English | عربی | Kurdî دواهەواڵ
ڕاستەوخۆ  
 
هه‌ولێر بنگه‌هێ بریارێ یه‌ !
2019-03-08 [02:49 AM]

نڤیسینا : ئاشتی فەتحی بێسفکی


پشتى كو ل 30 ى ئه‌یلولا سالا 2018 هه‌لبژارتنێن خولا پێنجێ یا په‌رله‌مانێ كوردستانێ هاتینه‌ ئه‌نجامدان و ل 20ێ چریا ئێكێ یا سالا 2018 ئه‌نجامێن دوماهیكێ هاتنه‌ راگه‌هاندن و په‌سه‌ندكرن ژلایێ ده‌ستهه‌لاتا دادوه‌رى ل هه‌رێما كوردستانێ ، بورینا زێده‌تر ژ 100 روژان ژ قه‌یرانا پێك نه‌ئینانا كابینه‌یا حكومه‌تا نوى ئێكه‌م كومبونا په‌رله‌مانى هاته‌ ئه‌نجامدان ، ژڤان بوویه‌ كو كومبونا په‌رله‌مانى بهێته‌ پاشخستن بو 18 ى شواتێ ژ پێخه‌مه‌ت لایه‌نێن سیاسى بگه‌هنه‌ رێكه‌فتنێ ، پارتى دیموكراتى كوردستان ده‌ست ب دان و ستاندنا كر دگه‌ل لایه‌نێن سیاسى و هه‌ر زوى شیا رێكه‌فتنامه‌كا نوى دگه‌ل بزاڤا گوران دروست بكه‌ت بو ماوێ چار سالان و رازى بكه‌ت ژبو پشكداریكرن د كابینه‌یا نوى دا ، به‌لێ ئێكه‌تیا نیشتیمانى یا كوردستانێ پشتى 16 ى ئكتوبه‌ر ئه‌نجامداى ب فروتنا كه‌ركوكێ جاره‌كا دیتر هزرا كه‌ركوكێ هاته‌ سه‌رێ وان و دڤیا ب دروشمێ كه‌ركوك و كه‌ركوك و كه‌ركوك سه‌رنجا لایه‌نگرێن خو راكێشیت و رێكه‌فتناما دگه‌ل پارتى دیموكراتى كوردستان ب بابه‌تێ كه‌ركوك و به‌غدا ڤه‌ گرێبده‌ت ، پارتى دیموكراتى كوردستان شیا د ئێكه‌م كومبونا په‌رله‌مانێ كوردستانێ دا سه‌روكاتیا په‌رله‌مانى هه‌لبژێریت بێ ئاماده‌بوونا ئێكه‌تیا نیشتیمانى یا كوردستانى كو ل ڤێرێ دا دیار دبیت كو ئه‌ڤ كومبونه‌ نامه‌كا دیار بوویه‌ ژبو ئێكه‌تیا نیشتیمانى یا كوردستانى كو بزاڤا گوران پێگهوره‌ (بدیل) ژبو ئێكه‌تیا نیشتیمانى یا كوردستانى گه‌ر هات و بریار دا پشكدارى حكومه‌تێ نه‌بیت ، زێده‌بارى هندێ ئێكه‌تیا نیشتیمانى یا كوردستانى بزاڤا وه‌رگرتنا پوسته‌یان كر كو زێده‌تر ژ قه‌باره‌یێ خو ، هه‌ر دیسان هه‌بوونا گه‌له‌ك بالێن جودا جودا دناڤ ئێكه‌تیا نیشتیمانى یا كوردستانى دا رێگره‌كێ مه‌زن بوویه‌ كو نه‌شیان كه‌سه‌كى ده‌ست نیشان بكه‌ن بو سه‌روكاتیا په‌رله‌مانێ كوردستانێ كو ل گوره‌ى رێكه‌فتنێ دگه‌ل پارتى دیموكراتى كوردستان ئه‌ڤ پوسته‌ مافێ ئێكه‌تیا نیشتیمانى یا كوردستانى یه‌ ، پشتى 18 شواتێ هنده‌ك به‌رپرسێن ئێكه‌تیا نیشتیمانى باس ل پلانا (ب) دكر وه‌ك پێگهوره‌ك بو كارڤه‌دانا وان ل دژى پێكئینانا سه‌روكاتیا په‌رله‌مانى بێ ئاماده‌بوونا وان ، لێ ب دیتنا من پلانا (ب) بتنێ هنده‌ك موزایه‌دێن سیاسى بوینه‌ نه‌ زێده‌تر ،ژبه‌ركو ئه‌گه‌ر ئێكه‌تیا نیشتیمانى یا كوردستانى خوه‌ دانیت خودان ئایدولوجیه‌كا دیموكراتى ئشتیراكى ل وى ده‌مى یان دێ پشكدارى حكومه‌تێ ل بیت یان ژى دێ بیته‌ ئوپوزسیون ل ده‌رڤه‌ى حكومه‌تێ كار كه‌تن ، پشتى چوونا شاندێ ئێكه‌تیا نیشتیمانى یا كوردستانى بو به‌غدا ژ پێخه‌مه‌ت دان و ستاندنان لدور بابه‌تێ كه‌ركوك و وه‌زیرێ دادێ عیراقێ كو ل گوره‌ى هنده‌ك سه‌رچاوان جار دى ده‌ست ڤالا ڤه‌گه‌ران سلێمانیێ ، جاره‌كا دیتر ئێكه‌تیا نیشتیمانى كوردستانى ڤه‌گه‌ریان هه‌ولێرێ و ل 4ى ئادارێ رێكه‌فتنامه‌ دگه‌ل پارتى دیموكراتى كوردستان ئیمزاكر ، ژبه‌ركو ئێكه‌تیا نیشتیمانى دزانیت كو بێ هه‌بونا پارتى دیموكراتى كوردستان نه‌شێت پارێزگه‌ریێ ل كه‌ركوكێ بكه‌ت ، له‌ورا ل دوماهیكێ بو گشت لایه‌نان دیار بوو كو هه‌ولێر بنگه‌هێ بریاردانێ یه‌ ژ بو گشت عیراقێ لڤێرێ دیار دبیت كو رولێ پارتى دیموكراتى كوردستان و بتایبه‌ت سه‌روكێ پارتى دیموكراتى كوردستان (مسعود بارزانى) و جێگرێ سه‌روكێ پارتى دیموكراتى كوردستان (نێچیرڤان بارزانى) روله‌كێ گه‌له‌گ گرنگ و كاریگه‌ر بوویه‌ كو شیان ب دبلوماسیه‌تا خو یا بهێز دوو رێكه‌فتنامان دگه‌ل دوو هێزێن سیاسى یێن كوردستانى دروست بكه‌ت ، ئه‌ركێ پێكئینانا حكومه‌تا نوى بدوماهیك بینیت .





ئەم هەواڵە 3367جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad