English | عربی | Kurdî دواهەواڵ
ڕاستەوخۆ  
 
بۆچى سێره‌ له‌ مه‌سرور بارزانى ده‌گيرێت؟!
2018-12-31 [08:46 AM]

نووسینی: دڵشادمەولوودگەردی


مه‌سرور بارزانى، ئه‌و ژماره‌ قورسه‌يه‌ كه‌ پارتى بۆ ئه‌م قۆناغه‌ ئه‌ركێكى نوێى خستووه‌ته‌ ئه‌ستۆى، ئه‌ركێك كه‌ كۆى گشتى كيانى سياسى و ئابوورى كوردستان له‌ قه‌يرانه‌ يه‌ك له‌ دواى يه‌كه‌كانى ده‌رباز بكات و ئه‌م پارچه‌يه‌ى كوردستان بگه‌يه‌نێته‌ كه‌نارى ئارامى يه‌كجارى و نه‌ك ته‌نيا پارێزگارى له‌ سنوور و شكۆ و سه‌روه‌رى كوردستان بكات، به‌ڵكو له‌ ناوخۆشدا شه‌ڕێكى سه‌ختى گه‌نده‌ڵى و گه‌نده‌ڵكاران بكات و ببێته‌ ئاڵاهه‌ڵگرى به‌ره‌نگاربوونه‌وه‌ى گه‌نده‌ڵى و ده‌ستپێكردنى سه‌رده‌مێكى نوێى ئيداره‌ و حوكمڕانى له‌ كوردستان.
هه‌ر له‌ ئێستاوه‌، كه‌سايه‌تى مه‌سرور بارزانى خراوه‌ته‌ به‌ر سێره‌ى تيرى ژه‌هراوى دوژمنان و ناحه‌زانى كورد و كوردستان، چونكه‌ دوژمنانى كورد هيچ كاتێك نايانه‌وێت كورد هه‌ستێته‌ سه‌ر پێ و ناو ماڵى خۆى رێكبخاته‌وه‌ و كه‌سايه‌تييه‌كى به‌هێز و كاريگه‌رى وه‌ك جه‌نابى مه‌سرور بارزانى جڵه‌وى حوكمڕانييه‌كى ديموكراتيانه‌ى به‌هێز بگرێته‌ ده‌ست و رێگرى له‌ سيخوڕى و خيانه‌تكارانى ناوخۆ بكات و سه‌رچاوه‌ى دارايى ئه‌و گرووپ و باند و كه‌سه‌ گوماناويانه‌ وشك بكات، كه‌ له‌ ماوه‌ى رابردوودا سوودى خراپيان له‌ هه‌رێمى كوردستان وه‌رگرتووه‌ و خۆيان كردووه‌ته‌ كراس سوورى به‌ر له‌شكرى داگيركاران و سڵ له‌ هيچ خيانه‌ت و جاشايه‌تييه‌ك بۆ دوژمنانى كوردستان و سوپاى شۆڤينييه‌كانى عێراق ناكه‌نه‌وه‌.
مه‌سرور بارزانى، ئه‌و كاره‌كته‌ره‌ گرنگه‌يه‌ كه‌ ده‌توانێت له‌ يه‌ك كاتدا شه‌ڕى تيرۆر له‌ ئاستى ده‌ره‌وه‌ى سنووره‌كانى هه‌رێمى كوردستان بكات و له‌سه‌ر هێڵى هاوپه‌يمانى نێوده‌وڵه‌تى دژى داعش بمێنێته‌وه‌ و چالاكانه‌ كار بۆ وشككردنى سه‌رچاوه‌ى تيرۆر بكات.
هه‌روه‌ها له‌ ناوخۆدا شه‌ڕى گه‌نده‌ڵى و گه‌نده‌ڵكاران بكات و ريزى كۆمه‌ڵگه‌ى كوردستانى يه‌كبخاته‌وه‌ و خيانه‌ت و ناپاكى و جاشايه‌تى هه‌ندێك كه‌س و لايه‌نيش رووبه‌ڕووى لێپرسينه‌وه‌ و سزاى ياسايى بكاته‌وه‌. 
جگه‌ له‌وه‌ش، كار بكات بۆ بنياتنانه‌وه‌ى كوردستان و چاره‌سه‌ركردنى قه‌يرانه‌ كه‌ڵه‌كه‌ بووه‌كان و رزگاركردنى كوردستان له‌ قه‌رزه‌ بيانييه‌كان و دابينكردنى خۆشگوزه‌رانى بۆ خه‌ڵك و به‌هێزكردنى پێگه‌ى كوردستان له‌ سه‌ر نه‌خشه‌ى وزه‌ى جيهان و به‌ده‌ستهێنانى ماف و شايسته‌ داراييه‌كانى خه‌ڵكى كوردستان له‌ به‌غدا و ئه‌نجامدانى دانووستانى كراوه‌ له‌گه‌ڵ به‌غدا بۆ چاره‌سه‌ركردنى كێشه‌ هه‌ڵپه‌سێردراوه‌كان به‌ گشتيى و پرسى كه‌ركوك به‌ تايبه‌تى.





ئەم هەواڵە 6946جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad