English | عربی | Kurdî دواهەواڵ
ڕاستەوخۆ  
 
نێچیرڤان بارزانی ، رادەست نەبۆ و رادەست نابیت ژی ..!
2018-11-21 [12:45 PM]

نڤیسینا : غیاس خالد زێباری


ئێک ژ دووربینی و لێزانینا رێزدار نێچیرڤان بارزانی سەرۆکێ حکومەتا ھەرێما کوردستانێ ، سەرەدەریکرنەکا یاسایی و دەستووری بوو لھەمبەر بکارئینانا چەکێ ئابووری و پترۆلا ھەرێما کوردستانێ بەرامبەر بەغدا .
دیارە جەنابێ وی ھەر زوو زانیە نیازا دەسھەلاتدارێن عیراقێ بەرامبەر ھەرێما کوردستانێ ناھێـە گۆرین و لدەمێ بھێزکربوونێ دا دێ گڤاشتنێن دژوار لسەر ھەرێمێ کەن ، لەوما لسالا ٢٠٠٧ کار ب یاسایا نەفت و گازێ کر ل ھەرێما کوردستانێ ئەوا ژلایێ پەرلەمانێ کوردستانێ دەرکەفتی . 
دەسھەلاتدارێن عیراقێ ژی دزانی ، پترۆلا کوردستانێ چەکەکێ بھێزە و دێ ھەمی پیلانا ژناڤبەت و د ھەمی شەراندا دێ بسەرکەڤیت . 
لەوما ھەر زوو دژی ڤان گاڤێن ھەرێمێ راوەستان ، پشتی نەشیای کۆمپانیێن زەبەلاحێن سەرئاستێ جیھانێ رازیبکەن بۆ کارنەکرن ل کوردستانێ ، سیاسەتا برسیکرن و گەماروودانا ھەرێما کوردستانێ بکار ئینا . 
چونکی نێچیرڤان بارزانی تەسلیمی ئیرادا عیراقێ نەبوو و شیا مەزنترین کۆمپانیێن جیھانێ رازیبکەت ل کوردستانێ کار بکەن ، وەک رۆز نەفت و گاز پرۆم و دانە غاز و ... ھتد 
تاکو لسالا ٢٠١٥ ھەرێما کوردستانێ سەرخۆبوونا فرۆتنا پەترۆلێ راگەھاندی و ھەرێم بوویە جھەکێ بەرچاڤ ل نەخشێ پەترۆلێ لسەر ئاستێ جیھانێ و ھەمی گاڤێن عیراقێ بۆ نەگەھشتنا پەترۆلا کوردستانێ بۆ بازارێن جیھانێ ھاتنە ھەلوەشاندن . 
ئەگەر ئەڤ سەرخۆبوونە نەبا ، ھەرێم ب تەمامی دا کەڤیتە ددەستێ بەغدا دا و لدەمێ گەماروویێن ئابووری لسەر ھەرێما کوردستانَێ ، نە تنێ نیڤ مۆچە نە دھاتنە دان بەلکی دا کارەساتەکا مرۆڤی رابیت ، ژلایێ لەشکری ژی لشەرێ چار سالیێ دژی تیرۆرستێن داعش ژی ھەرێمێ شیانێن خەرجیێن لەشکری وەک مۆچێن پێشمەرگەی و کرینا چەکی و پێتڤیێن رۆژانە ژی نەدبوون و دوور نە بوو ھەرێم ب تەمامی ھاتبا داگیرکرن و کارەساتێن مەزنتر یێن مرۆڤی دا پەیدا بن .
راستە زۆر جاران ناکۆکی و تێکنەگەھشتن دناڤبەرا ھەڤپشکادا درۆست دبن لێ یا گرنگ ئەوە عەقلێ چارەسەریەکا زوو ھەبیت ، ھەر وەکی ئاریشا دناڤبەرا حکومەتا ھەرێما کوردستانێ و کۆمپانیا دانە غاز لسالا ٢٠١٣ و د ئەنجامدا ژبەر سکالا کۆمپانیا ناڤبری دادگەھا نیڤ دەولەتی ب سزادانا ھەرێمێ ب دوو ملیون دوولارا بارێ ھەرێمی گرانتر کر . 
ل ب عەقلیەتەکا دوور بین و سیاسەتەکا ژیرانە یا نێچیرڤان بارزانی ، پشتی دەمەکێ کورت ، ب رێکەفتن دگەل کۆمپانیا دانە غاز ، بەردەوامی دا کارکرنا خۆ ل ھەرێما کوردستانێ و ل وان قەران خۆشبوو .
یا ژڤێ گرنگتر پشتی روودانێن خیانەتا نەتەوی و نشتیمانیا شازدێ ئکتۆبەرا سالا ٢٠١٧ ، دوان کاودانێن دژواردا نێچیرڤان بارزانی ل کۆنگرێ سانپترسبۆرگ مەزنترین رێکەفتن ل گەل کۆمپانیا رۆزنەفت یا رووسی لدوور کەرتی غازا سرۆشتی مۆرکر و ئەڤەژی ژبلی دەسکەفت و سەرکەفتنەکا مەزن دکەرتێ ووزا ھەرێما کوردستانێ ژلایێ سیاسی ژی پێگەھێ ھەرێما کوردستانێ بھێزتر کر و گەھاندە قوناغەکا مەزنتر .
ئەڤ ھەمی گاڤ و سیاسەتا ژێرانە یا سەرۆکێ حکومەتا ھەرێما کوردستانێ بەلگەنە کۆ جەنابێ وی ، کەسەکێ پێگەھشتی و دوور بینە دوارێن رێڤەبرنا وەلاتی دا ژلایێ سیاسی و ئابووری و کارگێری و ھەمی کار و خەباتا وی بۆ بھێزکرنا کوردستانێ و بەختەوەریا خەلکێ کوردستانێ یە و بنیاتەکێ مۆکوم بۆ بدەستڤەئینانا ئارمانجێن نەتەوی و نشتیمانی دانایە و د چ قۆناغان دا نە کوردستان تەسلیمی ئیرادا چ وەلاتان کریە و نەژی تەسلیم دکەت ، بەلکی کوردستان خودان بریار و ئیرادا خۆیە و پاشەرۆژەکا گەش ژی چاڤەرێ خەلکێ کوردستانێ یە لسەر دەستێ جەنابێ وی ، نەخاسمە ل کابینا داھاتی یا حکومەتا ھەرێما کوردستانێ چونکی پێگەھێ وی لسەر ئاستێ نافخۆیی و ھەرێمی و جیھانی ، بھێزتر کەفتی یە پشتی وێ سەرکەفتنا مەزنا پارتی دیموکراتی کوردستانێ ل ھەلبژاردنێن (٣٠ ) ێ ئیلونا سالا ٢٠١٨ و سیاسەتا جەنابێ وی دوارێن دبلۆماسی و ئیرادی و ئابووری دا .





ئەم هەواڵە 5278جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad