ‬مەبەست لە ژیانی‮ ‬خەڵك تەنیا مووچە نییە،‮ ‬بە نموونە كوالێتییەكی‮ ‬باشی‮ ‬تەندروستی‮ ‬و پەروەردە و خزمەتگوزارییەكی‮ ‬باشە،‮ ‬گشت ئەو سێكتەرانەی‮ ‬حكوومەت بە كار و بە ئەركی‮ ‬خۆی‮ ‬دەزانێ لە‮ ‬ڕێگای‮ ‬سێ چەمكی‮ ‬وەك‮ ‬یەكڕیزی‮ ‬و‮ ‬یەكبینی‮ ‬و ژیانی‮ ‬باش،‮ ‬ڕوانگەی‮ ‬پارتی‮ ‬دیموكراتی‮ ‬كوردستانە،‮ ‬ئەمەیش چۆن دەكرێت،‮ ‬بە كام میكانیزم و‮ ‬ڕێگر و لەمپەرەكان چین؟‮. ‬ ئەو ئەندامەی‮ ‬دەزگای‮ ‬ڕۆشنبیری‮ ‬و‮ ‬ڕاگەیاندن پێی‮ ‬وایە،‮ ‬لەمپەرەكانیش بریتین لە دەستپێكردنی‮ ‬دانوستانەكان،‮ ‬دوای‮ ‬ئەوەی‮ ‬كە پارتی‮ ‬دیموكراتی‮ ‬كوردستان بە فەرمی‮ ‬دەبێ جەنابی‮ ‬نێچیرڤان بارزانی‮ ‬ڕاسپێرێ بۆ دانوستان لەگەڵ لایەنە سیاسییەكان،‮ ‬لە دانوستانەكاندا دەبێت ئەم چەمكانە لەگەڵ لایەنەكان باس بكرێت،‮ ‬بە مانایەكی‮ ‬تر لایەنەكان نابێت لە حكوومەت بن و بە بەردەوامی‮ ‬بنكۆڵی‮ ‬حكوومەت بكەن،‮ ‬هەروەها نابێ لە حكوومەت بن و بە گیانی‮ ‬ئۆپۆزیسیۆن و بە گیانی‮ ‬ڕقەوە كار بكەن،‮ ‬ئۆپۆزسیۆنبوون كارێكی‮ ‬زۆر باشە،‮ ‬بەڵام بە مەرجێك‮ ‬ڕقی‮ ‬لەگەڵ نەبێت و چوارچێوەیەك هەبێت بتوانێت ئەویش لە پێناو خزمەتكردندا بێت‮. ‬سالار دەشڵێ‮: ‬پارتی‮ ‬لە دانوستانەكانی‮ ‬ئەمجارەدا جۆری‮ ‬گفتوگۆ و جۆری‮ ‬تێگەییشتن دەگۆڕێت،‮ ‬بەو جۆرەی‮ ‬لایەنەكان بە قەد كورسییەكانیان دەبینرێن و دانوستانیان لەگەڵ دەكرێت،‮ ‬بەڵام هەموو هەوڵێكیش بۆ ئەوەیە بتوانین حكوومەتێكی‮ ‬بەهێز دروست بكرێت و لایەنە گرینگەكانی‮ ‬تێدا بێت،‮ ‬لایەنێكی‮ ‬گرینگیش‮ ‬یەكێتیی‮ ‬نیشتیمانیی‮ ‬كوردستانە،‮ ‬ئەگەر ژمارەی‮ ‬كورسییشی‮ ‬كەم بێت،‮ ‬بەڵام ئەمە‮ ‬ڕاستییەكی‮ ‬واقیعی‮ ‬و جوگرافییە كە دەبێت لە حكوومەت بن،‮ ‬بە كام تێگەییشتن؟ پەنجا بە پەنجا؟ بێگومان نەخێر،‮ ‬بە تێگەییشتنی‮ ‬دوو ئیدارەیی؟ بە تێگەیشتنی‮ ‬ئەوەی‮ ‬لە حكوومەت بن و نەتوانن وەك ئەوەی‮ ‬یەكئیرادەیی‮ ‬بۆ حكوومەت دەربخەن؟ بێگومان نەخێر،‮ ‬بەو تێگەییشتنە لە حكوومەت بن كە بیانەوێ لە سلێمانی‮ ‬بە جۆرێك لە حكوومەت بن و لە هەولێر بە جۆرێكی‮ ‬تر؟ نەخیر بە دڵنیاییەوە،‮ ‬یەكێتی‮ ‬لە قۆناغێكدایە دەبێت خۆی‮ ‬بگۆڕێت و دەبێت تێبگات لەوەی‮ ‬حكوومەت دامودەزگا و خەڵك بەرهەم و دەرهاوییشتەكانی‮ ‬ژیانە لە هەمان كاتدا ئایا‮ ‬یەكێتی‮ ‬دەتوانێت خۆی‮ ‬بگۆڕێت بۆ تێگەییشتنی‮ ‬حكوومەتداری،‮ ‬ئەمە پرسیارە گرینگەكەیە و دەبێت‮ ‬یەكێتییەكان وەڵامی‮ ‬ئەمە بدەنەوە‮. ‬سالار عوسمان‮ ‬ڕوونیشی‮ ‬كردەوە‮: ‬لەگەڵ حزبەكانی‮ ‬تریش بە نموونە گۆڕان،‮ ‬كە دێنە حكوومەت‮ ‬یان پێیان باشە بێنە حكوومەت،‮ ‬دەبێت ئەمجارە ئەم نەفەسی‮ ‬شكان و نەفەسی‮ ‬كەرتكردن و نەفەسی‮ ‬زامداركردنەی‮ ‬حكوومەت لە خۆیاندا كۆتایی‮ ‬پێ بهێنن،‮ ‬یەكگرتووی‮ ‬ئیسلامی‮ ‬بڕیاری‮ ‬داوە نەیەتە حكوومەتەوە و وەك ئۆپۆزسیۆن كار بكات،‮ ‬بۆیە ئۆپۆزسیۆنبوون كارێكی‮ ‬باشە،‮ ‬پێم چاكە كابینەی‮ ‬بنكەفراوان دووبارە نەبێتەوە و تەنیا دەكرێت ئۆپۆزیسیۆن هەبێت،‮ ‬كابینەیەكی‮ ‬بەهێز هەبێت و خەڵك و حكوومەتداریش قازانج دەكات،‮ ‬بەڵام بە تێگەییشتنی‮ ‬جیاواز،‮ ‬بە تێگەییشتنی‮ ‬نوێ،‮ ‬كەواتە پارتی‮ ‬و گۆڕان و‮ ‬یەكێتی‮ ‬و ئۆپۆزسیۆنیش دەبێت تێگەییشتنیان بۆ حكوومەتداری‮ ‬بگۆڕن،‮ ‬ئێستا قۆناغێكی‮ ‬نوێیە و حكوومەت لە بەردەم ئەركی‮ ‬گەورەدایە بۆ خزمەتگەیاندن بە خەڵك و‮ ‬باشتركردنی‮ ‬ژیانی‮ ‬هاووڵاتیان‮.‬





ئەم هەواڵە 6193جار خوێندراوەتەوە
 
 
ڤیدیۆ گەلەری
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
چەند بیرۆکەیەک بۆ ڕزگاربوون لە گەرمای ھاوین
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad