English | عربی | Kurdî دواهەواڵ
ڕاستەوخۆ  
 
فەنەرێن وە تاریستانەک بریقەدار کر
2019-02-08 [02:05 AM]

نڤیسینا : غیاس خالد زێباری


پشتی روودانێن خیانەتا شازدێ ئکتۆبەرا سالا ٢٠١٧ ل کەرکووکێ و داگیرکرنا پرانیا دەڤەرێن کوردستانی یێن دەرڤەی ئیدارا ھەرێما کوردستانێ ژلایێ میلیشیایێن شیعەگەری و پاسدارێن ئیرانی ، پلانا داگیرکارا و خیانەتکارێن بناڤ کوردستانی ئەوبوو پرانیا ھەرێما کوردستانێ داگیر بکەن و قەوارێ ھەرێما کوردستانێ کۆ مەزنترین دەسکەفتێ نەتەوی و نشتیمانی یێن خەلکێ کوردستانێ یە د دیروکێ دا ژناڤ ببەن .
ھەرچەندە پێشمەرگەھێن پارتی دیموکراتی کوردستانی ، ھەر ل رۆژێن دەسپێکی رێگری ل وێ پیلانێ گرت و ب مەردانە بەرسینگێ ھێزێن زەبەلاحێن داگیرکارا گرت و تووشی مەزنترین شکەستن کر و سنوورەک بۆ دانا  . 
ڕەنگە بۆ خەلکەکی جھێ حیبەتیێ بیت دەمێ دبێژین پێشمەرگەھێن پارتی ، لێ ب شانازی ڤە ڤێ رستێ بکار دئینم ، نە رامان ئەوە رۆلێ پێشمەرگەھی کێم بکەم ، لێ ئەڤە راستیەکە و چوویە دناڤ دیرۆکێ دا کو پشکەکا پێشمەرگەھێن کوردستانێ ئەوێن سەر ب ئێکەتیا نشتیمانی کوردستان دھێنە ھژمار کرن ب چاڤێن پڕ رووندك و دلەکێ شکەستی فەرمانێن سەرکردێن خۆ یێن سیاسی بجە ئینان ، دەمێ کەرکووکا دلێ کوردستانێ ب رێکەفتنا بالێ خیانەتکارا رادەستی ھێزێن داگیرکار کری ..! کۆ بوویە ئەگەرێ داگیرکرنا دەڤەرێن دیتر ژی مینا شنگال و دەوروبەرێن مۆسڵ و مەخمۆر و ..ھتد .
ئەڤێ روودانێ پرانیا کوردستانی دلگران کرن و گەھشتە وی رادەی ھزر ل ڤەمراندنا فەنەرێن گەشکرنا باشە رۆژا کوردستانێ بھێتەکرن ، نەخاسمە ئەو فەنەرێن بدەستێ سەرۆک بارزانی و پارتی دیموکراتی کوردستان ل راپرسیا سەرخۆبوونا کوردستانێ ل سیھێ ئیلۆنا ھەمال ساڵ بۆ خەلکێ کوردستانێ ھەلکری ، چونکی دەولەتا عیراقێ و ئیرانێ ھەمی ھەول دان ژلایێ سیاسی و ئابووری کوردستانێ دوورپێچ بکەن و ئێخستنە وارێ بجە ئینانێ ژی . 
لێ نێچیرڤان بارزانی سەرۆکێ حکومەتا ھەرێما کوردستانێ و جێگرێ سەرۆکێ پارتی سیاسەتەکا دبلۆماسی یا سەرکەفتی بکار ئینا و د چەند رۆژەکێن کێم دا گەمارۆیێن سیاسی و ئابووری شکاندن و پشتەڤانیا نیڤ دەولەتی بۆ ھەرێما کوردستانێ دابین کر ، ڤێ دبلۆماسیەتا سەرۆکێ حکومەتا ھەرێمێ حکومەتا ناڤەندی یا عیراقێ نەچار کر دەست ب دیالۆكێ بکەت و لدووماھیێ ئیرادا خەلکێ کوردستانێ بسەرکەفت و ھەرێما کوردستانێ ل بەرتەنگترین کاودان دا دەرباز کر و خیانەتکار و پیلانگێر تۆشی مەزنترین شکەستن بوون و ھندەک ژوانا لسەنتەرێ بریاردانێ دوورکەفتینە ، تا گەھشتە وی ڕادەی حکومەتا عیراقێ دگەل حکومەتا ھەرێما کوردستانێ بەرەڤ رێکەفتنێ ژ بۆ زڤراندنا پێشمەرگەھێن کوردستانێ بۆ دەڤەرێن کوردستانی یێن دەرڤەی ئیدارا ھەرێما کوردستانێ و چارەسەرکرنا ھەمی ئاریشە و قەیرانێن دناڤەبه‌را ھەردوو ئالیان لدیف دەستوورێ ھەردەمی یێ عیراقێ . 
کۆمبوونا جڤاتا پارێزگەھا کورکووکێ لرۆژا ١٨ شۆباتێ ل ھەولێرێ بۆ دانانا پارێزگارێ کەرکووکێ و رەوشا پارێزگەھێ ، مەزنترین سەرکەفتنە بۆ حکومەتا ھەرێما کوردستانێ و پارتی ، ئەڤ نیشانێ بلندکرنەڤا ئاڵایێ پیرۆزێ کوردستانێ یە ل کەرکووکێ و شکۆدارکرنەڤا خەلکێ کوردە ل وێ پارێزگەھێ ، چونکی زێدەتر ل سالەکێ یە پرانیا پارتیێن کوردستانێ ئەوێن دناڤ کەرکووکێ مای نەشیان ئالایێ کوردستانێ بلند بکەنەڤە و کوردستانیا ب سەروەت و سامان ڤە بپارێزن .
حیکمەتا نەزڤراندنا پارتی بۆ کەرکووکێ بن سیبەرا داگیرکاریێ ، قەبۆلنەکرنێ وێ داگیرکاریێ و بێ رێزیا ھێزێن داگیرکار بۆ بەرامبەر ملەتێ کورد و پیرۆزیێن وان . 
ئەڤ نەرمی و گۆرینێن سیاسەتا حکومەتا عیراقێ بەرامبەر ھەرێما کوردستانێ و زڤرین بۆ دەستوورێ ھەمیشەیی ، ژ ئەنجام و ڤەرێژا وێ سیاسەتا میانڕەو و دووربین و پارێزەرا دەسکەفتێن نەتەوی و نشتیمانیێن گەلێ کوردە ئەوا نێچیرڤان بارزانی سەرۆکێ حکومەتا ھەرێما کوردستانێ پشتی شازدێ ئکتۆبەرا ٢٠١٧ پەیڕەو کری و کەفتینە د بەرژەوەندێن گشتی دا و ھەرێما کوردستانێ ژلایێ ڕامیاری و ئابووری بەرەڤ بھێزبوویە و ئەو تاریستانا ژ ئەنجامێ وێ خیانەتا نشتیمانی و نەتەوی درۆست بووی ب سیاسەت و حیکمەتا سەرۆکێ حکومەتا ھەرێما کوردستانێ گەش و فەنەردار و بریقەدار دبیت .





ئەم هەواڵە 8287جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad