English | عربی | Kurdî دواهەواڵ
ڕاستەوخۆ  
 
حکومەتا ھەرێمێ د ھەلسەنگاندنەکا ستراتیژی دا
2018-12-04 [01:09 AM]

نڤیسینا : رەمەزان نسرالدین کیڤلی


وەبەرھێنان ئێک ژوان بابەتێن زور گرنکە یێ کو ھەر حکومەتەک بڤێت ژ رویێ  ئابوری ڤە یا سەرکەفتی بیت دڤێت گرنگیێ بده‌تە وەبەرھێنانێ چ ئەڤ وەبەرھێنان یا نافخو بیت یان دەرڤە بو ھندێ ژیرخانا خویا ئابوری بھێز بێخیت ، چونکە (بونیا چڤاکی) لسەر بنەمایێ ژێرخانا ئابوری و ژێرخانا مەعریفی دھێت دارێشتن و گەلەک ژ بیرمەند ژێرخانا ئابوری ب خالا سەرەکی دانن وەکو کارل مارکس بەلام بەرامبەری ویژی بیرمەند ھەنە دگەل بلند کرنا ژێرخانا مەعریفی نە و ئەڤ ھەردوو ژیرخانە ب ھەڤرا دبنە شەکنستی ئاڤاکرنا وەلاتەکێ بھیز چ ژلایێ ئابوری ڤە یان سیاسی و لەشکەری و چڤاکی ڤە .
خالا مە دڤێت ئاماژێ پی بده‌م ئەڤە حکومەتا ھەرێما کوردستانێ ل ھەردوو کابینێن بوری دا گرنگیەکا ئێک جارا مەزن دایە وەبەرھێنان ھەتا کو یاسایەکا تایبەت بو ڤێ بابەتی ژ پەرلەمانی دەرئێخستی بەلام دیسان ئەڤ پیاڤە یێ بێ کێم وکورتی نەبویە و رەخنە ژی لسەر ھەنە تایبەت ژلایێ شەرھرەزاین ئابوری و گرنگیا وەبەرھینانێ ل کوردستانێ ل چەند خالاندا بویە ژوانا :
زێدەکرنا بەرھەمی نافخویی و بلند کرنا داھاتێ نەتەوەیێ بەلام لسەر ڤێ خالێ کارێ پێویست نەھاتیە کرن لەورا ل ھەر قەیران یان گورانکاریەکا سیاسی ڤە کاریگەری لسەر داھاتێ نەتەوەیێ دکەفت .
پێشکێشکرنا پروژێن خزمەتگوزاری بو ھاولاتیان .
بلندکرنا  ڕێژا راسمال چ بو دەولەتێ یان یو تاکی برێکا وەبەرھێنانێ .
ھەبونا دەلیڤێن کاری و کێم کرنا بەتالیێ .
مڤا وەرگرتن ژ شیانێن کومپانیێن دەرڤە تایبەت شیانێن ھونەری و تەکنیکی .
لڤێرە لسەر ئەڤان ھەر پێنچ خالێن مە دیار کرین گەلەک تێبینی و بوچون ھەنە لسەر کار و ئەدائا حکومەتا ھەرێمی بەلێ ب گشتی ژی حکومەتا ھەرێمی تایبەت بەری شەرێ دژی داعش شیایە تا رادەیەک باش مڤایێ ژ وەبەرھێنانێ وەربگریت بەلام چونکە ھەلسەنگاندنەکا جدی وئەکادیمی نەبویە بو وان سەکتەرێن جودا جودا ھەر زوی ئابورێ کوردستانێ کەتە لبن مەترسی دا لەورا بومە دیار دبیت ھەر کورانکاریەکا سیاسی دبیتە ھوکارێ کورانکاریەکا ئابوری و پیچەوانەژی و دیسان ھار کاریگەریەکا ئابوری کاریکەریەکا سیاسی ژی لدیڤ دا دھێت لەورا گرنگ بوو ژلایێ وەبەرھنینان ڤە پتر ھەلسەنگاندین ستراتیژی بو پروژین نەتەوەیی چ نەفت یان گشت و کوزار یان گشتوکال و زێدەکرنا کارگەە و پیتە دان ب بەرھەمی نافخو ھاتبا کرن و مڤا ژ سەربورا وەلاتێن پێش کەفتی ھاتبا وەرگرتن .
و یا پێدڤی بوو حکومەتا ھەرێما کوردستانێ ژ (ھەرێمەکا ریعیی ) بەرەف ھەرێمەکا پتر ژ بەرھەمەک ھەیی بچیت بو ھندێ ھەمی سەکتەرێن ئێک و دوو تەواو بکەن و ھەڤسەنگی دروست بیت د گەشەیا ئابوری ومەعریفی دا و بەرژه‌وەندێن ئابوری دروست بکەت بو ھندێ وەلاتێن دێن بھێز ل کوردستانێ پێگەە و پروژە و چالاکێن ئابوری ھەبن .
ھوکارێن بوینە پشتەڤان بو گەشەیا وەبەرھینانێ :
سیاسەتا ئابوری یا کونجایی ل کوردستانێ و تایبەت رەوشا ئیمناھیی پشتەڤان بویە .
ژینگەھا کوردستانێ چ ژینگەھا سروشتی یان یا سیاسی و نەتەوەیی .
یاسا و ریساێن کوردستانێ ، لەورا پیدڤی یە ل قوناغا داھاتی ھەمی ستراتیژیتەک بھێتە داڕێشتن بو دوبارە زڤراندنا وێ باوەریێ بو وەبەرھێنەرێن بیانی و نافخو کو بشێن ل کوردستانێ وەبەرھێنانەک باش بکەن و ئەڤ چەندە ب پشتەڤانیا حکومەتا ھەرێمی دھێتە ئەنجام دان و دیسان دبیتە ھوکارەک بو نەھێلانا زور کێشەێن ئابوری ل کوردستانێ و بەلکو دبیتە خالەک وەرچەرخان بو پێداچوونا و ئەنجام دانا چاکسازیێن ئابوری و لڤێرە پێدڤی یە ھەمی حزب و لایەنێن سیاسی پشتەڤانێن رولێ سەروکێ حکومەتێ بن چونکە زور ب ھشیاری کار دکەت پێناڤ کوردستانەکا خودان ژێرخانەکا بھێز .





ئەم هەواڵە 4921جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad