English | عربی | Kurdî دواهەواڵ
ڕاستەوخۆ  
 
رەخنەگرتن و سیاسەت، نموونە نێچیرڤان بارزانی
2018-12-11 [02:43 AM]

نڤیسینا : رەمەزان نەسرەدین کێڤلی


رەخنەگرتن دەربرینەکا کەسایەتى یە ژلایێ کەسەکێ ڤە چ ب نڤێسین یان گوتن لسەر وان کریار وپروسا یێن وەکو بەرهەمێ مروڤى دهێن هژمارتن چ ئەو بەرهەم نڤێسین بن یانژى هندەک ئافراندێن دى بن یانژى ئەو گوتن و کریارێن روژانە مروڤ ئەنجام دەت دیسان دبیت کەسەک یان گروپەک یا حزبەکا سیاسىى ئەڤێ چەندێ بکەت .

گەلەک هزرمەندا وەسا دانە دیارکرن کو هزرا نوى بخو رەخنە گرتنە چونکە دەربرینەک تازیە لسەر دیاردەکێ چ ئەدبى یا سیاسى کومەلایەتى بیت وەختێ ئەم بەحس ل رەخنێ دکن گەلەک وەسا دبین مەرەم ژێ کێم کرن وبێ بەهاکرنا وى بەرهەمى یە بەلام چ راستى بو ڤێ چەندێ نینە بەلکو هەر بەرهەمەکێ ب کەفتە لبن رەخنەگرتنێ رامانا وێ ئەوە وى بەرهەمى کاریگەریا خو هەبویە و نەخاسمە دبوارێ سیاسى دا چونکە سیاسەت بو رێکخستنا کاروبارێن وەلاتى دهێتە داریشتن و گومان تێدا نینە ئەڤان سیاسەتان دێ کێم و کاسیێن خو هەبن لەورا ژ هەمى رویەکێ ڤە پێدفى یە پێداچوون لسەر بهێتە کرن و ل دەمێ بوریدا هەرێما کوردستانێ دوو جورێن سیاسیان هەبوینە سەرەدەرى دگەل رەخنێ دکرن جورەک رەخنە ب خیانەت هژماردکرن ئانکو ئەو کەسێن رەخنە ل کارو چالاکیێن حکومەتێ دگرتن دکەتنە لبن میکروسوپێ بێ فامیا هندەک سیاسیان کو دبنەما دا ئەو سیاسى نەبوینە و رەخنەگرتن ب کوفر دهژمارتن دبیت ئەو ل زاویەکێ دا ماڤداربن چونکە خەلکەلەک هەبویە بناڤێ رەخنەگرتنێ کەربو کینیا خویا سیاسى دارێشت بەلێ چ جاران کەرب و کینى و هێرشێن بەشەک ژ کرێ گرتیان نابنە رەخنە هەردەما تە ئەڤ جورە هزرە دیتن لسەر وى کەسێ یێ نڤێسینەکێ بناڤێ رەخنێ بەلاف دکت بزانە ئەو نە رەخنە گرە و رەخنێ گرێ راستەقینە ئەوە یێ وى پروژەیێ یان بەرهەمى یان وێ دیاردێ زەنگێن دکت ب خواندن و پێشنیارێن خو .

جورێ دووێ یێن سیاسان رەخنەگرتنێ ب سینگەک بەرفەره وەردرگرتن نمونە ل ماوێ بورێدا بەرێز نێچیرڤان بارزانى وەکو کەسەک سیاسى زور ب شێوازەک نرم و جوان وئەکادیمى سەرەدەرى دگەل رەخنێ ورەخنەگران کریە دبیت بو سیاسەکێ ئەڤ چەندە زورا ب ساناهى نەبیت و دبیت بو نافخویا حزبەکێ ئەڤ چەندە یا ب زەحمەت بیت چونکە بەرژوەند و دویربینا هەمى سیاسیان وەکو ئێک نینە بەلێ سەروک وەزیران هەم لسەر ئاستێ نافخو و دەرڤە شیایە وەکو سیاسیەک سەردەمانە بهێتە دناف گوره‌پانا سیاسى دا چ کوردستانێ یانژى ل عێراقێ و ب وان رەخنێن ل وى دهاتنە گرتن هەمى بونە بەرنامە و کار شیایە بکەتە د خزمەتا ئەزمونا دیموکراسیا هەرێما کوردستانێ ، ئەزمونا هەر وەلاتەکێ ب رەخنێ گەشە دکت و نابیت رەخنە ببت ئالاڤەک بو تێکدان و نەئارامیا سیاسى چونکە وى دەمى ئەوێ رەخنێ چ رامانێن خو نامینن و هەمان دەم دا نابیت سیاسى ژى تەماشەیێ رەخنێ بکن وەکو دژایەتکرنەک بو وان بەلکو رەخنێ بکن ئالاڤەک بو گەشە سەندێن هزرى و سیاسى و کومەلایەتى و ئابورى .

قوناغا داهاتى کو نەخاسمە دبیتە قوناغەک نوى ژ ئەزمونا هەرێما کوردستانێ پێدڤى یە جهێ رەخنەگران و هزرمەندان و رەوشەنبیران ل پێشیا هەر کەسەک بیت تاکو ل وان هەمى ئاستێن ژیانا روژانە یا خەلکێ کوردستانێ چاکسازیێن بنەرت بهێنە ئەنجام دان ومڤا ژ رەخنەگران بهێتە وەرگرتن و بومە دیار بوو نە ب رەخنێ ئەم خراب بوین بەلکو رەخنە بو ئالاڤێ سەرکەفتنا مە ل ماوێ بوریدا ژى .





ئەم هەواڵە 985جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad