English | عربی | Kurdî دواهەواڵ
ڕاستەوخۆ  
 
چاند و هونه‌ر ل سه‌رده‌مێ سیاسه‌تڤانه‌كێ هونه‌ر دۆست
2018-11-26 [12:52 PM]

نڤیسینا : په‌روین دۆسكى


نێچیرڤان بارزانی سەروک وەزیرێن ھەرێما کوردستان ھەردەم گرنگیەکا زور ب کەلتور و رەوشەنبیریا کوردستانێ ددەت و ھەر پێنگاڤەکا دھاڤێژیت ، بۆ پاراستنا کەلتور و ناسنامەیی نەتەوەیی کورد و نێشتیمانیێ کوردستانیانە ، ل سالانێن رابردوودا ، ب رێکا وەزارەت و دام و دەزگەھێن حکومی و ناحکومی ، ھزاران چالاکی و سەدان سمینار و فێستیڤال و دیدار و کوربەندی کەلتوری ب پشتەڤانییا سەرۆک وەزیرێن ھەرێما کوردستان ل ھەمی بوارێن ئەدەب و ھونەر و رەوشەنبیری و ھەروەسا پشتگیریا ماددی و ئاسانکاری بۆ سەدان گروپ و تیپ و سەنتەر و ب ھزاران په‌رتوک بو نڤیسەر و رەوشەنبیران ھاتنە چاپکرن و باشترین چاپخانە ل کەرتێن حکومی و کەرتێ تایبەت ل وان بوارانەدا ، بکار ئێخستن . 
پشتگیری و ئاسان کاری بۆ دامەزراندنا کومپانییێن کەرتێ تایبەت ھاتنە ڤەکرن کو دڤێن ل بواری پەرەپێدانا کەلتوری دا کار بکەن . ئەو پشتەڤانیە بتنێ بۆ کەلتورێ کوردی نەبوو بەلکو بۆ نەتەوەیێن دی یێن کوردستانی ژی ب ھەمان شێوە ھاتە تەرخانکرن . ھەروەسا گەلەک یاسا ھاتنە دەرئێخستن بۆ ھندێ کو مافێ رەوشەنبیران نەھێتە خوارن ، بۆ نمونە یاسای ب پایتەخت کرنا رەوشەنبیرکرنا سلێمانی ، مافێ پاراستنا مولکیەتا فێکری ھونەرمەندان و نڤیسەران و داھینەران ، ھەروەسا یاسای خانەنشینی روژنامەنڤیسان و یاسای مافێ دەستکەڤتنا زانیاریا ، سالانە کونفرانسێن تایبەت بۆ پەرەپێدانا زمانێ کوردی دھێتە ساز کرن وەک پروسەیەکێ بەردەوام و ئارمانجا وێ زمانەکێ ئێکگرتی کوردی و چارەسەرکرنا گرفتێن زمانی ، ھەروەسا وەفدێن رەوشەنبیرێن کوردستانێ بۆ ژ دەرڤەی وەلات بو ناساندنا کەلتورێ کوردستانێ بو دنیایێ دەرڤە درێژە پێ ددەن و زامنکرنا باشترین ژیان و گوزەرانیا چالاکیان و کار و پروژەیێن دی و زامنکرنا زورتر ماف و ئازادیێن رەوشەنبیران ل بوارێ نڤیسین و چالاکیێن وان ، پشتەڤان بوویە و ژلایێ ماددی ڤە پشتەڤانێ کار و بەرھەمێن وان دکەت و ھەروەسا گرنگی ددەت ب کومکرن و پاراستنا شوینەوار و بەلگەنامەیێن نەتەوەیی و دروستکرنا ئەرشیف خانەی نێشتیمانی و کار دکەت بو دامەزراندنا مولحەقێ کەلتورێ کوردی ل ھەمی نوینەراتیا ھەرێم ل دەرڤە و سەفارەتخانەیێن عیراقێ و ل ھەوڵ دانا خودا یێ بەردەوامە بۆ چەسپاندنا رەسمییەت دانانا زمانێ کوردی ل عیراقێ دا و ھەروەسا کێشەیێن ستراتیجی یێن وان بھێنە دەست نیشان کرن و بھێنە چارەسەر کرن و ئەو ھەلەیێن دناڤ وان دام و دەزگەھان دا ھەنە بھێنە چارەسەر کرن و ھەروەسا بایەخەکێ زور ب خویندن و پەروەردە و راھێنان و چالاکی ھونەری و زانستی ددەت. کارکرن بۆ سیستەمی خواندنا ب له‌ز و ڤەکرنا قوتابخانەیێن زورتر بۆ ھەرێما کوردستانێ ، چونکی ھێزا مە ، کارێ نھا و شیانێن مە و پاشەروژا مە ، ئەڤەنە کو ھەرێما کوردستانێ بەرەڤ پێش ببەین و ھەروەسا زانین و شارەزایی دێ مە بەرەڤ  پێشڤەچونا خێراتر و ئاراستەیەکێ باشتر دبەت.





ئەم هەواڵە 5839جار خوێندراوەتەوە
 
 
ڤیدیۆ گەلەری
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
چەند بیرۆکەیەک بۆ ڕزگاربوون لە گەرمای ھاوین
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad