English | عربی | Kurdî دواهەواڵ
ڕاستەوخۆ  
 
سامانێ بهێزكه‌ڤتنێ!
2018-12-19 [02:07 AM]

نڤیسینا : شێرزاد نایف


دبێژن پێدڤیاتى ماكا په‌یداكرنێ یه‌، پێدڤیا مه‌ بۆ كوردستانه‌كا ب هێز ژى، دێ هه‌موو فاكته‌رێن بابه‌تیانه‌ بیت، هه‌موو ل دووماهیێ بگه‌هنه‌ ئێك و ببیته‌ هێزه‌كا خۆراگر ل هه‌مبه‌ر هه‌مى ئاسته‌نگێن ئالۆز، هه‌موو ئه‌و ئاسته‌نگ ژى ب سه‌ر مه‌دا هاتن، بهایه‌كێ گه‌له‌كێ مه‌زن مه‌ پێشكێش كر و ژ هه‌ر روویه‌كى ڤه‌، یێ ل سه‌رێ لیستێ ژى بهایه‌كێ مه‌زن دای سه‌ركێشێن مه‌ بوون، راسته‌ مه‌ژى وه‌كو گه‌ل و وه‌كو حوكمه‌تا هه‌رێما كوردستانێ ئیراده‌ و قوربانى پێشكێش كرن، به‌لێ باجا هه‌رى مه‌زن دكه‌فته‌ ستویێ سه‌ركێشێن ڤى ملله‌تى كو نوونه‌راتیا مه‌ كرین، ئه‌و ژى سه‌رۆك و مه‌رجعێ كوردستانێ مسعود بارزانى و نێچیرڤان بارزانى هه‌موو ل دژ راوه‌ستیان و كێمه‌كێ ژ خه‌لكى هاریكاریكارى لێ كر، كه‌فتنه‌ سه‌ربۆرێن چاره‌نڤیساز ژین و ژیارا خه‌لكى كه‌فتنه‌ د ته‌رازویا وان دان، ژ بلى گیانى وخوینێ و ناڤوده‌نگیێ، به‌لێ ئه‌ڤرۆ مه‌ دیت ئه‌ڤه‌ چه‌ند ساله‌ك بسه‌ر ڤه‌چوون و هێشتا ئه‌م یێن ساخین و به‌رهه‌مێ وان دبینن، هه‌ر چو نه‌بیت سه‌ره‌دانێن گرنگ و كه‌سانێن گرنگ و پێشوازیلێكرنێن گه‌رم، هێشتا ژى هه‌ولێره‌ مه‌رجه‌عا عیراقێ و ئه‌و گرنگیا ل ناڤا مه‌حافلێن ده‌ولى دا یا كو دده‌نه‌ كه‌سێ بارزانى و نێچیرڤان بارزانى دبیت خه‌ونا كه‌سان و سیاسه‌تمه‌دارێن عیراقى بیت!!. نها ژى نێچیرڤان بارزانى و مه‌سرۆر بارزانى یێن دخه‌بتن ئاڤاكرنا حوكمه‌ته‌كا ب هێز و وه‌لاته‌كێ ئازا و بۆ پتر بهێزخستنا سامانێ كوردستانه‌كا ب هێز و ئه‌و شاشى و هه‌لنگفتنێن ب سه‌ر مه‌ دا چووین مه‌زنتر نه‌بن، و ماده‌م كو ئه‌وا ب سه‌ر مه‌ دا چووی هندا خراب بوو و چاره‌نڤیساز بوو، ئێدى یا داهاى نشیڤى بیت و بێهنه‌كا فره‌هتر هه‌بیت، هه‌كه‌ گه‌ل و ملله‌ت هه‌ڤدو نه‌گرن، باوه‌ركه‌ن دێ ب ساناهى خه‌ونێن نه‌خۆش بنه‌ راستى و پتر دێ سه‌رێ مه‌ ئێشیت، له‌ورا وه‌رن حه‌ژهه‌ڤدو بكه‌ین و حه‌زژێكرن ژێده‌رێ وێ هێزێ یه‌ ئه‌وا هنده‌ قوربانى داین، و ئه‌وا مالا بارزان پێ خۆریت ژى كه‌س نه‌شێت یا شه‌رم دكه‌ت ره‌نگڤه‌دانه‌كا نه‌رێنێ ل هه‌مبه‌ر وان چونكو كه‌نگێ دێ مرۆڤى  پێ چێبیت هنده‌ شه‌هیدان بده‌ت؟! یێن وه‌كرین ژى هه‌ر ژ ناڤخوه‌یا كوردستانێ چاوا بوونه‌ ته‌شابه‌ت و شه‌رمزار بوون ل ده‌سپێكێ ل جه‌م وان كه‌سان یێن باوه‌رى دایێ و خیانه‌ت هه‌ر ل خه‌لكێ خوه‌ كری به‌رامبه‌ر پاره‌كێ لاوازا، ئه‌و بها و سامانێ هندێ مه‌زن ژى یێ ڤێ مالباتێ پێشێكش كرى، خه‌بات و فیداكارى و پێكێش كرنا خۆشترین رۆژێن ژیانا خوه‌ بۆ ساله‌ها سالان ل ڤى وه‌لاتى و وه‌لاتێ دیتر ب ده‌ربه‌رده‌رى و تێكۆشان، ئه‌ڤه‌ ژ بلى ب هزاران شه‌هید و قوربانى داینه‌ و ئه‌و پاپه‌لیسكا وان دانایى ژ خوینى و كلۆخێن خۆشتڤیێن خوه‌ داینه‌نه‌.. و مان ژى هه‌ر بۆ قوربانیدانێ یه‌، له‌ورا هێز و سامانێ وێ ئه‌ڤ دینامۆیا هه‌نێ یه‌!.





ئەم هەواڵە 6067جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad