English | عربی | Kurdî دواهەواڵ
ڕاستەوخۆ  
 
پەروەردا کەرکووکێ د سێ سالێن دەستھەلاتداریا کوردی دا
2018-12-30 [02:22 AM]

نڤیسینا : کارزان فەقی


ل سنورێ پارێزگەھا کەرکووکێ پتری ٦٠٠ قوتابخانەێن کوردی ھەنە، د قوناغێن بۆری ئەو خواندنا وان قوتابخانەیان گەلەک ب زەحمەت بوویە و گەلەک جاران گەفا گرتن و داخستنا وان قوتابخانەیان ژی ھەبوویە، واتە ب داخستنا وان قوتابخانەیان ئیدی مینبەرێ بەلاڤکرن و زندی ھێلانا زمان و کەلتورێ کوردی دا گەلەک ب زەحمەت بیتن، نھا پەروەردە تاکە مینەرێ بلاڤکرن زمانێ و رەوشەنبیریا کوردی ژ بۆی کو ئەو دەڤەر نەکەڤیتە ژێر کارتێکرنا نەھێلانا ھزرێن دژە کورد و درێژەپێدەرا ب عەرەبکرنێ، لێ ئەوێ گرنگ ئەوە، ددیرۆکا کەرکووکێ دا ب تایبەت پشتی چێبوونا دەولەتا ئیراقێ، ب تەنێ سێ سالان کەرکووک ل ژێر حکومرانیا کوردان بوویە ئەو ژی ل سالا ٢٠١٤ و پشتی ھاتنا داعشێ و خوە ڤەکێشانا ھێزێن ئیراقی ل کەرکووکێ ئیدی ھەم ژ لایێ ئێمناھی و ھەم ژی ژلایێ حکومرانی و خزمەتگۆزاری ڤە ژی کوردان ئەو پارێزگەھـ ب رێڤەبر، د وان سێ سالان دا سەرۆکێ حکومەتا ھەرێما کوردستانێ گرنگییەکا تایبەت ب کەرکووکێ دا و خاندنا وان قوتابخانەیێن کوردی ب پشتەڤانیێن دارایی زندی کرەڤە، چنکی حکومەتا ئیراقێ ب رەنگەکێ بەرنامە بۆ دارێژتی لاوازی خستە د پرۆسەیا خواندنا کوردی ل پەروەردەیا کەرکووکێ، کەواتە ئەو سێ سالێن حکومەتا ھەرێمێ حکومرانیا وێ پارێزگەھی کر دناڤبەرا سالێن ٢٠١٤ ھەتا خیانەتا ١٦ی ئکتۆبەرا سالا ٢٠١٧ حکومەتێ مەھانە ١٠ ملیۆن دۆلار ژ پارەیێ پترۆ دۆلاری بۆ کەرکووکێ تەرخان دکر، ئەو کوژمێ پارە ژی کو ژ بۆ خزمەتگۆزاری و دامەزراندنا خەلکێ وێ پارێزگەھێ بوو، کو گرنگیدان ب کەرتێ پەروەردە ژی د وێ کوژمە پارەیێ دا دھاتە دیتن و سێ سالێن ڤەژاندنا خواندنا کوردی بوو ل سنورێ پارێزگەھا کەرکووکێ، لێ نھاو پتری سالەکێ یە پەروەردەیا کوردی ل کەرکووکێ کەفتیە ژێر گەف داخستنێ و ژ لایێ مادی ڤە ئەو قوتابخانە نکارن خوە ب رێڤەبەن و ب ئێکجاری ھاتینە پشتگوھخستن، ھەروەسا ژ لایێ ئیمناھی ڤە ژی مەترسی ل سەر ژیانا گەلەک ژ مامۆستایان ھەیە و ئەڤە بوویە ئەگەر پێلەکا ئاوارەبوونێ ژی دەست پێ بکەت و سیستەمێ خواندنا کوردی ب ئێکجاری لەنگ و خوار بکەت، لەورا خیانەتا ئکتۆبەرێ نە ب تنێ دەستھەلاتدارییا پارێزگەھا کەرکووکێ گوھارت، بەلکو کلتور و چاند و خواندن و زمانێ کوردی ب گشتی ل وێ پارێزگەھێ خستە مەترسیێ دا، لەورا ھەبوونا دەستھەلاتەکا کوردی ئەگەر چەند کێماسی ژی ھەبن، باشترە ژ حکومەت و پارێزگارەکێ عەرەب ل کەرکووکێ کو د ھەموو روویەکێ ڤە دژی کوردان کاردکەت.





ئەم هەواڵە 5473جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad