English | عربی | Kurdî دواهەواڵ
ڕاستەوخۆ  
 
ژماره‌یه‌ك له‌و ده‌ستگیركراوانه‌ی داعش بۆ عێراق گواستراونه‌ته‌وه‌ و مه‌ترسی ئه‌شكه‌نجه‌دانیان هه‌یه‌
2019-03-06 [02:10 AM]

ZNA - هه‌ولێر


 

رێکخراوی ھیومان رایتس وۆچ رایگەیاند کە گواستنەوەی تیرۆریستە دەستگیرکراوەکانی داعش لە سووریاوە بۆ عێراق، مەترسیی ئەوەی ھەیە ئەشکەنجە بدرێن، داواشی لەو وڵاتانە کرد کە ئەو ھاووڵاتییانەیان لە ریزەکانی داعش شەڕیانکردووە لەئێستادا دەستگیرکراون وەربگرنەوە و بیانگەڕێننەوە بۆ وڵاتەکانیان بۆ ئەوەی داداگایەکی دادپەروەرانەیان بکەن.

 

لە راپۆرتێکدا رێکخراوی ھیومان رایتس وۆچ ئاماژەی بەوەداوە کە لە میانی چەند ھەفتەی رابردوودا، ٢٣٠ی تیرۆریستی داعش گواستراونەتە عێراق دوای ئەوەی لە سووریا دەستگیرکرابوون کە زۆربەیان ھەڵگری رەگەزنامەی عێراقن.

 

ھیومان رایتس وۆچ ئاشکرای کردووە، ١٣ تیرۆریستی داعش کە ھەڵگری رەگەزنامەی فەڕەنسان لەنێو ئەو تیرۆریستانەی داعش بوون کە لە میانی چەند هەفتەی رابردوودا لە سووریاوە گواستراونەتەوە بۆ عێراق.

 

لە راپۆرتەکەدا، رێکخراوی ھیومان رایتس وۆچ ئاماژەی بەوەشداوە ھەست بە نیگەرانی دەکات لە ھەمبەر ئەو رێوشوێنانە کە لە بەرامبەر تیرۆریستانی داعش دەگیرێنەبەر کە گواستراونەتەوە بۆ عێراق و پرسیاری ئەوەی کردووە "ئایە ئەو کەسانە لە عێراق لە کوێ دەستبەسەر دەکرێن؟".

 

لە ٢٥ی مانگی شوباتی رابردوو سەرکۆماری عێراق، بەرھەم ساڵح رایگەیاندبوو سیستەمی دادوەریی وڵاتەکەی بەپێی یاساکانی عێراق ئەو ١٣ تیرۆریستەی داعش دادگایی دەکات کە ھەڵگری رەگەزنامەی فەڕەنسان.

 

پێشتر ژمارەیەک وڵاتی ئەورووپا رایانگەیاندبوو ئەو هاووڵاتییانەیان کە لە ریزەکانی داعش شەڕیانکردووە و لەئێستادا دەستگیرکراون، وەرناگرنەوە.

 

ھیومان رایتس وۆچ روونیکردووەتەوە کە گواستنەوەی تیرۆریستە دەستگیرکراوەکانی داعش لە سووریاوە بۆ عێراق، مەترسی ئەوە ھەیە ئەشکەنجە بدرێن، بۆیە پڕۆسەی گواستنەوەکە پێچەوانەی یاسای نێودەوڵەتییە.

 

لە راپۆرتەکەدا، رێکخراوی ھیومان رایتس وۆچ راشیگەیاندووە کە لەژێر ھەر رەوشێکدا بێت دژی سزای لەسێدارەدانە لە ھەموو وڵاتان، بەڵام ئەوەی بە تایبەت لە عێراق بەدیکراوە، دادگاییکردنی گومانلێکراوانی داعش وەک پێویست نەبووە، تەنانەت مەرجە سەرەکییەکان لە پڕۆسەی دادگاییکردنەکاندا بەدی نەکراوە، بۆیە جێبەجێکردنی سزای لەسێدارەدان جێگەی نیگەرانییە، بەشێوەیەکی تایبەت.

 

ھیومان راتیس وۆچ ئاماژەی بەوەشداوە، بێدەنگی فەڕەنسا کە ئەندامی یەکێتیی ئەورووپایە جێگەی داخە، چونکە یەکێک لە ئامانجە سەرەکییەکانی سیاسەتی دەرەوەی ئەو وڵاتە ئەوەیە، سزای لەسێدارەدان لە جیھان بە تەواوی رابگرێت و نەھێڵدرێت، کەچی ژمارەیەک لە ھاووڵاتییانیی بە ھۆی ئەندامبوونیان لە داعش لە دادگاکانی وڵاتانی دیکە سزای لەسێدارەدانیان بۆ دەردەکرێت و ئەویش بێدەنگە.

 

رێکخراوی ناوبراو داواشی لەو وڵاتانە کرد ئەو ھاووڵاتییانەیان کە لە ریزەکانی داعش شەڕیانکردووە لەئێستادا دەستگیرکراون وەربگرنەوە و بیانگەڕێننەوە بۆ وڵاتەکانیان بۆ ئەوەی داداگایەکی دادپەروەرانەیان بکەن، ئەگەر نا با فشار بخەنە سەر حکوومەتی عێراق بۆ ئەوەی رێوشوێنی بەپەلە بگرێتەبەر بۆ باشکردنی شێوازی دادگاییکردنەکان.

 

حکوومەتی عێراق بەردەوام ئەو تۆمەتانە رەتدەکاتەوە کە لە لایەن رێکخراوە نێودەوڵەتییەکان تایبەت بە مافەکانی مرۆڤ ئاراستەی دەکرێت و جەختیکردووەتەوە کە بەپێی دەستوور و بەشێوەیەکی دادپەروەر مامەڵە لەگەڵ سەرجەم بەندکراوەکاندا، دەکات.

 

aa





ئەم هەواڵە 6436جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad