English | عربی | Kurdî دواهەواڵ
ڕاستەوخۆ  
 
سەرۆك بارزانی پێشوازی لە شاندێكی باڵای وەزارەتی دەرەوەی ئەمەریكا دەكات 
2019-03-07 [01:58 AM]

ZNA - هه‌ولێر


 

ئێوارەی ڕۆژی پێنجشەممە 7ـی 3ـی 2019 لە سەلاحەددین سەرۆك مەسعود بارزانی پێشوازی لە شاندێكی باڵای وەزارەتی دەرەوەی ئەمەریكا كرد كە پێك هاتبوو لە دەنیس ناتاڵی یاریدەدەری وەزیری دەرەوەی ئەمەریكا بۆ كاروباری ململانێكان و سەقامگیری، و ئەندرۆ پیك جێگری یاریدەدەری وەزیری دەرەوەی ئەمەریكا بۆ كاروباری ئێران و عێراق و ستیڤێن ڤاگین كونسوڵی ئەمەریكا لە هەولێر و ژمارەیەك ڕاوێژكار لە وەزارەتی دەرەوەی ئەمەریكا.

 

لە دیدارەكەدا شاندی میوان سڵاوی مایك پێنس جێگری سەرۆكی ئەمەریكایان بە سەرۆك بارزانی گەیاند و هەروەها جەختیان لەوە كردەوە كە جێگری سەرۆكی ئەمەریكا پێزانینی زۆری بۆ هەرێمی كوردستان هەیە لە پاراستنی پێكهاتە نەتەوەیی و ئایینییەكان.

 

لای خۆیەوە سەرۆك بارزانی سوپاسی جێگری سەرۆكی ئەمەریكای كرد. هەورەها تەقدیری هەبوو بۆ پەرۆشی و سەرنجی جێگری سەرۆكی ئەمەریكا لەمەڕ پێكهاتە نەتەوەیی و ئایینییەكانی عێراق.

 

هەر لەو كۆبوونەوەیەدا بارودۆخی ئاوارەكان و ناوچە ئازادكراوەكان تاوتوێ كرا و هەردوولا لەسەر ئەوە هاوڕا بوون كە پێویستە ئاسایش و سەقامگیری و خزمەتگوزاریی لە ناوچەكان دابین بكرێت بۆ گەڕانەوەی ئاوارەكان و ئاییندەیان گەرەنتی بكرێت.

 

لە بەشێكی دیكەی ئەو دانیشتنەدا بیروڕا لەبارەی مەترسییەكانی تیرۆر و پێویستیی شەڕی هەمەلایەنەی هزری توندڕۆیی لە عێراق و ناوچەكە ئاڵوگۆڕ كرا.

 

پەیوەندییەكانی نێوان هەرێمی كوردستان و ئەمەریكا تەوەرێكی دیكەی ئەو دیدارە بوو و جەخت لە پەیوەندی و هەماهەنگیی بەردوامی نێوان هەردوولا كرایەوە.





ئەم هەواڵە 3682جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad