English | عربی | Kurdî دواهەواڵ
ڕاستەوخۆ  
 
سوودەكانی قەیسی بزانە
2019-02-11 [12:33 PM]

هەولێر _ ZNA


 

قەیسی یەكێكە لە میوە بەتامەكانی جیهان و، جگە لە تامە خۆشەكەی چەندین سوودی تەندروستی هەیە و، دەتوانرێت وەك چارەسەر بۆ چەندین نەخۆشی بەكاربهێنرێت.

قەیسی بە چەندین ماددە و ڤیتامین دەوڵەمەندە، ئەم میوەیە چەندین جۆری خوێ كانزاییەكانی تێدایە، لەوانە فسفۆڕ و ئاسن و كالسیۆم پۆتاسیۆمی تێدایە.

قەیسی دەوڵەمەندە بە ڤیتامین (A) كە زۆر سودی بۆ تۆڕی چاو هەیە و ئاستی بینینیش بەهێز دەكات، هەروەها بڕێكی زۆر ڤیتامین (B)شی تێدایە كە بۆ خوێن زۆر گرنگە، ئەم میوەیە بڕێكی باش ڤیتامین (C) تێدایە كە بەرگری لەش بەهێز دەكات و دژی ڤایرۆسەكانی سەرمایە.

قەیسی %13 لە شەكر پێكهاتووە، هەروەها %25 لە ماددە نیشاستییەكانە.

لێكۆڵینەوە پزیشكییەكان ئاماژە بەوە دەكەن كە بەهای خۆراكی قەیسی لە دروستكردنی خڕۆكە سورەكانی خوێندا هاوتایی جگەری ئاژەڵە.

پسپۆڕەكان ئاماژە بەوە دەكەن كە باشترە قەیسی پێش نان خواردن بوخرێت و هەروەها توێكڵەكەشی لێنەكرێتەوە چونكە بەشی زۆری ماددە خۆراكی و ڤیتامینەكانی لە توێكڵەكەیدایە , هەروەها واباشترە كە بە چەقۆ لەت نەكرێت.

چەند لێكۆلینەوەیەكی پزیشكی تازەش ئەوە دەردەخەن قەیسی سودی زۆری بۆ ڕەگەزی مێینە هەیە و لە نەخۆشییەكانی پێست دەیانپارێزێت.

قەیسی زەیتیشی لێ دروست دەكرێت و ڕێژەیەكی زۆر ڤیتامین (H) تێدایە كە پێست نەرم دەكاتەوە و نایەڵێت نیشانەكانی پیربوون زوو دەربكەوێت.





ئەم هەواڵە 9976جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad