English | عربی | Kurdî دواهەواڵ
ڕاستەوخۆ  
 
( سەرکردەکێ یاسا پارێز )
2019-01-12 [02:26 AM]

نڤیسینا : سوهەیب میکائیل


سەروەریا یاسایێ ئێکەژ پرنسیپێن گرنگێن یاسایی و سیاسی ، کو مرۆڤ هەر دکەڤندا بزاڤا بدەستڤە ئینانا وێ دکەت . هەلبەت ئەڤ چەمکێ ‌( سەروەریا یاسایێ ) د بوارێ پراکتییدا ، هەر دکەڤندا هەتا نها ب گەلەک کاوداناندا دەربازبویە گوهوڕین بسەردا هاتینە . دکەڤند پێگەهێ فەرمانڕەوا و بەرپرس و کەسێن خودان دەسهەلات لسەرڤەی یاسایێ بوو . بۆ نمونە ئەفلاتۆن فەیلەسوفان مەزنتر ژ یاسایێ دبینیت . د قۆناغەکادی یا دیرۆکا مرۆڤایەتیێ دا یاسا و دەسهەلاتدار د ئێک ئاستدا بوون . ئانکو یاسا ئەو بڕیار بوون کو دەسهەلاتی دڤیا بکاربینیت . لێ نها کو سەردەمێ جیهانگیریێ یە دگەلەک وەلاتاندا یاسایێ رۆلێ خوەیێ راست و دروست پەیداکریە و لسەرڤەی هەرکەس و دەسهەلاتاندایە . 
لسەردەمێ نها کو ئەم تێدا دژین پارێزگاریکرن ژ یەکسانیا یاسایێ بۆ هەر جڤاکەکێ دیموکراسی تشتەکێ بنچینەیی و سەرەکی یە ، و  هەر حکومەتەکێ یەکسانی و دادپەروەریا یاسایێ بپارێزیت دێ خودان شەرعیەتەکا مەزن بیت ، و هەر دەمێ سەروەریا یاسایێ ل وەلاتەکی جێگیر نەبیت و سەرکردێ وی وەلاتی رێزێ ل یاسایێ نەگریت ، سیستەمێ بڕێڤەبرنا وی وەلاتی سیستەمەکێ نەدیموکراسییە و بەرەڤ تاکڕەویێ دچیت . ئانکو ئەرکێ سەرەکیێ یاسایێ رێکخستنا پەیوەندیا دناڤبەرا حکومەتێ و خەلکی و تاکێن جڤاکی بخۆیە . 
د جڤاکێ مەیێ کوردیدا د (۱٥) سالێن بوریدا چەمکێ سەروەریا یاسایێ روبەرەکێ بەرفرەهـ و مەزن د فەزایا گشتی و پڕ ناکۆکیا هەرێمێ دا داگیرکریە . ب دەهان وۆرگ شۆپ و کۆڕ و سمینار لژێر ناڤێن مەزن مەزن پێخەمەت هشیارکرنا تاکێ کوردی و چەسپاندنا بنەمایێن یاسایێ هاتینە ئەنجامدان ، لێ د واقعێ جڤاکێ مەدا رەنگڤەدانەکا کاریگەر و هۆسا دیار نەبویە کو بەرپرس و حزبێن سیاسی و خەلک د ئێک ئاستدابن و وەکی ئێک سەروەریا یاسایێ بپارێزن .
ئەگەر ئەم دوماهیک گرژیا دناڤبەرا ئێکەتیا نیشتیمانی و پارتا دیموکراتا کوردستانێ وەک نمونە وەرگرین . ( سەرخێل ئەکبەر رۆستەم ) کو کادرێ پارتا دیموکراتا کوردستانێ یە ، بێی بڕیارا دادگەهێ ژلایێ هێزەکا ئەمنی یێ ئێکەتیێ ل گەرمیان هاتبوو دەستگیرکرن . هەلبەت ئەڤە جارا ئێکێ نینە هێزێن ئێکەتیا نیشتیمانی بێی بڕیارا دادگەهێ کادرێن پارتی دەستەسەر دکەن . وەکو دبێژن ( هەر کریارەکێ کارڤەدانەک هەیە ) د کارڤەدانا ئەڤێ کریارێ ( پێشڕەو وەیسی ) کادرێ ئێکەتیا نیشتیمانی ژلایێ ئاسایشا هەولێرێ هاتە دەستەسەرکرن . و ئەڤێ ئالۆزیێ د راگەهاندن و سۆشیال میدیایا کوردیدا رەنگڤەدا و نەیارێن هەردوو حزبان دەهۆلا شەڕی دقوتا و هندەک بەرپرسێن ئێکەتیێ کو هێشتا ب خیانەتا نشتیمانیا شازڕەی ئۆکتۆبەرێ  تاوانبارن بانگەشەیا دوو ئیارەییێ دکر .
لێ ب خۆشحالیڤە سەرۆکێ حکومەتا هەرێما کوردستانێ رێزدار نیچیرڤان بارزانی وەک پیشەیێ هەمیشەییێ خوە بزاڤێن خوە ئێخستنە گەڕ و ب شێوەیەکێ گەلەک توند هەلویستێ خوە ل دژی پێشێلکرنا یاسایێ دیارکر ، کو بێی بڕیارا دادگەهێ هەردوو کەس هاتبوونە گرتن . و داخواز ژ بەرپرسێ پاراستن و زانیاری و رێڤەبەرێ گشتیێ ئاسایشێ کر کو ب زووترین دەم هەردوو کادران ئازاد بکەن . پشتێ ئەڤێ داخوازا سەرۆکێ حکومەتێ هەردوو کەس هاتنە ئازادکرن .
بڤی رەنگی سەرۆکێ حکومەتا هەرێمێ نێچیرڤان بارزانی شیا سەروەریا یاسایێ بپارێزیت و پەیامەک گەهاندە هەمی ئالیێن سیاسی کو سەروەریا یاسایێ لسەردای هەمی ناکۆکیێن سیاسییە . هەلبەت ئەڤ کریارا سەرۆکێ حکومەتا هەرێمێ رێزدار نێچیرڤان بارزانی دکەڤیتە ژێر گۆتنەکا فەلسەفی یا فەیلەسوفێ یۆنانی ( ئەفلاتۆن ) ی کو دەربارەی حکومڕانیێ دبێژیت : ( پێدڤیە دەسهەلاتێن بەرپرسان بهێنە سنوردارکرن ، باشترین چینا جڤاکی هەرچەند دەست پاک بیت ، پێدڤیە بکەڤیتە ژێر دەسهەلاتا یاسایێ ،چونکی مرۆڤ ب بورینا دەمی هەژی گوهۆڕینێ یە و دهێتە گوهۆڕین ...)  . سەرۆکێ حکومەتا هەرێمێ رێزدار نێچیرڤان بارزانی خودانێ هژمارەکا دەستپێشەخەریێن گرنگ و ستراتیژی بویە . کو ئارمانج ژێ باشتر کرنا رەوشا کوردان ل نافخۆ و دەرڤەی هەرێمێ بویە . رۆلێ ئاشتیخوازیێ سەرۆکێ حکومەتێ د پرۆسا ئاشتیێ دناڤبەرا حکومەتا تورکیا و کوردێن باکورێ کوردستانێ ، و هەر وەسا دووبارە بنیاتنانا پەیوەندیێن هەرێما کوردستانێ پشتی خیانەتا شازدەی ئۆکتۆبەرێ دگەل حکومەتا عیراقی ووەلاتێن دەوروبەر و بەرقرارکرنا ئاشتیا نافخۆیی ل هەرێمێ . ئەڤە ژبلی بوارێ ئاڤەدانیێ و پێشخستنا کەرتێ ئابوریێ کو ب ئەندازیارێ ئاڤەدانیێ هاتیە نیاسین . 
هەلبەت د جڤاکێن رۆژهەلاتیدا سیاسەت وحوکمڕانیێ هەردەم پێدڤی ب کەسایەتێن کارێزما و فریادڕەس هەبویە . د چەند سالێن بوریدا رێزدار نێچیرڤان بارزانی د حوکمرانیا هەرێمێ دا سەلماندییە کارێزما و فریادرەسێ حوکمڕانیا کوردی بویە دناڤ ئاگرێ شەڕێ ئیراقێدا .
ل دوماهیێ دێ شێین بێژین کو سەروەریا یاسایێ پتر گرێدایی  ئەرک و بەرپرسیاریەتیا دەولەتێ ڤەیە . و ئەڤ جۆرە ئەرکە دەولەتێ ناچار دکەت کو لسەر بنەمایێ یاسایێ حکومڕانیێ بکەت . هەتا چ کەس لدەرڤەی یاسایێ نەبیتە خودان دەسهەلات و د هەماندەمدا گرەنتیا راگرتنا یەکسانیا مافێ هەمی هاولاتیان دهێتە کرن . ب دیتنا مە د چارسالێن داهاتویا حوکمڕانیا کوردستانێ نێچیرڤان بارزانی د حکومەتا نودا وەک سەرۆکێ هەرێمێ دێ پارێزەرێ یاسایێ بیت و دێ بزاڤێ کەت د دەستورا داهاتویا هەرێما کوردستانێ سەروریا یاسایێ یێ پاراستی بیت ،هەتا جڤاکەکێ مەدەنی و پێشکەفتی ئاڤا ببیت .





ئەم هەواڵە 6928جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad