English | عربی | Kurdî دواهەواڵ
ڕاستەوخۆ  
 
ڕاپەڕین سیمبولی ئازادیخوازی و ڕەتكردنەوەی ستەمكاری
2019-03-06 [02:29 AM]

نوسینی : رێبوار حەمەلاو شوانی


داگیركەران و نەیارانی كورد باش ئەو راستیە دەزانن كە ئەمڕۆ یا سبەی هەر دەبێ‌ خاك و مافە داگیركراوەكانی گەلی كورد بۆ  خاوەنەكەی بگرێتەوە و ئینكاركردن  مەحاڵە . هەر بۆیە ، لە  28لەمەوبەر و لە ساڵی‮ ‬1991 ‮ ‬رەوتی‮ ‬كاروانی‮ ‬مێژووی‮ ‬بزووتنەوەی‮ ‬شۆڕش و كوردایەتی‮ ‬لە سەنگەری‮ ‬خەبات و دۆزی‮ ‬رەوای‮ ‬گەل و میللەتە قارەمانەكەمانەوە،‮ ‬رووبەڕووی‮ ‬وەرچەرخانێكی‮ ‬مەزنی‮ ‬مێژوویی‮ ‬بۆوە،‮ ‬كە تیایدا سەرجەم گەلی‮ ‬كوردستان ئاوێزانی‮ ‬ئازادی‮ ‬بوو‮.. ‬ئازادییەك لە قووڵایی‮ ‬ناخی‮ ‬یەكڕیزی‮ ‬و‮ ‬یەكدەنگی‮ ‬و‮ ‬یەكڕەنگی‮ ‬و‮ ‬یەكهەڵوێستی‮ ‬گەلدا،‮ ‬بڵێسەی‮ ‬سەندو كڵپەو رقی‮ ‬پیرۆزی‮ ‬جەماوەری‮ ‬جۆش سەندووی‮ ‬كوردستانی‮ ‬لە‮ "‬رانیە‮" ‬ی‮ ‬دەروازەی‮ ‬رقی‮ ‬گەورەوە،‮ ‬چەخماخە پێداو مەشخەڵی‮ ‬راپەڕینی‮ ‬داگیرساند و هەوری‮ ‬ماتەم و تەمی‮ ‬زوڵم و جەورو ستەم و چەوسانەوەی‮ ‬لە ئاسۆی‮ ‬رەنگ ئەرخەوانی‮ ‬كوردستانی‮ ‬قەتماغەو برین دا رەواندەوە‮.. ‬ راپەڕین‮.. ‬وەرچەرخانێكی‮ ‬مێژوویی‮ ‬و وەڵامدانەوەیەكی‮ ‬راستەوخۆی‮ ‬ئەو زوڵم و ستەمە بوو،‮ ‬كە دەرهەق بە گەل و ئازادی‮ ‬نەتەوەكەمان كرا،‮ ‬كە دەسەڵاتی‮ ‬ناوەندی‮ ‬عێراق لە بری‮ ‬پەنا بردنە بەر شێوازی‮ ‬وتووێژ و دیالۆگ لە چارەسەركردنی‮ ‬كێشەی‮ ‬رەوای‮ ‬گەلەكەماندا،‮ ‬سیاسەتی‮ ‬شێلگیرانەی‮ ‬راگواستن و شاڵاوی‮ ‬ئەنفال و كیمیا بارانكردنی‮ ‬كوردستان و وێرانكردنی‮ ‬بە هەزاران هەزار شارو شارۆچكەو گوندو راوەدوونان و ئاوارەكردن و بێ سروشوێنكردنی‮ ‬شۆڕشگێڕانی‮ ‬كوردو لە سێدارەدان و بەكۆمەڵكوشتن و پیادەكردنی‮ ‬سیاسەتی‮ ‬قڕكردنی‮ ‬گەلی‮ ‬كوردی‮ ‬گرتەبەر و خەڵكی‮ ‬بەشمەینەت و ستەمدیدەی‮ ‬كوردستانی‮ ‬برینداری‮ ‬رووبەڕووی‮ ‬چەندان كارەساتی‮ ‬دیكەی‮ ‬تراژیدی‮ ‬و دڵتەزێن كردەوە،‮ ‬كە نموونە و وێنەیان زۆر كەم و دەگمەنە‮. ‬هەڵبەتە دامەزرانی‮ "‬بەرەی‮ ‬كوردستانی‮"‬یش لە شاخ،‮ ‬لە و كات و سەردەمەدا وەك پێداویستییەكی‮ ‬بابەتی‮ ‬و مێژوویی‮ ‬لە جێی‮ ‬خۆی‮ ‬دابوو،‮ ‬كە تیایدا سەرجەم گرووپ و حزب و لایەنە ناكۆكەكانی‮ ‬نێوگۆڕەپانی‮ ‬خەباتی‮ ‬رزگاریخوازی‮ ‬نەتەوەكەمان،‮ ‬لە دەوری‮ ‬خۆی‮ ‬كۆ كاتەوەو تیایدا،‮ ‬فاكتەری‮ ‬ئاشتی‮ ‬و ئاشتبوونەوەی‮ ‬گشتییان راگەیاند و‮ ‬یەكدەست و‮ ‬یەكڕەنگ و‮ ‬یەكدەنگ خۆیان بۆ راپەڕینێكی‮ ‬گشتی‮ ‬كوردستانی‮ ‬سەرتاسەری،‮ ‬سازو ئامادەكرد‮.. ‬دامەزراندنی‮ "‬بەرەی‮ ‬كوردستانی‮" ‬واتە ئاشتی‮ ‬لە نێوان سەرجەم گرووپ و حزب و لاینە ناكۆكەكانی‮ ‬نێو گۆڕەپانی‮ ‬سیاسی‮ ‬كوردستان و باشتر رێكخستنەوەی‮ ‬نێوماڵی‮ ‬كوردو هاتنە ئارای‮ ‬میكانیزمی‮ ‬هاوخەباتی‮ ‬جەماوەری‮ ‬و نەتەوەیی‮ ‬حزب و خەڵك و سەرجەم لایەنە سیاسییەكانی‮ ‬نێو مەیدانی‮ ‬خەبات،‮ ‬لە چۆنیەتی‮ ‬بە گژداهاتنەوەی‮ ‬ئەو مەترسی‮ ‬و نەهامەتیانەی‮ ‬گوشاریان خستبووە سەر گەلی‮ ‬كوردو دۆزە رەواكەی‮. ‬بۆیە لێرەوە دەكرێ بڵێین‮: ‬راپەڕینی‮ ‬گەلی‮ ‬كوردستان،‮ ‬وەڵامێكی‮ ‬بە زەبرو گورچكبڕی‮ ‬گشت ئەو هەڕەشەو مەترسیانە بوو،‮ ‬كە لەمێژ ساڵ بوو رووبەڕووی‮ ‬میللەتەكەمان بووبۆوە،‮ ‬هاوكات راپەڕینی‮ ‬خەڵكی‮ ‬كوردستان،‮ ‬دەسكەوت و ئەزموونێكی‮ ‬مەزنی‮ ‬مێژوویی‮ ‬گەلی‮ ‬كوردستان و رۆژی‮ ‬دەسپێكی‮ ‬رەتكردنەوەی‮ ‬دەسەڵاتی‮ ‬شۆڤێنی‮ ‬و حوكمی‮ ‬نا‮ ‬یاسایی‮ ‬ستەم و زوڵم و زۆرداری‮ ‬رژێمە‮ ‬یەك لە دوا‮ ‬یەكەكانی‮ ‬عێراق بوو،‮ ‬رۆژی‮ ‬سەركەوتن و پیرۆزی‮ ‬كورد و ئیرادەی‮ ‬پۆڵایینی‮ ‬گەل و‮ ‬یەكگرتنەوەی‮ ‬هێزو لەشكری‮ ‬پێشمەرگەو توانست و ورەی‮ ‬بەتین و هاوهەڵوێستی‮ ‬بەرزی‮ ‬جەماوەری‮ ‬كوردستان بوو،‮ ‬كە راپەڕین ئەو حەقیقەتەی‮ ‬سەلماند‮. ئەگەر بەراوەردێكی خێرا لە سەر دۆزی ئێستای كورد و مافەكانی بكەین دەبینن كە تا بە ئەمرٍۆ رژێمی بەغدا زمانی هەرٍەشە و دەبابەی ئابرامز و سیاسەتی ئابڵوقەدانی كوردستانی گرتۆبەر و هەمان رێچكەی رێمەكانی پێش خۆی لە دژی مللەتی كورد جێبەجێی دەكات و باوەری بەشەراكەت و دیموكراسی و مافەرەواكانی كورد نییە ، بۆیە قۆناغی ئێستامان دەخوازی یەكهەوڵوێست بین لە پێناو رووبەرووبوونەوەی سیاسەتیی ستەمكارانەی بەغدا . بڵێین كە لە ژێر هیچ پیلانگێرییەك گەلی كورد لە گەیشتن بە مافەرەواكانی پاشگەز نابێتەوە ...





ئەم هەواڵە 4471جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad