English | عربی | Kurdî دواهەواڵ
ڕاستەوخۆ  
 
ئەم ئافرەتەش بەدەستی ھاوسەرەکەی کوژرا
2018-12-29 [10:58 AM]

ZNA – ھەولێر 


رۆژنامەنووس خالید سلێمان لەھەژماری تایبەتی لەتۆڕی کۆمەڵایەتی فەیس بووک ڕایدەگەێنێت ، ئافرەتێک بەدەستی ھاوسەری پێشووی کوژرا . 


ناوبرا لەسەر ڕووداوەکە نووسیویەتی پەیمان عەتوڵا، نزیکەی بیست ساڵە لەسوید ئەژیا، تا ساڵی ٢٠١١ لەگەڵ ھاوسەرەکەیدا پێکەوە ئەژیان و دوو مناڵیان ھەبوو. لەدوای ئەو ساڵەوە بەھۆی جیاوازی و پێکەوە نەگونجان جیا ئەبنەوەو بەتەنیا لەگەڵ ھەردو مناڵەکەی ئەژیاو ئەرکی بەخێوکردنیانی لەئەستۆ گرتبوو. 
ھەروەھا خالید سلێمان راشیدەگەێنێت ، بەپێی کەسێکی نزیک لەپەیمان، دوای جیابوونەوە، حەوت ساڵە لەگەڵ مناڵەکانیدا لەشاری یۆتۆبۆری دەژیت و خەریکی کارکردنە ، ڕۆژی ھەینی پێشوو، ٢١ی دیسەمبەر، واتە چوار ڕۆژ پێش کریسمس، لەکاتی چۆن بۆ سەر کار لەلایەن ھاوسەری پێشویەوە لەبەردەم ماڵەکەی خۆیدا دەکوژرێت و کۆتایی بەژیانی دەھێنرێت. 
 ڕونیشی دەکاتەوە ، بەھۆی بوونی رەوەندێکی دیاری کورد لەسوید، چیرۆکی لەم جۆرە بەشێوەیەکی بەرچاو ڕودەدات و ئەمەش یەکەمجار نیە کە ژن و کچی کورد بەدەست کەسوکاریان لەو وڵاتە، دەبنە قوربانی دڵڕەقی و کوشتن و لەناوبردن. ئەوەی لەم تاوانەدا، جێگەی سەرنجە لەھاوسەری پەیمان دوای حەوت ساڵ لەجیابونەوە، دەستی ئەچێتە خوێنی ھاوسەری پێشوی و دوای ئەوەی مناڵەکانی بێ باوک کرد، بێ دایکیشیان دەکات. 
خالید سلێمان ڕاشیدەگەێنێت ، یاساکانی سوید ھیچ نەرمییەک لەگەڵ ئەمجۆرە تاوانانەدا نانوێنن و بکوژ سزای خۆی وەردەگرێت، بەڵام گرفتەکە پەلکێشانی کولتورێکی دڵڕەق و نامرۆییە بۆ ناو ڕوبەری ژیانی تاکەکانی کورد، تەنانەت لە وڵاتێکی وەک سویدیشدا. کولتورێک سنورە جوگرافیەکان ئەبەزێنێت و ئەسکەندنیاڤیا و کوردستان ئەخاتە ناو بازنەی یەک مانتالێتی و بیرکردنەوەوە، ئەویش بازنەی دەستدرێژی و زوڵم و لەناوبردنی ژیانی ئەم ئافرەتە .


ی.ا
سەرچاوە| ktv
 





ئەم هەواڵە 31660جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad