English | عربی | Kurdî دواهەواڵ
ڕاستەوخۆ  
 
رێگات پڕرێبوار
2019-01-31 [12:57 PM]

نووسینی: ئاریان فەرەج


بۆ خۆی وابوو، بۆیەش هەمیشە بە هەموانی دەگووت ئاگاتان لەخەڵک بێت، لە دەرون و گرفت و نارەحەتییەکانیان نزیک بن، دڵنەواییان بکەن، ئێمە بەرپرسیارین لە ئاوارەیی و مەینەتیەکانیان، وەک چۆن بەرپرسیارین لەوەی خەباتی خەڵک بە ئامانج بگات و خوێن و قوربانییان بەفیڕۆ نەچێ. 

 

ئیدریسی نەمر، بەو دنیابینی و ئەخلاقە بەرزە، مەکۆی بەخشینی وورە و تاقەت و هەوێنی کوڵنەدان و بەرگەگرتن بوو لە رۆژە هەرەسەختەکانی دوای نسکۆدا. هەر ئەو وورە بەرز و پڕ بڕوایەش بوو کە شۆڕشی لە نیزکترین دەرفەتدا هەڵگیرساندەوە و سەنگەرەکانی خەباتی دووبارە ئاوەدانکردەوە. 

 

یادکردنەوەی ئیدریس بارزانی تەنیا یادکردنەوەی سەرکردەیەکی تێکۆشەر نییە، بەڵکو بە یادی خۆهێنانەوەی ئەو قەناعەت و پرنسیپانەیە کە ئەو سەرکردە نەمرە کردبونییە رێنومای رێگای ژیان و خەباتی خۆی و دەیویست هەموانیش هەمان رێ بگرنەبەر.

 

ئیدریسی نەمر خاکەسار و پێشمەرگەی مەیدان و هاوخەم و هاوخوانی ئاوارە و لێقەماوانی شۆڕش بوو. هێندەی باری سەختی بەرپرسیاریی وەزعەکەی بەئەستۆوە گرتبوو، هێندە کەم خەو و بێ حەوانەوە و نەسرەوت بوو، هێندە خەمنەخواردووی تەندروستی خۆی بوو، مەرگ زوو زەفەری پێ برد.

 

ئیدریس بارزانی دەیزانی میللەتی کوردی هەژار و کەمدەست و بێ پشت و پەنا، جگە لە باوەش کردن بە خەم و ئازارە هاوبەشەکانی خۆیدا، ئامێزێکی دیکە شک نابات، دەیزانی بە باش و خراپ و چەپ و راستەوە یەک چارەنوسمان هەیە دووژمن هەموومان بەیەک چاو دەبینێ، بۆیە هەمیشە پەرۆشیی ئاشتی و ئاشتوبنەوەی هێزە کوردییەکان و کۆتاییهێنان بە تەفرەقە بوو. لەو پێناوەدا ماندوویی نەناسی و کۆڵینەدا تا دواجار ئەو شەڕ و ئاشوبە بەدبەختانەیەی کوژاندەوە. لەگەڵ کۆی حزبەکانی دیکەدا بنەمای پێکەوەیی و چوارچێوەی خەباتی هاوبەشی نەتەوەیی و نیشتمانیی داڕشت. دواجاریش لەو زەمینەیەدا بەرەی کوردستانی هاتەوجود کە لاپەڕە پڕشنگدار و پڕ دەسکەوتەکانی دواتری مێژووی گەلەکەمانی نەخشاند. 

 

یادی کاک ئیدریس هەر ساڵێک دەرفەتی دەمەزەردکردنەوەی ئەخلاقە بەرزەکانی شۆڕشگێڕی و بەرپرسیاری و خاکەساری و ئاشتەواییخوازییە، ئەو پرنسیپانەی ئیدریسیان لە ویژدانی هاوسەنگەرانی و لەدڵی نەتەوەی کورددا بە زیندوویی هێشتۆتەوە.





ئەم هەواڵە 1267جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad