English | عربی | Kurdî دواهەواڵ
ڕاستەوخۆ  
 
ڕۆژنامەیەکی ئیماراتی: ئەبوبەکر بەغدادی گەیشتە ئەنبار و چەکدارەکانی ڕێکدەخاتەوە
2019-02-25 [05:47 AM]

ZNA- ھەولێر


میدیاکان لەسەر زاری سەرچاوە ھەواڵگرییە عێراقی و ئەمریکییەکان بڵاویان کردەوە، سەرۆکی داعش گەیشتووەتە ئەنبار و بەنیازە دووبارە ڕیزەکانی ڕێکخراوەکەی ڕێکبخاتەوە.

 

ڕۆژنامەی "بەیان"ی ئیماراتی، لەسەر زاری سەرچاوەیەکی نزیک لە ھێزەکانی ئەمریکا لە عێراق، بڵاویکردووەتەوە: "ئەبوبەکر بەغدادی، دوای ئەوەی ڕێکخراوەکەی دواھەمین پەناگەی لە دێرازۆری سووری لەدەست دا، دەیەوێت ڕیزەکانی ڕێکخراوەکەی لە ناوچە بیابانەکانی عێراق لە ئەنبار ڕێکبخاتەوە و سەربازگەیەکی نوێ دامەزرێنێت".

 

بەگوتەی سەرچاوەکە: "بەغدادی و یاریدەدەرەکانی لەڕێگەی توونێلەکانی نێوان ناوچەی دێرازۆر لە سووریا و قائیم لە عێراق کە لەو ڕێگەیەوە چەکدارانی داعش بە پیادە و ئۆتۆمبێل و ماتۆڕسکیلەوە ھاتوچۆ دەکەن، پێش چەند ڕۆژێک گەیشتوونەتە ئەنبار".

باسی لەوەش کرد، کە فڕۆکەکانی ھاوپەیمانی نێودەوڵەتی و سپای ئەمریکا و ھێزە ئەمنییەکانی عێراق، ناتوانن بە ئۆتۆمبێل و تانک و زرێپۆشەوە بگەنە ئەو ناوچانە.

 

ئاماژەی بەوەش داوە، کە بەپێی زانیارییەکانیان، بەغدادی و یاریدەدەرەکانی لەناوچەی حوسێنیاتن و ٣٥٠ تا ٥٠٠ چەکداریان لەگەڵدایە،: "بەڵام بەغدادی لەیەک شوێن جێگیر نابێتو لەڕێگەی توونێلەکانەوە لەناوچەی حوسێنییات و وادی حۆران، ھاتوچۆ دەکات".

 

ھاوکات، ماڵپەری "بەغداد یەوم"ی عێراقی، لەسەر زاری ھیشام ھاشمی، شارەزای ستراتیژی، بڵاویکردەوە، کە ئەو ھەواڵانەی باس لەوە دەکەن ئەبو بەکر بەغدادی ھاتبێتە عێراق ڕاستن و پێدەچێت لەیەکێک لە ناوچەکانی ئەنبار بێت، بەدیاریکراویش لە ڕاوە یان خۆرئاوای سەرسار.





ئەم هەواڵە 9379جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad