English | عربی | Kurdî دواهەواڵ
ڕاستەوخۆ  
 
ئەمەریکا یان کورد خائینۆ؟؟؟!!!
2018-12-23 [02:17 AM]

نووسینی: مەلا ھەندرێن


لە ٢٠١٨/١٢/١٩ئەمەریکا بریاری دا ھێزەکانی لە رۆژئاوای کوردستان بکێشتەوە ، بە بیانووی ئەوەی ئەوان ئامانجیان لە شەری لەناوبردنی داعش تەواوبووە و ئیدی قۆناغێکی تازە لە رووبەرووبوونەوەی داعش دەست پێدەکات ، پاش ئەمە ترەمپیش لەچەند تویتێکدا بەراشکاوی دەڵێت :ـ( ئێمە چی تر نابینە پاسەوانی رۆژھەلاتی ناوەراست بەبێ بەرامبەر، بائەوانەی لەوێن بەرگری لەخۆییان بکەن ) 
ئەم ھەڵویستەی ئەمەریکا کاردانەوەی ھەمەجۆر و قسەو باسی زۆری لەدوای خۆی راکێشا .بەشێکی زۆر لە خەلکی کوردستان و نوسەران پێیان وایە ئەم جارەش ئەمەریکا خیانەت لەکورد دەکات ورۆژئاوای کوردستان رادەستی دوژمنان دەکاتەوە ـ بەلام من پئم وایە ئەوە ئەمەریکا نییە خیانەت لە کورد دەکات ، بگرە ئەوە (pydوypg) یە خیانەت لە ئەمەریکاو گەلی کوردیش دەکات بەم بەڵگانەی خوارەوە:_
١_ ئەوکاتەی ھێرشەکانی داعش لەلوتکە بەھێزی دابوو ـ، بەشێکی گەورەی لەخاکی سوریادا خستبووە ژێر رکێفی خۆی و رۆژئاوای کوردستانیش لەلێواری کەوتن بوو . سەرانی (پەیەدە) خۆیان دەخیلی جەنابی سەرۆک کردبوو، بۆئەوەی پالپشتی ئەمەریکاو ھاوپەیمانی نێودەولەتییان بۆ دەستەبەر بکات ـ ئەوەبوو بەھەوڵی جەنابی سەرۆک ئەمەریکا ھاتەسەرخەت و رازی بوو بەوەی ھەموو پاڵپشتیەکی یەپەگە بکات لەشەری داعش ، بەڵام بەم مەرجانەی خوارەوە :_ 
یەکەم/ پەیەدە رازی بێت بە رێکەوتنێکی سیاسی و سەربازی لەگەل تەواوی حزبەکانی تری رۆژئاوای کوردستان (ئەنەکەسە)و بەشداری پێکردنیان لە بەرێوەبردنی کانتۆنەکان و ھەنگاونان بۆ بونیاتنانی سیستەمێکی دیمۆکراسی لەم ناچانە .
دووەم / دەبێت پەیەدە وەک بەشێک لە pkkنەمێنێتەوەو بریارلە قەندیل وەرنەگرن . چونکو ئەمەریکا تەنھا مامەلە لەگەل ئەوبارودۆخەی رۆژئاوای کوردستان دەکات بەشێوەیەکی سەربەخۆیانە، نەک وەک بەشێک لە پەکەکە . 
سێیەم /پەیەدە دەبێت کۆتایی بە پەیوەندیەکانی لەگەل رژیمی سوریای بەشارئەسەد بھێنێت .
چوارەم/ پەیەدە نابێت رێگرو پێچەوانە بێت لەگەل ئەجنداو بەرژەوەندەکانی ئەمەریکا لەناوچەکەدا .
ئیدی پەیەدە بەم مەرجانە رازی بوو ئینجا ئەمەریکا بەھەمووتواناکانی خۆی چووە رۆژئاواو لێ نەگەراداعش ئەم ناوچانە داگیربکات .ئەمەریکا بێگوێ دانە تووڕەییەکانی تورکیا، یەپەگەی پڕچەک کردومەشق و راھێنانی بەھەزاران شەرڤان کرد ـ بەلام پەیەدە لەھەموو بەلێنەکانی پەشیمان بوونەوەو ھیچییان جێبەجێ نەکرد . ئەگەرچی دوورێکەوتننامەیان لە ھەولێرو دھۆک واژوو کرد بۆ گەرانەوەی ئەنەکەسێ و ھێزەکانی پێشمەرگەی رۆژ . کەچی بچوکترین خالیان جێبەجێ نەکرد و تائێستاش رئگایان نەدا حزبە کوردستانییە کانی رۆژئاوا بگەرینەوەو ببنە بەشێک لەپرۆسەی سیاسی و ئیداری و سەربازی رۆژئاوا ـ دەرھەق بە خاڵی دووەمیش ھەرجێبەجێیان نەکردوو ئێستاش بەشێکن لە پەکەکە و بریار کەقەندیل وەردەگرن . لەبارەی پەیەوەندیشیان بە رژێمی سوریاوە ، ھەتا لەلێواری مەرگ بوو، وایان نیشاندەدا کە ھیچ پەیوەندییان بەرژێمی ئەسەدەوە نەماوە ـ بەلام دوای شکانی داعش و بەھێزبوونەوەی حکوموتەکەی دیمەشق ، پەیەدە جارێکی تر وابەستەیی خۆی بۆ رژێمی سوریا نوێ کردەوە. بەمەش پەیەدە دەبێتە رێگر لە بەردەم ئەجنداو بەرژەوەندییەکانی ئەمەریکالەناوچەکەدا . ئەمەریکا دەیان جار پەیەدەی ئاگادار کردۆتەوە لەوەی کەنابێت ئیمە پاڵپشتت بین لەشەری داعش و تۆش ھاوپەمانی دووژمنەکەی ئەمەریکابیت کە بەشار ئەسەدە . بەلام پەیەدە ھیچ گوێی نەداوەتە ئەمەریکاو لەماوەی رابردوو پەیوەدییەکانی لەگەل رژێمی سوریا ئاشکراترو بەھێزتر کردووە . کەوایە کێ خیانەتی لەکێ کردووە، ئەمەریکا ، یان پەیەدە ، ئێستاش ئەمەریکا نیازی کشانەوەی نییە لە رۆژئاوا . بگرە دەیەوێت بەم ھەنگاوەی پەیەدە ناچار بەخۆساغکردنەوەبکات . چونکو ئەمەریکا ناتوانێت لەگەل ھێزێک ھەنگاوی ستراتیژی بھاوێت . کە ئەوھێزە وابەستەو بەکرێ گیراوی رژئمی سوریای دوژمنی بێت .
٢_ دەربارەی خیانەتی پەیەدەش لەکوردوکوردستان پێم باشەھەندێک راستی بخەمەروو ، بۆ ئەوەی بزانین کەرلەکوێ کەوتووە کوندەش لەکوێ دراوە . 
لەساڵی ١٩٧٨ بەرێز عبداللە ئۆجەلان لەتورکیا رادەکات دەچێتە سوریا بەمەستی دوورست کردنی شۆرشێکی چەکداری لەتورکیا . ئەوکاتە لەگەل رژێمی ئەوسای سوریا دەکەوێتە گفتووگۆ بۆ ئەوەی حکومەتی سووری پالپشت و ھاوکار بێت بۆ پەکەکە و ئەوشۆرشەی ھەڵی دەگیرسێنێت ، لەئەنجامدا دەگەونە رێکەوتنێکی ستراتیژی بەم جۆرەی خوارەوە:_
١_ حکومەتی سوریا بارەگاو سەربازگەیەکی مەشق و راھێنان بۆ پەکەکە لە بیقاعی لوبنان دادنێت و ھەموو ھاوکاریەکی سەربازی و ماددیان بۆ دابین دەکات . لەبەرامبەر ئەوەی پەکەکە لەکاتی پێویست ببتە بەشێک لەشەر دژبە ئیسرائیل لەلوبنان . واتا دەبێت پەکەکە لە ململانێی عەرەب ـ ئیسراێیل لەسەنگەری عەرەب بێت نەک بێلایەن . 
٢_ سوریا ھەموو ئاسانکاری و ھاوکاریەکی گەریللادەبێت لەچوونیان بۆ باکووری کوردستان و ھەڵگیرسانی شۆرشی چەکداری دژ بەتورکیا ، کادیرانی پەکەکە ش ئازادن لە ناو کوردانی سوریا چالاکی بکەن و گەنجەکانیان بکەن بەگەریلاو رەوانەی باکوریان بکەن . لەبەرامبەر ئەوەی پەکەکە دان دەنێت بەوەی شتێک نییە لەسوریا بەناوی خاکی کوردستان . بگرە تەنھا کوردھەنەلەسوریاو لەسەرخاکی سوریای عەرەبی دەژین . لەورۆژەوە تا ئێستا شتێک لەفەرھەنگی پەکەکە نەماوە بەناوی رۆژ ئاوای کوردستان .
٣_ نابێت پەکەکە ھیچ بنکە وبارەگایەکی لەخاکی سوریادا نزیک بەسنووری تورکیا ھەبێت ـ بگرە دەبێت لەناوچەسنووریەکانی عێراق ـ تورکیا چالاکی خۆیان ئەنجام بدەن ، ئەم خاڵە بەدوو ئامانج بوو . یەکەم ، کێشەوگرفت لەنێوان تورکیاو عێراق دورست بکەن . دووەم لەکاتی پێویست کێشەوگرفت بۆ شۆرشی باشووری کوردستان دوورست بکەن . 
٤_ رژێمی سوریا ناوی پێشمەرگەو ئالای کوردستان و ھاوپەیمانی پەکەکەی لەگەل ھیچ حزبێکی کوردستانی قەبوول نەبوو . بۆیەش پەکەکە ناوی لەچەکدارەکانی نا گەریللا و ئالایەکی سێ رەنگی بۆخۆی داناو تائێستاش پەکەکە نەچۆتە ناوھیچ ھاوپەیمانییەک لەگەل ھیچ حزبێکی کوردستانی . 
پاش ئەوەی رژێمی سوریا لەساڵی( ١٩٩٩)ناچارکرا بەرێز عبداللە ئۆجەلان لەخاکی خۆی وەدەربنێت ، بۆ ماوەیەک پەیوەندییەکانی نێوان سوریاو پەکەکە تووشی دارمان وھەڵوەشانەوە چوو . بەلام لە(٢٠١١) پاش دەرکەوتنی راپەرینەکانی بەھاری عەرەبی ، بە نێوەندگیری سەرکردەیەکی کوردی باشوور ، جارێکی تر نێوانی سوریاو پەکەکە ئاسایی کرایەوە و رێکەوتنێکی تازە لەنێوانیان ھاتە کایەوە بەم جۆرە:_
١_ رژێمی سوریا رێگادەدات بەوەی پەکەکە لەناو کوردەکانی سوریا چالاکی سیاسی و حزبی دەست پێ بکاتەوە ، بەڵام نەک بەناوی پەکەکە ، بەلکو بەناوی پەیەدە . لەبەرامبەر ئەوە دەبێت پەیەدە دژی چالاکی حزبەکانی تری کوردی سوریا بوەستنەوە ولێ نەگەرێن خەلکی شارەکانی رۆژئاوابەشداری لە خۆنیشاندانەکانی بەھاری عەرەبی بکات دژ بەرژئمی سوریا . 
٢_ لەسەر رێکەوتنە ستراتیژیەکە نێوان ئۆجەلان ـ سوریا بەردەوام دەبن و لەھەر ئەگەرێک ھاوپەیمان و ھاوکاری یەکتر دەمێننەوە .
ئەوەبوو پاش پەرەسەندنی خۆنیشاندانەکانی خەلک دژ بە رژێمی سوریا و نا چاربوونی رژێم بۆ پاشەکشە پێکردنی سوپاکەی بۆ پاراستنی دیمەشق . لەگەل( پەیەدە )رێککەوتن کە ھێزیکی چەکداری کوردی دورست بکەن وناویان لێنا (یەپەگە )یەپەگە لەلایەن رژێمی سوریا پڕچەک کراو مەش و راھێنانیان پێکرا. ئەگەر ھاتنی داعش نەبوا سیماو ئەرکی ئەم ھێزە رۆشەنتر دەردەکەوت . کەبریتی بوولە پاراستنی دامودەزگاکانی رژێمی فاشستی سوریاو سەرکووت کردنی راپەرینی خەلکی رۆژئاوای کوردستان دژ بەرژێمی سوریا . بەلام دەرکەوتنی داعش وەک دەولەتێکی تیرۆریست لە سوریاو عێراق وپەرەسەندنی بەشێوەیەکی مەترسی دار ، وایکرد ئاراستەی رووداوەکان بگۆرێت . بەم جۆرە یەپەگە بوو بەو ھێزەی لەرۆژئاوای کوردستان دژ بەداعش بجەنگی و سەرەنجام بەھەولی جەنابی سەرۆک ، ئەمەریکاو ھاوپەیمانی نێودەولەتی دژبە داعش بریاریان دا بچنە رۆژئاواو پارێزگاری لەکەوتنی رۆژئاوابکەن . بەلام لەگەل ئەمەش (پەیەدەو یەپەگە)تائێستاکەش ھەروابەستەی رژێمی سوریان و بەموو لەرێکەتنەکەیان لەگەل رژێمی سوریا لایان نەداوە . بالێرەدا سەیری کردەوەکان و ھەنگاوەکانی پەیەدە بکەین کەلەم چەند سالەی رابردوو پیادەیان کردووە ، کەئەمانەن:_
١_ پاش کشانەوەی ھێزەکانی رژێمی سوریا و رادەست کردنی بە (یەپەگە ). (پەیەدە )دەسەلاتێکی بەناو خۆسەری راگەیاندو ناوی لێنا (کانتۆنەکانی جەزیرە) باشە نابێت خەلکی ھوشیار بپرسێت بۆچی (پەیەدە )ناوی لێنەنا ( کانتۆنەکانی رۆژ ئاوای کوردستان) باشە بۆناپرسن بۆچی ووشەی کوردو کوردستان قەدەغەیە لای ئەوبرادەرانە؟؟!! 
٢_باشە بۆچی ( پەیەدە واتا پارتی یەکێتی دیمۆکراتی ) و( یەپەگە واتا یەکینەکانی پاراستنی گەل) و( یەپەژە واتا یەکینەکانی پاراستنی ژن) نەووشەی کوردو نەووشەی کوردستانیان پێوە نییە؟؟!! ئەرێ بۆچی ناویان لەچەکدارەکان نا (شەرڤان )و نەیان کرد بە پێشمەرگە . خۆ پێشمەرگە موولکی ھیچ حزبێک نییە ؟!! باشە بۆچی لەسایەی ئەم کانتۆنانە ئالای کوردستان قەدەغەیە و ھەرکەسیک ھەلی دات زیندانی دەکرێت ؟؟!! 
٣_ باشە گەلۆ ھەندێک حزب ھەنە لەناو (ئەنەکەسە ) واتا لەناو ئەنجومەنی نیشتیمانی کورد لەسوریا ـ لەسەردەمی دەسەلاتی رژێمی سوریا بارەگایان لە قامشلۆو شارەکانی تر ھەبوو ، بەپێی دەستووری سوری مۆلەتی کارکردنیان ھەبوو .کەچی لەسایەی دەسەلاتی کانتۆنەکانی جەزیرە . یاساغ کران و ھەموویان ئاوارەی باشووری کوردستان کران . 
٤_ (ھەسەدە) واتا ھێزەکانی سوریای دیموکرات ، سەداچلی چەکدارەکانی عەرەبی سەربە حزبی بەعسن و سەداشەستی ھێزەکانی یەپەگە یە ، بۆچی پەیەدە ئامادەیە ھاوپەمان و ھاوسەنگەری عەرەبی بەعسی بێت بەلام ئامادەنییە ھاوپەمانی لەگەل پێشمەرگەکانی رۆژ بکات . 
لەکۆتاییدا بەراشکاوی دەلێم ھیچ سووم نییە لە کۆتایی ھاتن بەدەسەلاتێک کە لەسایەیدا ناوی کوردوکوردستان قەدەغە بێت . ھیچ سوم نییەلە دەسەلاتێک کەلەسایەیدا ئالای کوردستان و پێشمەرگە قەدەغە بێت، بەلام بارەگاکانی حزبی بەعس وئالای رژێمی سوریاو وێنە زلەکانی بەشارو حافڤ ئەسەد رێگاپێدراو پارێزراوبن . ھیچ سووم لە کۆتایی ھاتنی دەسەلاتێک نییە تەنھا ئامانجی پاراستنی بەرژەوەندییەکانی رژێمی سوریا بێت .بائەوەش بلێم ئەمەریکا دوورێگای لەبەردەم پەیەدە داناوە ، یان دەبێت لەفەلەکی رژێمی سوریا بێتەدەروەوببتە ھاوپەمانێکی راستەقینەی ئەمەریکا ، یانیش دەبێت کۆتایی بەپەیوەندی لەگەل ئەمەریکابھێنێت . بریاری کشانەوەی ھێزەکانی ئەمەریکاش بەشێکە لە فیشاربۆ ئەوەی پەیەدە ئیدی خۆی ساغ بکاتەوە و کۆتایی بە م دوویارییە بھێنێت . من پێم وایە لەھەردوو حالەتەکە ئەمەریکا لەرۆژئاوا ناکشێتەوە و گۆرانکاری گەورەش دورست دەکات .





ئەم هەواڵە 6352جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad