English | عربی | Kurdî دواهەواڵ
ڕاستەوخۆ  
 
سەرۆك بارزانی پێشوازی لە شاندێكی حكومەتی ئوردن كرد
2019-03-07 [09:57 AM]

ZNA-هه‌ولێر


ڕۆژی پێنجشەممە ٧ـی ٣ـی ٢٠١٩ لە سەلاحەددین سەرۆک مەسعود بارزانی پێشوازی لە شاندێکی حکوومەتی شانشینی ئوردن کرد کە پێکھاتبوو لە د. تارق ئەلحموری وەزیری پیشەسازی و بازرگانی و مەنتەسەر عەقلە باڵیۆزی ئوردن لە عێراق و ھەیسەم ئەبولفول کونسوڵی شانشینی ئۆردۆن لە ھەولێر و ژمارەیەک ڕاوێژکاری باڵیۆزخانەی ئۆردۆن لە عێراق.


لە دیدارەکەدا وەزیری پیشەسازی و بازرگانیی ئوردن سڵاوی شا عەبدوڵڵا پادشای ئۆردۆنی بە سەرۆک بارزانی گەیاند و وێڕای ئاماژەدان بە پەیوەندییە مێژوویەکانی نێوان ھەردوولا جەختی لە پەرەپێدانی پەیوەندییەکانی نێوان ھەرێمی کوردستان و شانشینی ئۆردۆن کردەوە. ھەروەھا پێزانینیشی ھەبوو بۆ ئەو سەقامگیری و پێکەوەژیانەی لە کوردستاندا ھەیە و بە ھۆکاری پێشکەوتن و ئاییندەیەکی باشی لە قەڵەم دا.


لای خۆیەوە سەرۆک بارزانی سوپاسی پادشای ئوردنی کرد و بە دۆست و برای خۆی زانی و ھەروەھا پێزانینی ھەبوو بۆ ھەڵوێستەکانی پادشای ئزردن لە بەرامبەر گەلی کوردستان.


ھەر لەو کۆبوونەوەیەدا بارودۆخی سیاسیی عێراق و ھەرێمی کوردستان و ڕووبەڕووبوونەوەی ھزری توندڕۆیی و تیرۆر تاوتوێ کرا.


پەرەپێدانی پەیوەندییەکانی نێوان ھەرێمی کوردستان و شانشینی ئۆردۆن تەوەرێکی دیکەی ئەو دیدارە بوو.





ئەم هەواڵە 3178جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad