English | عربی | Kurdî دواهەواڵ
ڕاستەوخۆ  
 
ئه‌م نه‌خۆشیانه‌ به‌نوستن چاره‌سه‌ر ده‌بێت
2019-02-28 [12:46 PM]

هەولێر _ ZNA



نوستن هه‌ندێكجار چارسه‌ری چه‌ند جۆرێك نه‌خۆشی ده‌كات چونكه‌ به‌رگری له‌ش له‌م دۆخانه‌دا به‌رز ده‌كاته‌وه‌، له‌م بابه‌ته‌وه‌ به‌و نه‌خۆشیانه‌ ئاشنا ده‌بیت كه‌ نوستن چاره‌سه‌ریان ده‌كات.

1- ئه‌نفلۆنزا:

له‌كاتی توشبونت به‌ نه‌خۆشی ئه‌نفلۆنزا ئه‌وه‌ باشتر وایه‌ بۆ ماوه‌یه‌ك پشوو وه‌ربگریت و له‌جێگه‌كه‌ت بمێنیته‌وه‌ و بخه‌ویت چونكه‌ ماندووبوون له‌و كاته‌دا به‌رگری له‌ش لاواز ده‌كات و ئاستی هۆرمۆنی كۆرتیزۆل له‌ له‌شدا به‌رز ده‌كاته‌وه‌ و ئه‌مه‌ش كاریگه‌ری ده‌بێت له‌سه‌ر كه‌مبوونه‌وه‌ی‌ ژماره‌ی‌ خڕۆكه‌ سپیه‌كان و چاكبوونه‌وه‌ دوا ده‌خات.

2- سه‌رئێشه‌ی‌ توند:
ماندوبوونی زۆر ده‌بێته‌ هۆی سه‌رئێشه‌ی‌ توند، له‌م كاته‌دا نوستن باشترین چاره‌سه‌ر ده‌بێت بۆ كه‌مكردنه‌وه‌ی‌ ئازاره‌كه‌ و له‌گه‌ڵیدا كوپێك شیری گه‌رم یان شه‌ربه‌تی نه‌عنا یان یانسون بخۆره‌وه‌ و بخه‌وه‌ به‌ڵام پێویسته‌ 7 بۆ 8 كاتژمێر بنویت هه‌تا ئازاری سه‌رت باش ببێته‌وه‌.

3-ئازاری پشت و شان و مل:
له‌كاتی هه‌ستكردن به‌م ئازاره‌ جه‌سته‌ پێویستی به‌ حه‌سانه‌وه‌ هه‌یه‌ بۆ كه‌مكردنه‌وه‌ی‌ ئازاره‌كه‌ و په‌ستان له‌سه‌ر ئێسك و ماسولكه‌كان، ئه‌گه‌ر ئازاری پشتت هه‌بوو ئه‌وه‌ له‌سه‌ر پشت بكه‌وه‌ و ئه‌گه‌ر ده‌ست و قاچت ئازاری هه‌بوو ئه‌وه‌ له‌كاتی پاڵكه‌وتندا پشjیه‌ك بخه‌ره‌ ژێر ده‌ست یان قاچته‌وه‌.

4- ئازاری قاچ:
ئه‌گه‌ر بۆماوه‌یه‌كی زۆر په‌ستان له‌سه‌ر قاچه‌كان بێت ئه‌وه‌ ئازاری تیادا دروست ده‌بێت، هه‌ركات ئه‌م گرفته‌ت هه‌بوو به‌تایبه‌ت ئه‌گه‌ر پێكانت ئاوسا بێت ئه‌وه‌ پاڵبكه‌وه‌ و پشتی بخه‌ره‌ ژێر قاچت، ئه‌مه‌ باشترین چاره‌سه‌ره‌.

5- نه‌خۆشی شه‌كره‌:
كه‌مخه‌وی هۆكاری زیاتر به‌رز بوونه‌وه‌ی‌ ئاستی شه‌كری خوێنه‌، پشوودان بۆ نه‌خۆشانی شه‌كره‌ زۆر پێویسته‌.

6- نه‌خۆشی په‌ستانی خوێن و دڵ:
په‌یوه‌ندیه‌كی ڕاسته‌وخۆ هه‌یه‌ له‌نێوان نه‌خۆشی دڵ و به‌رزی په‌ستانی خوێن و پشوودان، نوستن به‌ برشی پێویست شانه‌كانی له‌ش به‌هێز ده‌كات سووڕی خوێن چالاك ده‌كات و گه‌یشتنی خوێن بۆ ته‌واوی ئه‌ندامه‌كانی له‌ش ئاسان ده‌كات.





ئەم هەواڵە 10078جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad