English | عربی | Kurdî دواهەواڵ
ڕاستەوخۆ  
 
کوردستان تی ڤی ، ئێک ناڤ و ئێک ناڤەرۆک
2019-01-18 [12:59 PM]

نڤیسینا : غیاس خالد زێباری


کەنالێ ئاسمانیێ کوردستان تی ڤی کۆ نھو بوویە دەزگەھێ سەتەلایتا کوردستان ، ئێکەم کەنالێ ئاسمانیێ کوردی یە لسەر ئاخا رزگارکریا کوردستانێ ھاتیە دامەزران و دەست ب پەخشێ خۆ کری ، بەری بیست ساڵا ڤی کەنالەی ب ئەزمۆن و شیانێن سنووردا ، قوناغەکا نوو ل راگەھاندنا ھەرێما کوردستانێ دەسپێکر و چەندین گەنالێن دیتر لدیفرا ھاتنە دامەزراندن و راگەھاندنا کوردستانێ گەھاندە ئاستێ راگەھاندنا جیھانی .
ئەوا ڤی کەناڵەی ل زۆر کەنالێن دی یێن کوردستانێ ژێک جودا دکەت ، ڕاستگۆی د پەیامێ دا و داکۆکیکرنە لسەر بنەمایێن نەتەوی و نشتیمانی و ئەخلاقی . 
 کوردستان وەک گەل و وەڵات ، راستی و خۆڕاگری و خەبات و قوربانی و دلسۆزی و قەبۆلکرنا ئەوێن دی یە ، 
دەزگەھێ سەتەلایتا کوردستانێ د بیست سالێن ژیێ خۆدا ئەڤ بنەمایە پراتیزە کرینە .
د پەیامێن رۆژانەکا براستگۆیی سەرەدەری دگەل رەوشا رۆژانە کریە و وەک خۆ پەیام و رووداو گەھاندینە خەلکێ کوردستانێ ، خۆاگر بوویە بەرامبەر پێلێن قەیران و ئاڵوزیێن سیاسی و ئابووری و جڤاکی و کادرێن وێ د ھەمی کاودانان دا د ئاستێ و بەرپرسیاریێ بوونە و چ جارا راگەھاندن وەکی ئامراز بوو بەرژەوەندێن گشتی بکار نەئینا یە ، ئەو بوینە ئامراز بۆ پاراستنا بەرژەوەندێن گشتی .
ھەردەم مینا پێشمەرگەھی د سەنگەرا دابوونە لسەر پرنسیپێن نەتەوی و نشتیمانی و بلندکرنا ووڕەیا خەلکێ کوردستانێ د بەرتەنگترین کاودان دا . 
ھەردەم ڤی کەناڵی ب دلسۆزانە سەرەدەری دگەل بوویەران کریە و دلسۆزی و خەمخۆریا وان بۆ خەلکێ کوردستانێ د پرۆگرامێن واندا دیار دبیت ، ژلایێ ئازادیا دید و بۆچوون و قەبۆلکرنا ئەوێن دی ، پانتایەکا زۆر د سیاسەت و پەخشا وێ ڤەگرتیە و ھەردەم ب پەیڤێن نازک و جوان و ئەخلاقانە بەرسڤا وان ھەمی تۆند ڕەوی و ھێرشێن ھندەک راگەھاندێن د زۆر کاودانان دا دۆر ل بنەمایێن ئازادیا بیر و رایا و جڤاکێ کوردەواری ھێرش دکرە سەر ڤی کەناڵی و سیاسەتا پارتی دیموکراتی کوردستان . 
برەنگەکێ گشتی دەزگای سەتەلایتا کوردستانێ دەربرینا راست و درۆستا ناخێ جڤاکێ کوردەواری و کوردستانی یە ب ھەمی پێکھاتێن ئەتنی و ئایینی و نەتەوی و جڤاکی . 
ئەڤەژی ئیلھاما رێبازا پیرۆزا بارزانی نەمرە دەزگەھێ سەتەلایتا کوردستانێ پەیڕەو دکەت .
پیرۆزە بیست ساڵیا دامەزراندنا ڤی دەزگەھێ نەتەوی و نشتیمانی و ھیڤیا بەردەوامیێ بۆ دخازین و دخازین گرنگیەکا باشتر بڤی کەناڵی بھێتە دان داکۆ بەردەوام دگەل ئاست و تەکنەلۆژیا سەردەم د گۆرانکاریا دابیت .





ئەم هەواڵە 5410جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad