English | عربی | Kurdî دواهەواڵ
ڕاستەوخۆ  
 
سیناریۆی پاشا!!!!!!!
2019-01-21 [02:26 AM]

نووسینی: مه‌لا هندرێن


پاشایەک ھەبوو زۆر ھونەردۆست بوو . ھیوایەتی شانۆگەری بوو ، رۆژێک سیناریۆی شانۆگەریەکی ھەمەلایەن و دوورودرێژی نووسی و ھەرخۆشی بوو بەدەرھێنەرەکەی ، ئەکتەرێکی یەکجارزۆری بەشداری پێکردو گوندێکی کردە پانتایی جێبەجێ کردن و رۆڵەکانی بەم جۆرە دابەش کرد :_
١- دەسەڵاتی دا بەچەند بنەماڵەیەک و ناوی لێ نان دەرەبەگ ، ئەو رۆڵەی کە بۆ خودی ئاغاو کوڕەکانی و کەس و کارو دارو دەستەکەی دیاری کردبوو .بریتی بوو لە ستەم و زولم و خواردنی مافی پالەو رەنجدەرانی گوند .
٢- زۆرینەی خەلکی کرد بە ھەژارونەدارو و بێدەرەتان و بێدەسەلات . ئەم رۆڵەی کەبۆ ئەم خەلکە دیاری کرابوو بریتی بوو لە رازی بوون بەم ژیانە کۆڵەمەرگییەو دەست گرتن بەکلاوی خۆیانەوە بۆ ئەوەی رەشەبای ستەمی ئاغا نەی بات . 
٣- رۆڵی دزی کردن و کاری خراپە و نانەوەی شەرو ئاژاوەو زیناو کوشتنییشی دا بەچەند کەسێک لە لادێکە . 
٤_ چەند کەسێکیش بۆ رۆلی مەلاوشێخ و سەیدو ریش سپی و ئەھلی چاکەو ئاشتەوایی دا بەچەند کەسێکی تری گووند ـ
٥_ رۆلی سەرسەری و ئەھلی عاشقاتی و کاری ھەرزەیشی دا بە چەند کوروکچێکی لادێ .
ئیدی شانۆگەریەکە کەوتە بواری جێبەجێ کردنەوە ، ھەموو ئەکتەرەکان زۆربەباشی رۆڵی خۆیان دەگێرا ، ئەوەی بۆیان نووسرابوو بێ کەم و زیاد جێبەجێیان دەکرد . ژیان لەم شانۆگەرییە بوە یەک پارچە لە خراپەو شەرو کوشتن و ستەم کاری ، دزی و بەد رەوشتی و کوشتنی مرۆڤ بووە دیاردەیەکی رۆژانە . پیاوەباش و ئاشتی خوازەکان ھیچییان پێنەدەکرا ، تا گرفتێکیان چارەدەکرد دەیتر دورست دەکرا . تاوای لێھات پاشا لەسەیرکردنی شانۆگەرییەکە بێزارو وەڕس بوو ، رقی لێیان ھەڵساو کۆتایی بەشانۆگەرییەکە ھێنا ، لادێکەی تەخت و وێران کرد و ھەموو ئەکتەرەکانی ڕووت و قووت کردەوە و گشتی ھێناو لەگۆڕەپانی پێش کۆشک کۆی کردنەوە ، ھەموو خەڵکەکە لەترسان دەگریان و ھاوارییان دەکردو نەیان دەزانی پاشا چێیان بەسەر دەھێنێت . ھەموو لەیەک ئاست وەستابوون ، گشتی رووت وقووت بوون ، ژن و زەلام کەس سەیری یەکتری نەدەکرد. ھەمووی چاوەڕێی فەرمانی پاشابوون . ئاخر تووڕەیی پاشا ئاگری لێدەباری ، پاشا و دارودەستەکەی ھاتن و لەبەرزاییەکی زۆرەوە لەبەرامبەر حەشاماتەکە وەستان . پاشا بەدەنگێکی ترسناک و بەھێز بەسەریاندا ھاواری کردو گووتی:-( ئەمرۆ رۆژی لێپێچینەوەی ئێوەیە . تەرازووی دادپەروەریم داناوە و سزای ھەموو ئەوکەسانە دەدەم کە تاوان و ستەم و کاری خراپییان کردووە ، ھەرکەس بەقەد قەبارەی گوناھی خۆی دەبێت سزاوەربگرێت . ئەوانەی بێگوناھیش دەردەچن پاداشتیان دەکەم و دەیان ھێنمە کۆشکی خۆم و تاھەتایە لە نازو خۆشییەکانی کۆشک بەھرەمەندیان دەکەم . ئینجا پاشا پێی گووتن :- ھەموو گرووپەکان لێک جیاببنەوە ، سەرەتا رەگەزی نێرو مێ لێک جیابنەوە ـ گوناھ بارەکان ، بکوژو دزو گەندەڵ و بێرەوشت و درۆزنەکان بڕۆنە لای چەپ ، بەنێرومێەوە . کەسی باش و چاکەکارو بێ گوناھ و ستەم لێکراوەکانیش بڕۆنە لای راست . بە نێرو مێوە . ئیدی ئەھلی چەپ و ئەھلی راست لێک ھاوێر بوون ، حەشاماتی لای چەپ ھێندە زۆر بوو نەبیتەوە . حەشاماتی لای راستیش زۆرکەمیینەبوو . پاشا شتێکی سەیری بینی ، گروپێکیش لەناوەندی گۆڕەپانەکە مابوونەوە ، نەئەھلی راست و نەئەھلی چەپ بوون . پاشابەسیناریۆکەی داچۆوە تابزانێت ئەمانە کێن . پێکەنی و گووتی ئەم گرووپە یەکسەر بھێنن بۆ کۆشک ، ئەمانە ھیچ لێپێچینەوەیان لەسەر نییە . ئەم گرووپە بەشێکییان مندال بوون . بەشێکیان شێتەکان بوون . بەشی سێیەمیش پاشاناوی نەھێنان و گووتی بەس خۆم دەزانم بۆ لێپێچینەوەیان لەسەر نییە . پاشا فەرمانی کرد ، بڕۆن یەک یەک بیان شۆن پاکییان بکەنەوەو جلی تایبەتییان لەبەر بکەن ، بەگوراوێش بیان رشێنن ، پاشاچۆن فرمانی کرد ئاوا بەرێوە چوو . یەکێک لەناو ستەم کارەکان بەدەنگێکی بڵند گووتی :_ ئەھا ئەوە حەمە شێتە ، لەبیرتانە چەند پیس و پەرۆخ بوو ، ھەموو جارێ گاڵتەمان پێی دەکرد، ئێستاش چ پیاوێکە ، پاشا چ جل و بەرگێکی سپپپی ئاوریشمی داوەتێ . دوای ماوەیەک بێدەنگی ، پاشا وەدەنگێکی ترسناک گووتی :_ گرووپی دەستە راست وەرنە پێش ، ئەوانیش ھاتنە پێش پاشا و بە بێدەگی چاوەرێی فەرمان بوون . پاشا فەرمانیدا ئەمانیش بشۆن و جلی خۆییان لەبەربکەن و بۆنداریان بکەن و بییان ھێنن بۆ کۆشک . کاری ئەوانیش تەواو بوو، ئینجا دادگایی کردنی گوناھباران دەستی پێکرد بەم جۆرەی خوارەوە :_
١_ گرووپی بکوژەکان / پاشا پێی گووتن ، بۆچی ئەوھەموو کەسەتان کوشت ؟ بۆچی ئەوەھەمووتاوانەتان کرد؟ بۆچی سەر ڕووی زەمینی ئاواییتان سوورکرد لەخۆێن ؟؟؟
٢_ گرووپی ستەمکارەکان /پاشا پێی گووتن، بۆچی ستەم و زۆریتان لە خەلکی ھەژارو بێ دەسەلات دەکرد ، بۆ دەستتان بەسەر مولک وماڵی خەلکدادەگرت . بۆچی خۆتان لە لوتکە دەژیان و خەلکیش دەمردن لە برسان . 
٣_ گروپی دزو گەندەلەکان/ ھادزەکان ، بۆھیندە سوکو چروک و بێ ویژدان بوون . رەنج و مالی خەلکتان دەدزی ؟ ئەوھەموو سامانەتتان بەدزی خستەسەر یەک ؟ مالی ھەزارانتتان وێران کرد . ئەی گەندەلکاران . خیانتتان کرد لەو بەرپرسیاریەتییەی پێتاندرابوو . خیانتتان کرد لە متمانەی گەل و نیشتیمان . ئێوە روورەشن .
٤_ گرووپی گوناھکاران/ ھا گوناھباران ، چیتان بەچی کرد ، ئەوھەموو زییناوبەد ڕەوشتیەتان کرد . سنوورتان نەبوو. ئاواییتان کردبووە یەک پارچە گوناھکاری. بە نێرومێتانەوە بۆ شتێکی کاتی خۆتان ریسواکرد . ئێوەش ئەی قوومار چی و عارەق خۆرو ئەھلی زەوق و سەفا ، زۆرلێتتان تووڕەم . ئێوە ھۆکاری تێکچوونی شیرازەی کۆمەڵی ئاوایی بوون ، ریسواتتان دەکەم .
ئینجا پاشا رووی لەھەمووان کردو گووتی :_ گوێ بگرن ئەی تاوان بارو پڕ گوناھەکان ، سزایەکتان دەدەم بێکۆتایی بێت ، دەبێت تاھەتاییە باجی گوناھەکانتتان بدەن .
گروپی کوناھکاران بۆ ماوەیەک بێ دەنگ بوون . ھەمووییان لەترسان ھەڵدەلەرزیین ، خەریک بوو وەک مۆم بسوتێن و بتوێنەوە . لەپڕ ھەرھەموویان ھاوارییان کرد ،چ ھاوارێک ، تەخی پاشای ھەژاند، پاشاو دارودەستەکەی ھەمووی ھەستانە سەر پێ و خەڵکەکە دەیان گووت(ئێمە ھیچ تاوانێکمان نییە پاشای گەورەمان ، دەقی شانۆگەرییەکە خۆت نووسیوتە و دەرھێنەریش ھەر خۆت بوویت . ئێمە تەنھا ئەکتەرێک بووین و فەرمانی تۆمان جێبەجێ کردوە ، فەرمانی پاشامان جێ بەجێ کردووە ،فەرمانی پاشاااااااا.....) لەپڕ پاشا وەدەگێکی ناخ ھەژگێن بەسەرییاندا ھاواری کرد( بەسسسسسسسسە بەس ) گشت خەلکەکە بێدەنگوومەلول لەشوێنی خۆیان دانیشتن وھێندەی تر ترس و لەرز دایگرتن ، بێ دەنگییەکی زۆرترسناک ھەمووانی داگرت ، پاشاوو دارودەستەکەی و خەلکەکەو تەنانەت ئاسمان و زەویش کپ و خامۆش بوون . خامۆشییەک بۆنی ویرانەو خوێنی لێ دەھات . ئەم جارەیان پاشا زۆر بەھێزەوە ھاواری کرد . ھاوارێک لە رە شەباوگەردەلولی وێرانکەر دەچوو .ھەموو شتێکی دەھەژاند، پاشاپێی گووتن ( ئەی تاوان باران ، زووبن ، داوای لێبوردن وبەزەیی و لێخۆش بوون بکەن . بپارێنەوە تاوەبەربەزەیی من بکەون . ئێوە گوناھبارن گوناھ... ) ئیدی خەلکەکە کەوتنە سەرچۆک وکڕنۆشییان برد ودەستییان کرد وە پارانەوە و داوای بەزەیی و لێخۆش بوونیان لەپاشاکرد.دیسان بێدەگ بوونێکی سامناک ھەموو شوێنێکی داگیرکرد.دوای ماوەیەک رووخساری پاشا وەک گوڵێکی سپی سپی . پەمبە پەمبە . سوور سوور . گەشایەوە . چاوەکانی وەک رۆشناییەکی ئەفسوناوی دەدرەوشانەوە . بزەیەکی جوان ، زۆۆۆۆۆر جوان و ناسک . دڵخۆشی و ئاسوودەیی پاشای نمایش دەکرد .پەیامی لێخۆش بوونی بۆھەمووان خویاکرد، ھەموو شت گۆڕاااا . بارانێک لەشێوەی وەنەوشەو مرواری ، نەرم نەرم داباری و کۆتایی بەھەموو ڕق و کینەوناخۆشیەکان ھێنا . زەوی و ئاسمان بوون بە یەک تابلۆی پڕاوپڕ لەجوانی ، پڕلەبۆن و بەرامی خۆۆۆۆۆۆش و مەندەھۆش . دەنگ وئاوازەکانی سەدان جۆر باڵندە ناوازەکانی ئاسمان ، سەمفۆنیای سۆزوخۆشەویستی وئاسوودەییان پەخش دەکرد . کۆلەکۆی شتەکان بوون بە تابلۆیەک ، چوارچێوەکەی ئەندیابوو. ناوەڕاستەکەشی ئەندێشە ، ریشاڵە رەنگاورەنگە ئەفسوناوییەکانی تابلۆکەش ، لەودیوسنووری ( بوون) خۆیان نمایش دەکرد .





ئەم هەواڵە 6274جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad