English | عربی | Kurdî دواهەواڵ
ڕاستەوخۆ  
 
لە ئاکامی شەڕی دوو ھۆز لە بەغدا ٣ کەس برینداربوون
2019-02-01 [02:02 AM]

ZNA- هه‌ولێر


بە ھۆی شەڕی نێوان دوو ھۆز لە گەڕەکی فەزیڵییەی رۆژھەڵاتی بەغدای پایتەختی عێراق، ٣ کەس برینداربوون.

 ئەمڕۆ ھەینی، ١ی شوبات/ فێبرایەری ٢٠١٩،‌ میدیا عێراقییەکان لە زاری بەرپرسانی ئەمنی پارێزگاکە، بڵاویانکردووەتەوە، ھەردوو ھۆزی "کەعب و عەکیل" لە ناوچەی فەزیڵییە بووەتە شەڕیان و تێیدا چەکی سووک و مامناوەند لە شەڕەکە بەکارھاتووە، لە ئاکامیشدا تا ئێستا ٣ کەس برینداربوونە.

وەک میدیا عێراقییەکان باسی دەکەن، ھێزێکی ئەمنی زۆر ناوچەکەی گەمارۆداوە و تا ئێستاش ١٦ کەسیان دەستگیرکردووە، رێکاری پێویستیش بۆ کۆنتڕۆڵکردنی دۆخەکە گیراوەتەبەر.

تا ئێستاش ھۆکاری ھەڵگیرسانی شەڕی ئەو دوو ھۆزە ئاشکرا نەکراوە.

گەڕەکی فەزیڵیە دەکەوێتە رۆژھەڵاتی شاری بەغدا و ناوچەیەکی بێخزمەتگوزارییە و چەندینجاریش بە ھۆی نەبوونی خزمەتگوارییە سەرەتاییەکان خۆپیشاندانییان ئەنجامداوە، لە میدیا عێراقییەکانیش بە ناوچەیەکی وێران وەسفی دەکرێت.





ئەم هەواڵە 8182جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad