English | عربی | Kurdî دواهەواڵ
ڕاستەوخۆ  
 
کی قەیران درۆست کرن و کی چارەسەرکرن ..!؟
2018-12-18 [01:08 AM]

نڤیسینا : غیاس خالد زێباری


دڤان رۆژان دا ھژمارەکا بەرپرسێن حزبێن کوردستانی ئەوێن بووینە ئەگه‌رێن درۆست بوونا قەیرانێن سەر ھەرێما کوردستانێ ، لسەر کەنالێن راگەھاندنێ ئاماژا ددەنە بەرەڤ چارەسەرکرنا قەیرانێن لسەر ھەرێما کوردستانێ و بەرەڤ قۆناغەکا نوو ، دەربارەی پەیوەندیێن ھەرێما کوردستانێ دگەل جیھانێ و عیراقێ خۆ ب گەشبین دبین و شانازیێ ب ڤان گۆرانکاریا و پێشڤەچوونێ دکەن .
لێ ژ بیرا خۆ و خەلکێ کوردستانێ دبەن ، کی و چەوا ئەڤ قەیرانە ھاتنە درۆست کرن ..؟! و چەوا ھاتنە چارەسەرکرن ..؟ 
دیارە نزانن کۆ خەلکێ کوردستانێ دزانن ب پێشنیارێن وان حکومەتا عیراقێ بۆدجە و مۆچێ ھەرێما کوردستانێ بڕینە ، ژ بووی لاوازکرنا پێگەھێ ھەرێما کوردستانێ ژلایێ سیاسی و ئابووری .
ھەر ئەو بوون ب نھێنی دژی راپرسیا سەرخۆبوونا کوردستانێ رادەستان و دگەل حکومەتا عیراقێ دژی ھەرێما کوردستانێ رادوه‌ستان .
یا لڤێ ھەمیێ مەزنتر، ل شازدێ ئکتۆبەرا سالا ٢٠١٧ خۆ ب خیانەتا نشتیمانی پیس کر و بوونە پشکەک ل ھێزێن داگیرکارێن کوردستانێ و پشتەڤانی ھێزێن حەشدا شیعی و سیاسەتا دوژمنکاریا ئیرانێ ...! 
ژبلی ڤێ چەندێ ، ھەر ئەو بوون ھەمی ھەول تەرخان کری بۆ دووبارە سەرھەلدانەڤا شەرێ نافخۆیی ..! 
پشتی ئەڤ ھەمی پیلانە ژلایێ رێزدار نێچیرڤان بارزانی سەرۆکێ حکومەتا ھەرێما کوردستانێ ھاتینە ھەلوەشاندن و ئەو قەیران ھاتینە چارەسەرکرن و قەواریێ ھەرێما کوردستانێ ل مەزنترین پیلان پاراستی و پەیوەندیێن ھەرێما کوردستانێ دگەل جیھانێ و عیراقێ د کاودانێن ھەرە دژوار دا بەرەڤ قووناغەکا نوو و بەرەڤ گەشەبوونێ برین و پشتی سەرەدانا جەنابێ سەرۆک بارزانی بۆ بەغدا ، ئاسۆیێن گەش ڤەبوونە بۆ چارەسەربوونا قەیران و ئاڵۆزیێن سیاسی و ئابووری و دەستووری یێن دناڤبەرا ھەردوو ئالیان دا .
پشتی سەرۆکێ حکومەتا ھەرێما کوردستانێ دڤێ ئەزمۆنا سیاسی و ئیداری و دبلۆماسی و ئابووری دا سەرکەفتنەکا مەزن بدەستڤە ئینای و کاریگەریەکا زۆر ژی لسەر ئاستێ جەماوەری کری و بوویە ئەگەرێ بھێزبوونا پارتی دیموکراتی کوردستان لسەر ئاستێ سیاسی و پەرلەمانی ل کوردستانا عیراقێ .
ئەرێ خێرە پشتی ڤان ھەمی پیلان و سەرەدەریێن وە یێن دژی بەرژەوەندێن کورد و کوردستانێ سەرنەگرتی ، ئەڤرۆ لسەر کەنالێن راگەھاندنێ بەحسێ ڤەبوونا ئاسۆیێن گەش بەرامبەر ھەرێما کوردستانێ دکەن ..! ، ب چ روو بەحسێ چارەسەریا قەیرانیێن ئابووری و سیاسی یێن کوردستانێ دکەن ..؟ ، چەوا زمانێ وە ڕادبیت بەحسێ بەختەوەریا خەلکێ کوردستانێ دکەن ..؟ لدەمەکی کۆ ھوون ئەگەرێن ڤان نەھامەتیا بوونە یێن بسەر کوردا ھاتی ..! 
دیارە ھوون نزانن خەلکێ کوردستانێ ، ئەڤ ھەمی رووداو و رەفتارە مینا بەلگەناما پاراستینە و گەھشتیە وی ئاستی ڕەش و سپیا ژێك جودان بکەت .
ئەڤرۆ خەلکێ کوردستانێ دزانیت پارتی دیموکراتی کوردستان و نێچیرڤان بارزانی سەرۆکێ حکومەتا ھەرێما کوردستانێ ئەندازیارێ چارەسەرکرنا ڤان ھەمی قەیرانا و پاراستنا پێگەھێ ھەرێما کوردستانێ نە و ب سیاسەت و دووربینیا جەنابێ وی خەلکێ کوردستانێ ل قۆناغێن دژوار و بەرتەنگ دا بەرەڤ بەرفرەھیێ و بەختەوەریێ بر ، بناغێن ھێزدارکرنا کوردستانێ ژی ژلایێ جەنابێ وی ھاتینە دانان . 
ھەرێما کوردستانێ ب سەرۆکاتیا نێچیرڤان بارزانی لساڵێن بھێت ، ب پلان و بەرنامێن مەزنتر و دارشتی تر بۆ بەختەوەریا جڤاکێ کوردستانێ و بھێزتر کرنا ھەرێما کوردستانێ بخۆڤە بینیت .





ئەم هەواڵە 4873جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad