English | عربی | Kurdî دواهەواڵ
ڕاستەوخۆ  
 
توندوتیژی بنپێکرنا ژیانێ یە
2018-12-03 [01:47 AM]

نڤیسینا : رێژین نھێلی


توندوتیژی ئێک ژوان دیاردێن بەرچاڤە دناف ھەر مللەتەکێ دا و ل ھەموو جیھانێ ئەڤجا چ ب ڤەشارتی یان ب ئاشکەرایی توندو تیژی دھێتەکرن تایبەت ژی ل دژی ئافرەتێ ، بەلگەو ئامارێن رێڤەبەریێن توندوتیژیێ پتر وێ چەندێ دسەلمینن ، ھەر وەکی د ئامارا ٩ نەە مەھێن دەربازبویدا یێن ھەرێما کوردستانێ دا ھاتیە ٥٤ پێنجی و چوار ژنان خوەکوشتیە و ٣٧ سیە وحەفت ژی ھاتینە کوشتن ، ھەروەسا ٩٠ نوهه‌ت ژنان خوە سوتینە و ١١٣سەدو سێزدەژی سوتینە ، ئەڤەژی ئەگەرێن جودا جودانە نەک بتنێ ھەژار یان نەخوێندەواری و بێ کاری ... بەلکو ھەموو کەس و ژھەردوو رەگەزا ژی توشی توندو تیژیێ دبن ئەڤجا چ توندوتیژیا دەرونی بیت یان یا جەستەیی یان کومەلایەتی ... ئەڤەژی ھندجار ژبوی وان تایبەتمەندیێن کلتوری و کومەلایەتی و سیاسی دزڤریت ، د توندوتیژیێ دا پتریا جاران ژی ژنێ دگریت ئەڤجا چ ژلایێ ھەڤژین یان باب و برا و یان کەسێن دیتر بیت و ب شێوزاێن جوداجودا نمونە یا جەستەیی بیت وەکە (لێدان و برین و کوشتن سوتن  کو ئەڤان حالەتان شینوارێن وان دیارن ، لێ ھندجار ژ ترس و شەرما ئافرەتامە مایە دبێدەنگیێ و ئەو بتنێ بویە قوربانی ، ئەڤجا ژپێخەمه‌ت نەھێلان یان کێمکرنا ڤێ توندوتیژیێ پێتڤی یە لسەر ھەموو تاکەکێ ژخوە و مالاخوە کومەلگەھا خوە و وەلاتێ خوە دەست پێبکەت و ژڤێ توندوتیژیی قورتالببیت ھەردیسان سەبارەت کومەلگەھا کوردستانێ ژی و سەرەرای ھەموو وان گوھرینێن سیاسی و ئابوری و کومەلایەتی و پێنگاڤێن حکومەتا ھەرێمێ و رێکێن یاسایی و کارێن رێکخراوێن کومەلگەھا مەدەنی و رژدی لسەر پرسا ئافرەتێ و ھەولێن بەلافکرنا ھوشیارییێ و وان گوھرینێن دکەسایەتیا ئافرەتێ دا دروست دبن بەرەف پێشە ، لێ دیسان ژی توندوتیژی ھەر یا بەردەوامەو ب شێوازین َجوراو جور ... ئەڤجا ئەف ھەوە ژی وەکە ھوشیارکرنەکا دیە بو ھەموو لایەکێ کو ڤی َتوندوتیژیێ بنبڕ بکەن  و یاکێمتر بکەن و وەکی دیار د ئەف سالەژی دا کو ئەوا ١٦ شازدە روژی ژبو ئەو ھەوا نیشتیمانی یا بەرنگاربونا توندوتیژیا دژی ژنان کو ل ٢٥ی ڤێ مەھێ ل ھەولێرا پایتەخت ب ئامادەبونا سەروک وەزیر ، نێچیرڤان بارزانی دەست پێکریە کو دگوتنێن خوە ئاماژە ب کێشەیێن ، کلتوری ب رێکا پەروەردەیا خواندنگەھان کریە کو ب جورەکێ پروگرامان ب یەکسانی و دیسان رولێ کاراتر یێ راگەھاندنێ دڤی واری دا و ئاماژە برولێ ئافرەتێ دایە کو ھەر ژکەڤن دناف زیندانێن بەعسیان و ئەنفال ب چاڤێن خوە دیتە و دوماھی ستەما بەرامبەر کچێن ئێزیدی ھاتیەکرن ، لێ دیسان ئاماژە وێ رێخوەشکرنێ ژی کریە ئەوا کوب رێکا تەکنولوجیا گەھشتیە ھەموو مالان و ئاگەھداربونا ئافرەتێ لسەر ھەموو بابەتان و کارکرنا ئافرەتێ ل مال و دەرڤە مل بملێ زەلامی ، ئەڤجا دڤێت ئافرەت ژی بێژیت بەسە و ئەز ژیانم و دێ بەردەوام بم لسەر بەلافکرنا ژیانەکا بێ ستەم .





ئەم هەواڵە 5893جار خوێندراوەتەوە
 
 
ڤیدیۆ گەلەری
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
چەند بیرۆکەیەک بۆ ڕزگاربوون لە گەرمای ھاوین
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad