English | عربی | Kurdî دواهەواڵ
ڕاستەوخۆ  
 
سوودەکانی خواردنی ساوار
2019-02-20 [05:35 AM]

ZNA- ھەولێر 




ساوار یەکێکە لە خواردنە خۆش و بەچێژەکان کە خەڵکانێکی زۆر تامەزرۆی ئەو خواردنەن چونکە سوودێکی زۆری ھەیە و دەتواندرێت بە چەندین شێوەی ئامادەبکرێت و لە کوردستانی خۆمان خەڵکی بە چەندین شێوە ساوار ئامادە دەکەن وەک پڵاو و ساوار و ساوارە سوورە و شلە ساوار، لەم بابەتە تیشک دەخەینە سەر گرنگترین سوودەکان ساوار بۆ مرۆڤ لە رووی تەندروستییەوە.
• ساوار پارێزگاری لە تەندروستی دڵ دەکات : نەخۆشییەکانی دڵ یەکێکە لە ھۆکارە سەرەکییەکانی مردن لە سەرتاسەری جیھان و یەکێکە لەو ھۆکارانەی وا دەکات ئەم نەخۆشیە کەم بێتەوە خواردنی ساوارە، چونکە لە توێژینەوەکان دەرکەوتووە کە ئەو کەسانەی رێژەیەکی باش ساوار و بەرھەمەکانی دانەوێڵە دەخۆن رێژەی تووشبوونیان بە نەخۆشییەکانی دڵ ٤٧% کەمترە چونکە ئەم خۆراکانە رێژەیەکی زۆر لە کاربۆھیدرات لە خۆ دەگرن.
• ساوار مەترسییەکانی تووشبوون بە جەڵتەی مێشک کەم دەکاتەوە : چونکە دانەوێڵە بە گشتی و لەنێوشیاندا ساوار رێژەیەکی زۆر لە ڤیتامین (k) و ریشاڵەکان و دژە ئۆکسید لە خۆ دەگرێت، ئەمانەش ھۆکارن بۆ ئەوەی تووشبوون بە جەڵتەی مێشک کەم ببێتەوە، ھەروەھا پشپۆڕان ئامۆژگاری ئەو کەسانە دەکەن کە نەخۆشی پاڵەپەستۆی خوێنیان ھەیە ساوار بخۆن . 
• ساوار مرۆڤ دەپارێزێت لە تووشبووین بەنەخۆشی شەکرە(جۆری دووەم) : خواردنی دانەوێلە بەگشتی و و ساوار بەتایبەتی کە مادەی ریشاڵی تێدایە ھۆکارن بۆ ئەوەی مرۆڤ پارێزگاری لە کێشی خۆی بکات و قەڵەو نەبێت کە قەڵەویش ھۆکارە بۆ تووشبوون بە نەخۆشی شەکرە.
• گەشەپێدانی کۆئەندامی ھەرس : بەھۆی بوونی مادەی ریشاڵی لە نێو ساواردا ھەیە دەبێتە ھۆی پاڵپشتی بۆ کۆئەندامی ھەرس،  ھەروەھا مرۆڤ دەپارێزێت لە قەبزی و ھەروەھا کار دەکات وەک خۆراک بۆ بەکتریای سوودبەخش .
• کەمکردنەوەی ئاوسانی درێژخایەن: بەڵگەکان ئاماژە بەوە دەکەن کە ساوار کاریگەری ھەیە لەسەر کەمکردنەوەی ئاوسانی درێژخایەن . 
• ساوار مرۆڤ لە شێرپەنجە دەپارێزێت : لە توێژینەوەکان دەرکەوتووە کە دانەوێڵەبە گشتی و ساوار بە تایبەتی کاریگەری زۆریان ھەیە لەسەر پاراستنی مرۆڤ لە تووشبون بە شێرپەنجەی قۆلۆن، ئەمەش باوتری جۆری شێرپەنجەیە لە نێو مرۆڤ.
• ھەست کردن بە تێربوون زیاد دەکات : ساواری سەرچاوەیەکی گرنگە بۆ ریشالەکان و سێ یەکی پێداویستیەکانی رۆژانەی مرۆڤ لە ریشالەکان دابین دەکات، ساواری زۆرترین مادەی لە ریشالی لە خۆ دەگرێت و ئەمەش وا دەکات مرۆڤ لە کاتی خواردنی ھەست بەتێربوون بکات بۆ ماوەیەکی زیاتر .
• پرۆتین : ساوار سەرچاوەیەکی گرنگە بۆ پرۆتین و ئەمەش بۆ ماسولکەکان و قژ و پێست و نینۆک سوودی زۆرە. 
• ئاسن : ساوار رێژەیەکی زۆر باش لە مادەی ئاسن لە خۆ دەگرێت کە گرنگە بۆ دروست بوونی خانەکانی خرۆکەی سوور و ھۆرمۆنات .


یاسین ئەحمەد
 





ئەم هەواڵە 24421جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad