English | عربی | Kurdî دواهەواڵ
ڕاستەوخۆ  
 
سەری بڵند
2019-01-13 [02:52 AM]

نووسینی: ئاریان فەرەج


سەرۆكی دیبلۆماسیەتی زلهێزەكەی دونیا دێتە ناوچەكە و سەردانی دەرباری پاشایان و كۆشكی كۆماری و پایتەختی ووڵاتانی كاریگەر دەكات، دواجار لە بەغداوە دەفڕێ و دەگەڕێتەوە، میدیاكان كۆتایی سەردانەكەی بۆ عێراق رادەگەیەنن، بەڵام بۆ ئێوارەكەی لە سەری بڵندی كوردان لە خزمەت سەركردەیەكدا دەبینرێ كە بێ پۆستی رەسمی و بێ ئەوەی سەرۆككۆمار و پادشا و میر و سوڵتان بێ، بێ سەردانی ئەو، گەشت تەواو نابێ و ئامانج و مەبەست ناپێكرێ. 
پێدەچێ ئەمریكاییەكان سەرقاڵی پڕكێشی و بەرنامەرێژییەكی تازە بن، لەگەڵ ئەهلی ناوچەكە لە مشوەرەتدان، سەردانەكەی وەزیری دەرەوەی ئەمریكا پێیگووتین: ئەو نیاز و بەرنامەیە هەرچییەك بێت، بێ مشوەرەت بە كورد و بارزانی، ناچێتەسەر. 
بۆ هەموو ئەوانە دەركەوت كە شەڕیان بە كورسییە وەزیفییەكەی بارزانی دەفرۆشت، كە ئەو پیاوە هێز و هەیبەت لە كورسی و پۆستەكەی وەرناگرێ، بە ڵكو لە رەوایی قەزیەی میللەتەكەی وەردەگرێ، رێگەی دروستی شەڕفرۆشتن بە بارزانی، شەڕفرۆشتنە بە دۆزی گەلەكەی نەك بە كورسی و پۆستەكەی. ئاخر بارزانی و دۆزی كورد پێش پۆست و وەزەیفە هەبوون، ئەوان پۆستیان دروست كرد نەك پۆست ئەوانی دروست كردبێ.
كورد ژمارەیەكی لە ئینكارنەهاتووی ناوچەكەیە، بە خەبات و تەقەلای خۆی، قەوارە و وجودێكی سیاسی و سەربازی لە جوگرافیایەكی پارێزراو و پتەودا پێكەوەناوە. ئەو دەمەی خەیاڵ وابوو ئەو قەوارەیە لەبەین ببرێت و بەڵام خەیاڵەكە لەبەردەم مقاوەمەتی پیشمەرگەدا بەتاڵ بوویەوە، هەموان تێگەیشتن ئەم هەرێمی كوردانە ئیتر لەخەم رەخساوە و قابیلی لەنێوبردن نییە. 
ئەم هەرێمە تاكە نەوای دیموكراتی و مەڵبەندی پێكەوەژیانی جیاوازەكان و تاكە سەرزەمینە كە دەستەمۆ و ئالودەی توندرۆیی و شەڕانگێزی نەبووە و لەگەڵ ئەو كولتورە زاڵەی ناوچەكەدا دەستەوئێخەیە، خاوەنی پێشمەرگەی داعشبەزێن و لە كاتی پێویستیشدا ئابرامزشكێنە. روانگا سیاسییەكەی خزمەت بە سەقامگیری و ئاشتی دەكات و سەرچاوەی مەترسی نییە بۆ بەرژەوەندی ووڵاتانی ناوچەكە و هی جیهانییان لە ناوچەكەدا. هەرێمێك بەو دنیابینی و وجودە بەهێزەوە، گەر لە ناوخۆشدا گێرمەوكێشەی هەبێت، لە هاوكێشە و نەخشاندنی ئایندەی ناوچەكەدا، مومكین نیە نادیدە بگیرێ.





ئەم هەواڵە 5194جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad