English | عربی | Kurdî دواهەواڵ
ڕاستەوخۆ  
 
گیرۆبوونا حکومەتێ بۆچی و د بەرژەوەندا کی دایە ..؟
2019-01-04 [01:16 AM]

نڤیسینا : غیاس خالد زێباری


زێدەتر ل سەد رۆژان بسەر ھەلبژاردنێن پەرلەمانێ کوردستانێ تێپەڕین ، ئەنجام ھاتینە راگەھاندن و پەسند کرن ، پارتیا سەرکەفتیا ئێکێ کۆ پارتی دیموکراتی کوردستانە ، کاندیدێ خۆ ، مەسرۆر بارزانی دەست نیشان کریە بۆ پێک ئینانا حکومەتا داھاتی ، لێ ھێشتا دانۆستاندێن جدی دگەل لایەنێن دیتر نەھاتینە کرن .
ئەڤ کۆمبوونێن پارتی دگەل ھندەک لایەنێن دیتر ئەنجامدای ھەتا رادەیەکی د ئەرێنی بوون و حەزا پشکداریێ ھەیە .
ھەلبژاردن بۆ دھێنە کرن ..؟ ھەلبژاردن پرنسیپەکێ سیستەمێ دیموکراسیێ نە کۆ ھەرێما کوردستانێ پەیرەو دکەت ، پارتی ژی پێشەنگ و ئەکتەرێ ھەری کاریگەرە بۆ چەسپاندنا ڤی سیستەمێ جیھانی ل کوردستانێ ، ژبۆی بھێزکرنەڤا دەسھەتێ د ھەلبژاردناندا خەلک بریارێ لسەر ددەت ، پارتیێن سەرکەفتی  بەرنامێن خۆ یێن یێن سیاسی و کارگێری ئەوێن خەلکی دەنگ بۆ دای د حکومەتا داھاتی بجە دئینیت و چەندین مەرامێن دیتر ، خەلک حەز دکەت پشتی ھەلبژاردنان حکومەت پێک بھێت داکۆ بشێن خۆ تێدا ببینن و پارتیێن دەنگ پێ ھاتینە دان تاقیبکەن ، ئەرێ دێ شێن بەرنامێن خۆ بجە بئینن یان نە ..؟ 
ئەز دبینم گیرۆبوونا پێک ئینانا حکومەتا نوو یا ھەرێما کوردستانێ ، گیرۆبوونەکا خۆرستکی نیە ، ھندەک نەپەنی ھەنە و دبیت پارتیێن دژبەرێن پارتی دیموکراتی کوردستان ب پیلان  یاریەکا کێشان و پیڤان و گرتن و بەردانێ بکەن ، داکۆ پارتیا سەرکەفتیا ئێکێ و کاندیدێ سەرۆکێ حکومەتا نوو بکەنە ئەگەرێن گیرۆبوونێ و بێژنە خەلکەکی ئەڤ پارتیە و ئەڤ کەسە نەشێن حکومەتێ ئێک بینن ..
ب تایبەت ئێکەتیا نشتیمانی کوردستان ، ھەرچەندە پارتیا دوویێ یە لێ رۆژ بۆ رۆژێ پالپشتیا جەماوەری لدەست ددەت و ئەڤ رێژا مایی ژی زۆر ل سەنگا وێ یا جەماوەری کێمترە و پشت ب ھێزا چەکداری و یاری پیلانێن سیاسی بۆ مانەڤا خۆ گرێدایە ل دەسھەلاتێ گرێ دایە . 
راستە ناکۆکیێن دژوار دناڤبەرا سەرکردایەتیا ئێکەتیێ دا ھەنە و دبیت فاکتەرەک بیت ل فاکتەرێن رێکنەکەفتنا وان دگەل پارتی وەک سەرکەفتیا ئێکێ ، لێ ئەز ڤێ چەندێ ب فاکتەرەکێ لاواز دبینم ، چونکی سەرکردایەتیا وێ حزبێ ئیرادا خۆ ژدەست دایە و بووینە دیلێن دەستێن ئەندامێن ماڵباتا تالەبانی و خالێن وان ، کۆ ب فەرمی پ پلە و دەسھەلات دڤان ئێکەتیێ دا نینە ..! 
ئەگەر ئەندامێن وێ ماڵباتێ چ ھزر بۆ مەکتەبا سیاسی و سەرکردایەتیا ئێکەتیێ کربا ، خیانەتا شازدێ ئکتۆبەرا سالا ٢٠١٧ ھۆسا بساناھی بسەردا دەرباز نەدبوو ، یان ھەمی بریارێن مەکتەبا سیاسی نەدئێخستنە بن فەرمانا خوو ..! 
گرنگە پارتی دیموکراتی کوردستان ، خۆ لبەندا بریارا ئێکەتیێ نەگریت ، لسەر پشکداربوون یان پشکدارنەبوون د حکومەتێ دا ، چونکی بریاردەرێن ئێکەتیێ نەڤێت حکومەتا داھاتی یا ھەرێما کوردستانێ بسەرۆکاتیا مەسروور بارزانی زۆ پێک بھێتە و پارتی بەرنامێ خۆ بۆ کوردستانەکا بھێز بجە بئینیت .
کوردستانەکا بھێز ژلایێ سیاسی و دبلۆماسی و ئێمناھیی ، کوردستانەکا بھێز ژلایێ کارگێری و چارەسەرکرنا قەیرانێن ئابووری و دارایی و  تمامکرنا پلان و بەرنامێن کابینێن بەرێ بسەرۆکاتیا نێچیرڤان بارزانی ، کوردستانەکا بھێز بۆ چاکسازیێن کارگێری و دارایی و نەھێلانا گەندەلیێ ، کۆ ل گەرا بووری یا پەرلەمانێ کوردستانێ وان رێگری لسەر ڤی پرۆژێ  رێزدار نێچیرڤان بارزانی کری و بەرژەوەندێن خۆ ل بەرژەوەندێن نەتەوی و نشتیمانی مەزنتر و بلندتر کری ..!
نەڤێت ھەرێمەکا بھێز بسەرۆکاتیا نێچیرڤان بارزانی ھەبیت ، بۆ خۆرتر کرنا پەیوەندیێن نیڤ دەولەتی و ھەرێمایەتی و پاراستنا ھەرێما کوردستانێ ل مایتێکرنێن دەرەکی و سەروەریکرنا یاسایێ و گاڤ ھاڤێتن بۆ بدەستڤەئینانا ئارمانجێن مەزنتر و پاراستن و بھێزکرنا قەوارێ ھەرێما کوردستانێ .
دبیت ئەڤ داخازی و مەرجیێن ئێکەتیێ یێن نەھەژی وێ بۆ پشکداریکرن د حکومەتا داھاتی دا پیلانەکا دیتر بیت بۆ لاوازکرنا پێگەھێ ھەرێمێ و حکومەتا ھەرێما کوردستانێ . 
دبەرژەوەندا پارتی دانیە پێک ئینانا حکومەتێ زێدەتر گیروو ببیت و مەرج نیە ئێکەتی یان ھندەک لایەنێن دیتر پشکدار ببن ،  چونکی خەلکێ کوردستانێ باوەری دایە پارتی و دشێت ب ھەڤپەیمانیەکا دگەل قەوارەیەکێ دیتر حکومەتێ پێک بینیت و سەرۆکایەتیا ھەرێمێ ژی ب یاسا کارا بکەتەڤە و زێدەتر خۆ لبەندا بریارا وان نەگرن .





ئەم هەواڵە 3196جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad