English | عربی | Kurdî دواهەواڵ
ڕاستەوخۆ  
 
تە داخازا دادوەریێ کر ، لێ تە نەدادوەری کر ، خاتۆنا ھێژا ..!
2018-12-14 [12:57 PM]

نڤیسینا : غیاس خالد زێباری


وەکی تاکەکێ کورد زۆر دلخۆش بوون کۆ ئێکەم جارە کوردەک خەلاتێ نۆبل یێ ئاشتیێ وەردگریت ، خەلاتکرنا کچە کوردا ئێزدی ، قوربانیا دەستێ تیرۆرستێن داعش و چاکڤانێ بو وارێ ئاشتیێ و مافێ مرۆڤ ( نادیا مۆراد ) بڤی خەلاتێ نیڤ دەولەتی ، شانازیە بۆ ھەمی کوردان . 
ئەڤ کچا کوردی ل ١٦ / ٩ / ٢٠١٦ بوویە بالیوزا نیاز پاکی و ئاشتیێ ل نەتەوەیێن ئێکگرتی و چەندین خەلات و نازناڤێن دیتر وەرگرتینە . 
ل رێورەسمێن دابەشکرنا خەلاتێ نۆبل ئۆسلۆ یا پایتەختێ نۆرویژ ژبل خێزانا پاشایەتی و چەندین کەسایەتیێن ناڤدارێن جیھانی بەرھەڤ دبن و خودانێن خەلاتا ژی گۆتارێن خۆ ئاراستە دکەن .
ئەم چاڤەرێ بووین ئەڤ کچا کورد دڤان رێ و رەسمان دا ، ب چلک و زمانێ کوردی گۆتارێ ئاراستە بکەت و گەلێ خۆ زێدەتر بدەتە نیاسین . 
لێ مخابن سەرەرای ڤێ چەندێ ب زمانێ عەرەبی ئاراستە کر و زۆر تەکەزی لسەر دادوەریێ کر ل سازیێن نیڤ دەولەتی و وەلاتێن جیھانێ ، ژبیرا خۆ کر کۆ ئەوا دڤێ گۆتارێ دا ، نەدادوەریێ دکەت ..! 
چونکی بھیچ رەنگەکی بەحسێ روولێ سەرۆکێ حکومەتا ھەرێما کوردستانێ رێزدار نێچیرڤان بارزانی نەکر ، کۆ ل سەرەتایا وێ جینۆسایدا داعشا بسەر کوردێن ئێزدی ئینای ، نڤیسینگەھەکا تایبەت ب رزگارکرنا کوردێن ئێزدی لدەستێ داعش پێک ئینا و ھەتا نھو لسەر کارێ خۆ یا بەردەوامە و زێدەتر ل سی ھزار ئێزدی لبن دەستێ ڤان تیرۆرستا رزگار کرینە ، ئەرێ ئەڤ خاتۆنا ھێژا نزانیت ئەڤە دلسۆزیا جەنابێ سەرۆکێ حکومەتێ یە بۆ جڤاکێ ئێزدی و دڤێ رەوشا دژوارا ئابووری دا بسەدا ملیون دینار خەرج کرینە ھەتا ئەڤ ژمارە لێ ھاتینە رزگار کرن و ھەولیش د بەردەوامن .
ئەرێ نادیا مۆرادێ نەزانی یە دەمێ چار سالایە حکومەتا ھەرێما کوردستانێ بسەردا کوردێن ئێزدی ل چەندین کەمپان خودان دکەت و حکومەتا عیراقێ ژی فەرامۆش کرینە ..! ، تنێ ب سەرێ زمانی بەحس لێ کر .
ئەرێ نادیا خودان خەلاتێ نۆبل یێ ئاشتیێ ، نە دزانی خەلکێ حکومەتا ھەرێما کوردستانێ چەندین شەھید داینە و پارە مەزاختی یە ھەتا کۆ شنگال و دەڤەرێن دیتر یێن ئێزدی نشین بن دەستێ تیرۆرستا رزگار کری ، لێ دوێ کەرنەڤالا وەرگرتنا ڤی خەلاتێ مەزن ، زمانێ خۆ ژبیرکر و ب وی زمانی دگەل جیھانێ ئاخفت ، ئەوێ ب وی زمانی ، زۆرداریا شەرەفێ لێ کری و بسەدان ھزار کوردێن ئێزدی کوشتی و بێ سەر و شوین و دیلکری ، پشتی رزگاریا دەڤەرێن وان ژی خودان وی زمانی دووبارە داگیرکریە و ھەتا نھو ژی زۆرداریێ لێ دکەن . 
ئەرێ خودانا خەلاتێ نۆبل یێ ئاشتیێ و بالیوزا نیاز پاکیێ یا نەتەوەیێن ئێکگرتی ، نزانیت سەرۆکێ حکومەتا ھەرێما کوردستانێ چەندین گاڤ ھاڤێتینە و یێ بەردەوامە بۆ ب جینۆساید ناساندنا کەیسا وێ زۆرداریا داعشێن عەرەب زمان بسەری ئینای ، دیسان نزانیت ، ھێشتا دەولەتا عیراقێ ئەڤ کەیسە ب جینۆساید نەزانی یە ..! 
ئەرێ دا چەند رێزگرتنا وێ جوانتر و رێزدارتر بیت ژلایێ جڤاکێ کوردستانی و ئێزدی بتایبەتی ، ئەگەر نادیا مۆرادێ ب زامانێ کوردی و جلکێن کوردی یێن ئێزدی گۆتار ئاراستە کربا و خەلات وەرگرت با .
ئەرێ دا چ لێ کێم بیت ئەگەر خەمخۆریا حکومەتا ھەرێما کوردستانێ بۆ جڤاکێ ئێزدی ل گۆتارا خۆدا بەرچاڤ گرت با ..؟ . ئەرێ لبەرچاڤ نەگرتنا ڤان ھەمی راستیا ، نە دادوەری نیە ..؟ خاتوونا ھێژا .
ئەرێ تە بۆچی داخازا دادوەریێ ل جڤاکێن نیڤ دەولەتی کر ، لدەمەکی دا تۆ بخۆ نەدادوەریێ بکەی ..! یان ئەڤەژی پیلانەکا شۆفینیا بۆ دژی حکومەتا ھەرێما کوردستانێ .





ئەم هەواڵە 4864جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad