English | عربی | Kurdî دواهەواڵ
ڕاستەوخۆ  
 
وەزارەتی دارایی عێراق ٥٢٢ ملیار دینار بۆ ھەرێمی کوردستان دەنێرێت
2019-03-06 [10:21 AM]

ZNA-هه‌ولێر


وەک یەکەم بڕە پارە بەپێی بودجەی ٢٠١٩، وەزارەتی دارایی عێراق ٥٢٢ ملیار دینار بۆ ھەرێمی کوردستان دەنێرێت.

ئەحمەد سەفار، سەرۆکی کاتی لیژنەی دارایی لە پەرلەمانی عێراق، رایگەیاند ''بەپێی ئەو زانیارییانەی لە وەزارەتی دارایی بەدەستمان گەیشتووە لەسەرەتای ئەم مانگەوە بڕی ٥٢٢ ملیار دیناری بۆ مووچەی فەرمانبەران و پێشمەرگە رەوانەی ھەرێمی کوردستان دەکرێت''.

سەرۆکی کاتی لیژنەی دارایی جەختیکردەوە، ''ھیچ بەربەستێک لەبەردەم ناردنی مووچەی فەرمانبەرانی ھەرێمی کوردستان نییە، تەنیا چەند رێوشوێنێکی تەکنیکی ماوە و بەدڵنیاییەوە ئەم مانگە بەپێی بودجەی ٢٠١٩ مووچەی فەرمانبەران رەوانەدەکرێت''.

بەپێی زانیارییەکان، لە کۆبوونەوەی چەند رۆژی رابردووی فراکسیۆنی پارتیی دیموکراتی کوردستان لەگەڵ فوئاد حوسێن، وەزیری دارایی عێراق، د. فوئاد حوسێن جەختی لەوە کردووەتەوە مانگی سێ بەپێی بودجەی ٢٠١٩ مووچەی فەرمانبەران و پێشمەرگە رەوانە دەکرێت.


رووداو





ئەم هەواڵە 10762جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad