English | عربی | Kurdî دواهەواڵ
ڕاستەوخۆ  
 
سوودە ناوازەکانی ئاوی جۆ 
2019-02-25 [05:56 AM]

ZNA- ھەولێر 




ئاوی جۆ یەکێکە لەو گیراوانەی لەلایەن زۆربەی گەلان بەکار دێت چونکە سوودێکی تەندروستی یەکجار زۆری ھەیە و پێک دێت لەو ئاوەی کە لەگەرم کردنی جۆ و ئاو و ھەندێکجار کەمێک لیمۆی بۆ زیاد دەکرێت بۆ ئەوەی تامەکەی خۆش بکات، ئاوی جۆ بەوە ناسراوە کە رێژەیەکی زۆر کالۆری لە خۆ دەگرێت و چەوری کەمە و لەبەر ئەمە نابێت لە رۆژێکدا لە دوو کوپ زیاتر بخورێتەوە.
سوودەکانی ئاوی جۆ: 
١.دەوڵەمەندە بە مادەی ریشاڵی: 
جۆ یەکێکە لە سەرچاوە سەرەکییەکانی مادە ریشالیەکان و ئەمەش یارمەتیدەرە بۆ تەندروستی گەدە و کێشەکانی ھەرس چارەسەر دەکات و سوودێکی زۆر بە لەشی مرۆڤ دەگەیەنێت.
٢. یارمەتیدەرە بۆ کەمکردنەوەی کۆلیستڕۆل : 
توێژینەوەکان دەریانخستووە کە ئاوی جۆ یارمەتیدەرە بۆ کەمکردنەوەی رێژەی کۆلیسترۆلی زیانبەخش لە نێو خوێن و ھەروەھا رێژەی ژەھر لە ناو لەش کەم دەکاتەوە بەھۆی بونی مادەی دژە ئۆکسید لە ناو ئاوی جۆ . 
٣. یارمەتی ھاوسەنگ بوونی بەکتریا دەدات لە ناو ریخوڵەکان : 
توێژینەوەکان دەریانخستووە کە خواردنەوەی ئاوی جۆ یارمەتیدەرە لە ھاوسەنگ بوونی بەکتریایەکان لەناو لەشی مرۆڤ بەتایبەتی لەناو ریخۆڵەکان و ئەمەش رۆلێکی گرنگی ھەیە لە راگرتنی تەندروستی مرۆڤ .
٤. پارێزگاری لە رێژەی شەکرە لە خوێن دەکات : 
خواردنەوەی ئاوی جۆ یارمەتیدەرە بۆ کۆنترۆل کردنی بەرزبوونەوەی شەکر لە خوێن، چونکە ئەم گیراوەیە توانای ھەیە رێژەی شەکر لە خوێن کەم بکاتەوە بەتایبەتی بۆ ئەوانەی تووشی نەخۆشی شەکرە بوونە . 
٥. یارمەتیدەرە بۆ کەمکردنەوەی کێشی مرۆڤ: 
ئاوی جۆ ھانی لەشی مرۆڤ دەدات بۆ دەردەدانی ھۆرمۆناتی تایبەت بە شەھیەی خواردن و مرۆڤەکە وا ھەست دەکات کە تێرە وبەم شێوەیەش رێژەیەکی کەمتر خواردن دەخوات. 
٦. مەترسی تووشبوون بە شێرپەنجە کەم دەکاتەوە: 
ئەو ریشاڵانەی کە لەناو ئاوی جۆ ھەیە یارمەتی قۆلۆن دەدەن بۆ دەردەدانی ژەھرەکانی ناو قۆلۆن کە بەکرداری ھەرس نەرۆیشتوون و ھەروەھا ریشاڵەکانی ئاوی جۆ رێگری لە گەشەکردنی گرێی شێرپەنجەیی دەکەن  بەتایبەتی لەناوچەکانی قۆلۆن. 
٧. ھێزی بەرگری لەش زیاد دەکات: 
ئاوی جۆ پاڵپشتی لە ھێزی بەرگری لەش دەکات بەھۆی بوونی ڤیتامین و مادەی کانزایی لە پێکھاتەکەی و ئەمەش ھێزێکی زیاتر بە لەشی  مرۆڤ دەبەخشێت. 


یاسین ئەحمەد
 





ئەم هەواڵە 27712جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad