English | عربی | Kurdî دواهەواڵ
ڕاستەوخۆ  
 
جارەکا دی ھەولێر قیبلەیا دبلۆماسیەتێ
2018-12-23 [05:07 AM]

نڤیسینا : غیاس خالد زێباری


ھەرچەندە بەری نھو مە گۆتارەک ژێر ناڤێ ھەولێر قیبلەیا دبلۆماسیەتێ بەڵاڤ کربوو ،  نە مەبەستا من ئەوە بابەتی دووبارەبکەم ، لێ بفەر دزانم جارەکا دی گرنگیێ بدەینە چالاکیێن دبلۆماسیێن ھەولێرێ ، چونکی ئەڤ شەپۆلا سەرەدانێن شاندێن ژمارەکا زۆرا وەلاتان کۆ ھندەک ژوان وەلاتێن دلھێزن ، ھەر وەسا شاندێن وەلاتێن ھەرێمی و نیڤ دەولەتی بۆ ھەرێما کوردستانێ و ھەولێرا پایتەخت دڤان کاودانان دا ، دەنگڤەدانەکا مەزن دایەڤە و گرنگیەکا تایبەت ھەیە و زۆر ڕامان ژێ دچن . 
راستە ل وەلاتێن سەربخۆ و خودان سەروەری ئەڤ ڕەنگە چالاکیە د نۆڕماڵن و ھەژی بابەتیکرنێ نینە ، لێ بۆ ھەرێمەکا دناڤ وەلاتەکێ فیدرال دا مینا کوردستانێ ، پشتی بێدەنگیا نیڤ دەولەتی و ھەرێمایەتی لسەر روودانێن پشتی راپرسیا سەرخۆبوونا کوردستانێ ل ئیلونا ٢٠١٧ و خیانەتا ئێک ل مەزنە حزبێن خۆدان ھێز و جەماوەر ( ئێکەتیا نشتیمانی کوردستان ) دژی حکومەتا ھەرێما کوردستانێ و دەسکەفتێن نەتەوی و نشتیمانی و چوینە دگەل بەرەیێ ھێزێن داگیرکارێن کوردستانێ. 
مەترسیێن دژوار لسەر ھەرێما کوردستانێ کرن ، ژلایەکی شەرێ تیرۆرستێن داعش ب داوی نەھات بوو ، ژلایەکێ دیتر لەشکرێ دەولەتا عیراقێ و حەشدا شیعی و گرۆپێن توندڕەو ب چاڤدێری و پشکداریا پاسدارێن ئیرانێ ب مەزنترین ھێزا خۆ ھێرشی سەر ھەرێما کوردستانێ کر . 
ژلایەکێ دیتر حزبێن کوردستانی یێن پشکدار ل حکومەتێ دوان کاودانان دا خۆ ل حکومەتێ ڤەکێشا و خۆ نەکرە خودانێن دووزا کوردی و پارێزەرێن ڤان دەسکەفتا و دڤیا  حکومەت بھێتە ھەڵوەشاندن و پارتی و سەرۆکێ حکومەتا ھەرێما کوردستانێ پێ تاوانبار بکەن .
دیارە گەھشتبوونە باوەریێ ژبەر ڤان پیلانێن مەزن و رێکخستی دووماھی دێ ب قەوارێ ھەرێما کوردستانێ ھێت و حکومەتا عیراقێ لدیف بەرژەوەندێن خۆ دێ سیستەمەکێ نوو بۆ ھەرێما کوردستانێ دانێت و دێ پارتی دیموکراتی کوردستانێ ل دەسھەلاتا کوردستانێ دوور کەن ...!
سیاسەت و بەرنامێ رێزدار نێچیرڤان بارزانی سەرۆکێ حکومەتا ھەرێما کوردستانێ بۆ ڕاگرتنا ڕەوشێ و چارەسەرکرنا قەیرانان ، بلەز کەفتە کاری و مەزنترین سەرکەفتن بدەستڤە ئینا ، چونکی نە تنێ ڕەوش ڕاگرت ، بەلکی پڕانیا قەیرانێن سیاسی چارەسەرکرن و قەوارێ سیاسی و کارگێری یێ ھەرێمێ ئەوێ ب وێ خیانەتێ لەنگەر بووی ، ڕاکرەڤە و بەرە بەرە بھێزترکر ، تا گەھشتیە وی ئاستی ئەڤرۆ رۆژانە مەزنە بەرپرس و نوونەرێن وەلاتێن جیھانێ و سازیێن نیڤ دەولەتی سەرەدانا ھەرێما کوردستانێ دکەن و ھەولێرا پایتەخت بوویە قیبلەیا دبلۆماسیەتێ و کۆمبوونا دگەل سەرۆک بارزانی و سەرۆکێ حکومەتێ و حکومەتا ھەرێما کوردستانێ دکەن . 
ئەڤ ھەوا چالاکیێن دبلۆماسی ل ھەولێرێ دانپێدانەکە ب ھەرێما کوردستانێ و حکومەتا ھەرێمێ . 
ب رامانەکا دیتر دشێین بێَژین ھاتنا شاندێن ڤان وەلاتان بۆ ھەولێرێ ، دانپێدان و پەشێمان بوونا وانە لسەر بێدەنگیا وان ل روودانێن شازدێ ئکتۆبەرێ و پشتی وێ ، ھەر وەسا بەرۆڤاژیبوونا ھەلویستێ حکومەتا نوو یا عیراقێ بەرامبەر ھەرێما کوردستانێ پشتی چەند سەرەدان و پەیوەندیێن سەرۆکێ حکومەتا ھەرێما کوردستانێ و سەرەدانا سەرۆک مەسعود بارزانی بۆ بەغدا ئاماژەنە بۆ سەرکەفتنا سیاسەت و دبلۆماسیەتا ھەرێما کوردستانێ بۆ پاراستنا بەرژەوەندێن خەلکێ کوردستانێ و قەوارێ ھەرێمێ . 
ئەڤ ھەمی سەرکەفتنێن ھەمە لایەنە لسەر دەستێ نێچیرڤان بارزانی سەرۆکێ حکومەتێ ھەرێما کوردستانێ دڤان کاودانێن دژوار دا و بوونا ھەولێرا پایتەخت ب قیبلەیا دبلۆماسیەتێ ، ھیڤیێن بەختەوەریێ و پاشەرۆژەکا گەش بۆ خەلکێ کوردستانێ درۆست دکەت و ئاماژەنە کۆ ھەرێما کوردستانێ بسەرۆکاتیا جەنابێ وی ل قۆناغێن داھاتی دا دێ بەرەڤ ئاسۆیێن گەشتر چیت و سەرکەفتنێن مەزنتر تۆمار کەت ، چونکی سەرۆکێ ھەرێمێ لسەر ئاستێ جیھانێ نوونەرایەتیا خەلکێ ھەرێمێ دکەت و ئەز باوەرم پرانیا وەلاتێن جیھانێ دێ پێشوازیێ ل بریارا دەست نیشانکرنا رێزدار نێچیرڤان بارزانی کەن وەک سەرۆکێ ھەرێمێ و پشتەڤان بن بۆ سەرکەفتنا وی دڤی ئەرکێ نوو دا . ئەڤە ژی دەسکەفتەکێ ھەرە مەزنە بۆ نەتەوا کورد و فاکتەرەکە بۆ بھێزکرنا کوردستانێ لسەر ئاستێن سیاسی و دبلۆماسی و ئیداری و کارگێری و بەەرڤ دەسکەفتێن مەزنتر ، کۆ درۆشم و ئارمانجا پارتی دیموکراتی کوردستانە .





ئەم هەواڵە 6529جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad