English | عربی | Kurdî دواهەواڵ
ڕاستەوخۆ  
 
حکومەتا ھەرێما کوردستانێ و پاراستنا کلتۆرێ پێکڤە ژیانێ
2019-01-03 [02:39 AM]

نڤیسینا : غیاس خالد زێباری


کلتۆرێ پێکڤە ژیانا ئۆل و ئەتن و نەتەوان دناڤ جڤاکێ کوردستانێ بوویە کلتۆر و ب درێژاھیا دیرۆکێ خەلکێ کوردستانێ ئەڤ کلتۆرە پاراستیە ، د زۆر گوند و دەڤەرێن کوردستانێ ئایینێن جودا جودا بێ ئاریشە و ب برایەتی پێکڤە ژیانە و پشکداری د ھەلکەفت و جەژنێن ئێکدوو کریە ، زۆر جاران کەسێن ئایین پەرێسێن جودا جودا پێکڤە گەریانە و مرۆڤی ب زمان و دیالیکت و جلو بەرگا ژێک جودا نەکرینە .
ھەرچەندە رۆژانە دبینین و مە گوە لێ دبیت ل دناڤ جڤاکێن دەوبوبەرێن ھەرێما کوردستانێ و لسەر ئاستێن بلندێن ئایینی . دژبەریا ئایینێن دیتر دھێتە کرن و لسەر جوداھیا ئایینی خەلکەک دھێتە کوشتن و دەربدەرکرن .
راستە زۆرینەیا ھەرە زۆرا خەلکێ ھەرێما کوردستانێ موسلمانن ، لێ موسلمانێن ھەرێما کوردستانێ نەکەفتینە بن وێ توند ڕەویا ل ژمارەکا زۆرا وەلاتێن موسلمانا سەرھەلدای ، مینا بەشێن دیتر یێن عیراقێ یا ل ئیران و یەمەن و سووریا و لبنان و ... ھتد .
حیکمەتا ڤێ چەندێ ژی بۆ سیاسەتا حکومەتا ھەرێما کوردستانێ ب سەرۆکاتیا دەولەتمەدار نێچیرڤان بارزانی دزڤریت ، چونکی جەنابێ وی بەردەوامی دایە وی کلتوورێ پێکڤە ژیانا ئۆلی و مەزھەبی و نەتەوی یا جڤاکێ کوردستانێ ھەر د کەڤندا ، دبین جەنابێ وی چ راستەو خۆ یان د رێکا نوونەر و بەیانناما ، پشکداریێ د ھەلکەفتێن ئایینی و جڤاکی یێن ئایینێن دیتر ژی دکەت یێن نە موسلمان ، مینا ئێزدی و مەسیحی و یێن دیتر . 
ڤەکرنا نڤیسینگەھەکا تایبەت یا جەنابێ وی بۆ رزگارکرنا برایێن ئێزدی یێن بن دەستێ تیرۆرستێن داعش  و ھەتا نھو بھزاران ھاتینە رزگارکرن و پارەیەکێ ھەرە زۆر ژی لێ ھاتیە خەرجکرن و نە تنێ د ئازادن بۆ ئەنجامدانا مەراسیمێن خۆ یێ، ئایینی لێ پارێزڤانی و پشتەڤانیەکا باش ژێ لێ دھێتەکرن .
ھەر وەھا برایێن مەسیحی ب ئازادی رێورەسمێن خۆ ئەنجام ددەت و لسەر ئاستێن بلند ژی یێن حکومەتا ھەرێما کوردستانێ دگەل پشکدار دبن و ھژمارەکا زۆرا وان ژی ل ھەرێما کوردستانێ ھاتینە پاراستن کۆ ژبەر تۆند ڕەویێ دەربدەر بوونە .  
دبن سیبەرا دەسھەلاداریا حکومەتا ھەرێما کوردستانێ تاکێن کورد ھەردەم رێزێ ل ئایین و ھزرێن دیتر دگریت و ھەتا نھو مە نەزانی یە ، لسەر ھزرا ئایینی تەعدا ل کەسەکی ھاتبیتە کرن ، یان ژی ئایینەک ھاتبیتە سەپاندن . 
ھەبوونا رێڤەبەری یان نوونەرێن ئایینێن دیتر ل وەزارەتا ئەوقاف و کاروبارێن ئایینی ل حکومەتا ھەرێما کووردستانێ خۆ بخۆ رێزگرتنە ل ئازادیا ئایینی . 
ھەرچەندە ب ھاتنا سەرێ سالا نوو یا زایینی ،  موفتیێ عیراقێ ب گۆنەھبارکرنا پشکدارێن ئاھەنگێن سەرێ ساڵێ و پیرۆزباھیکرنا برایێن مەسیحی بڤێ ھەلکەفتێ ، ئێکەم جارە ھەردوو مەزھەبێن سنی و شیعی ل عیراقێ کۆم دکەت ، لێ حکومەتا ھەرێما کوردستانێ د رێکا وەزارەتا ئەوقاف و کاروبارێن ئایینی نە تنێ ئەو فەتوا  ماندەلکر بەلکی ب رەفتارێن داعشی لقەلەم دا و داخاز کر رێکارێن یاسایی لھەمبەر بھێنە کرن . 
ئەڤە بەلگەھەکێ دیترە کۆ حکومەتا ھەرێما کوردستانێ ب سیاسەتا نێچیرڤان بارزانی گرنگیەکا مەزن ددەتە وارێ پێکڤە ژیانێ و ئازادریا ھزر و بیر و ئایینان و وەکی کلتوور دبینیت .
برەنگەکێ گشتی حکومەتا ھەرێما کوردستانێ پێکڤە ژیانا ئایینی و نەتەوی و مەزھەبی و  ئێکتر قەبۆلکرنێ  دناڤ خەلکێ کوردستانێ کریە تابلۆیەکێ جوانێ ھونەری یێ جڤاکێ کوردستانێ و نێچیرڤان بارزانی پارێزڤانیێ لێ دکەت و بەردەوام نووژەن دکەتە ڤە .





ئەم هەواڵە 6502جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad