English | عربی | Kurdî دواهەواڵ
ڕاستەوخۆ  
 
بریارا مەزن
2018-12-18 [12:52 PM]

نڤیسینا : کاژین نزار


ب رێڤەبرنا بلندترین پوستێ هەرێما کوردستانێ، کو پوستێ سەروکاتیا هەرێمێ یە ژلایێ دیبلوماتکار و سیاسەتمەڤان نێچیرڤان بارزانی، کو بەریا چەند روژان ژلایێ پارتی دیموکراتی کوردستانڤە وەکو بەربژارێ سەرەکی ژبۆ وەگرتنا ڤی پوستی هاتیه‌ هەلبژارتن.
پشتی کارکرنا دوازدە سالان ژپوستێ سەروکاتیا هەرێمێ، سەروک مەسعود بارزانی خوەدیێ ئەو هەمی خزمەت و قوربانی دانا مەزن ژبۆ گەلێ کورد و بهەمی شیان کو دەنگ و ئازارێت مللەتێ کورد بگەهینیت هەمی جیهانێ و پێکولکرن ژبو کوردستانەک سەربەخۆ. 
لێ پشتی خیانەتا ١٦ئوکتوبەرێ و ب دوماهیک هاتنا ماوێ وی یێ سەروکاتی، مەسعود بارزانی دەست ژکارکێشانا خوە ژڤی پوستی راگەهاند و پشتی ڤێ یەکێ هژمارەکا زورا خەلکێ کوردستانێ دلگرانی و خەمگینیا خوە ژڤێ یەکێ نیشاندان، و داخوازکرن دووبارە بارزانی ڤەگەرت پوستێ خوە، بەلێ سەروک بارزانی سوربوو لسەر دەست ژکارکێشانا خوە چونکی ماوێ وی یێ یاسای ژبو ڤی پوستی ب دوماهیک هات، ودیسان ب باوەربوو کو دێ شێن کەسەک خودان شیان ژبو ڤی پوستی هەلبژێرن. 
لێ بۆ ماوەیەکێ پارتی نیشانا پرسیارێ ل دویڤ خوە هێلات، و گەرما ئەڤی بابەتی و مەیدانا پرسیارکرنا بەردەوام ژلایێ خەلکێ کوردستانێ و عێراقێ گشتی، ئایا پارتی دێ کێ ژهەژی ڤی پوستی بینت و پاراستنا کوردستانەکا بهێزتر رادەستی کێ کەت؟
پشتی بورینا ماوەیەکێ ژڤالابوونا پوستێ سەروکاتیا هەرێمێ ئێدی پارتی بەربژارێ خوە ئاشکەراکر، و بریارا دەست نیشانکرنا نێچیرڤان بارزانی وەکو بەربژارێ سەرەکی ژبۆ وەرگرتنا ئەڤی پوستی دان.
نێچیرڤان بارزانی کو پێشتر دسەروکاتیا جڤاتا وەزیران خودان پەیوەندیێن دبلوماسیێن باش و بهێز بوویە لسەر ئاستێ ناڤخوە و ناڤدەولەتی، ودیسان کەسەکێ قبولکریە لسەر ئاستێ ناڤخوەی و دەرڤە لەوما پارتی دوێ باوەرێ دایە کو دێ بیتە ئەگەرێ دروستبوونا (کوردستانەکا بهێز) کو دروشمێ پارتی یە. 
دیسان ل ژێر سەروکاتیا نێچیرڤان بارزانی حکوومەتا هەرێما کوردستانێ سیمایێ حکومەتەکا دیموکرات، مەدەنی و فرە حزبی وەرگرت، نێچیرڤان بارزانی ل پلا ئێکێ دهێت ژبۆ گرنگیدان ب پێشڤەچوونا مروڤان، و پاراستنا مافێ ژنان، و گەشەپێدانا پێشەسازی، پێشخستنا دامودەزگەهێت حکوومەتێ و گرنگیدان ب بوارێ پەروەردێ، ئەڤە هەمی ژی دبت جهێ دلخوەشیا خەلکێ کوردستانێ و ببن پشتەڤانێن مەزن کو نێچیرڤان بارزانی ڤی پوستی ب دەستڤە بینت، دیسان ژبەرکو نێچیرڤان بارزانی هەماهنگی و هەڤالینیەکا باش دگەل سەرکردە و سەروکێن وەلاتێن زلهێزێن جیهانێ هەیە، ئەڤەژی دبت ئەگەرێ پاراستن و بهێزکرنا کوردستانێ لهەمبەر هەر گەڤەکێ، کو بەردەوام نێچیرڤان بارزانی رێگربوویە هەر وەکی مە پشتی ١٦ئوکتوبەرێ دیتی.
پرسیارێن زوور دهێنەکرن، ئایا پشتی نێچیرڤان بارزانی پوستێ سەروکاتیا هەرێمێ وەربگریت دچار سالێن بهێت دا دێ شێت چ بکەت؟
سەروکێ هەرێمێ دێ نوینەراتیا خەلکێ هەرێمێ لسەر ئاستێ سیاسی و ناڤدەولەتی کەت، و دیسان نوینەراتیا هەرێما کوردستانێ دچارەکرنا ئاریشان دگەل بەغدا و وەلاتێن بیانی، کو نێچیرڤان بارزانی خوەدیێ پەیوەندێن دبلوماسیێن بهێز بوویە دگەل هەموو وەلاتێن جیهانێ، و د نەخوەشترین کاودانان دا شیای کابینا هەشتێ یا حکوومەتێ برێڤە ببەت و کوردستانێ بهێز بهێلیت، و وەرگرتنا پوستێ سەروکاتیێ دچار سالێت بهێت دا کوردستانێ بەرەڤ قوناغەکا نویتر بیت و ئەو هەموو قەیران و رەنج و ماندیبوونا گەلێ کوردستانێ دچار سالێت بوریدا ب داوی هێن، وچار سالێت نووی یێن هەماهنگی و هەڤکاریا نێچیرڤان بارزانی و مەسرور بارزانی، کو نها مەسرور بارزانی بەربژارە ژبو پوستێ سەروک وەزیران، ئەڤەژی دێ دێ بیتە ئەگەرێ سەرکەڤتنەکا مەزن ژبو هەردووان، کا چاوان بەریا نها هاریکار و هەماهنگ بوون، دیسان دێ شێن رەوشا کوردستانێ بەرەڤ ئێمناهیێ و پێشکەڤتنەک مەزنتربن، و کوردستانەکا بهێز ئاڤابکن.





ئەم هەواڵە 5956جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad