English | عربی | Kurdî دواهەواڵ
ڕاستەوخۆ  
 
وه‌زیری خوێندنی باڵا په‌یامێك ئاراسته‌ی مامۆستایان و فه‌رمانبه‌رانی خوێندنی باڵا ده‌كات
2019-03-09 [08:50 AM]

ZNA - هه‌ولێڕ


 

 به‌ بۆنه‌ی ڕاگه‌یاندنی كۆتاییهاتنی پاشه‌كه‌وتی موچه‌ له‌لایه‌ن حكومه‌تی هه‌رێمی كوردستان، له‌ په‌یامێكدا د.یوسف گۆران وه‌زیری خوێندنی باڵا و توێژینه‌وه‌ی زانستی بەناوی سەرجەم ئەندامانی ئەنجومەنی وەزارەت سو‌پاسی مامۆستایان و فه‌رمانبه‌ر و كارمه‌ندانی وه‌زاره‌تی خوێندنی باڵا و توێژینه‌وه‌ی زانستی ده‌كات، بۆ خۆڕاگریان له‌ماوه‌ی ڕابردو كه‌ توانیان به‌رگه‌ی ئه‌و قه‌یرانه‌ سه‌خته‌ داراییه‌ بگرن.

ئه‌مه‌ ده‌قی په‌یامه‌كه‌یه‌:

 

مامۆستایان و فه‌رمانبه‌ر و كارمه‌ندانی وه‌زاره‌تی خوێندنی باڵا و توێژینه‌وه‌ی زانستی، چوار ساڵی ڕابردو له‌ڕوی داراییه‌وه‌ بارگرانییه‌كی زۆر قورستان كه‌وته‌ سه‌رشان و دۆخێكی سه‌ختی ژیانتان به‌ڕێكرد به‌هۆی دواكه‌وتن و، دواتر پاشه‌كه‌وتنكردنی به‌شێك له‌ موچه‌كانتان به‌ ناچاری له‌لایه‌ن حكومه‌تی هه‌رێمی كوردستان، ئه‌ویش به‌هۆی ئه‌و دۆخه‌ ئابوریه‌ی كه‌ دوچاری حكومه‌تی هه‌رێمی كوردستان بۆوه‌.

 

خۆشبه‌ختانه‌ لە كۆبونەوەی ئه‌مڕۆی‌ ئه‌نجومه‌نی وه‌زیران بڕیاری هه‌ڵوه‌شاندنه‌وه‌ی پاشەكه‌وتی مووچه‌ ڕاگه‌یاندرا، ئیتر له‌م مانگه‌وه‌ موچه‌ به‌بێ پاشه‌كه‌وت دابه‌ش ده‌كرێت، لێره‌وه‌ جێی خۆیه‌تی بەناوی خۆم و سەرجەم ئەندامانی ئەنجومەنی وەزارەت سوپاسی خۆڕاگری یه‌كه‌ به‌یه‌كه‌تان بكه‌م و، دڵنیاتان ده‌كه‌مه‌وه‌ له‌ ڕابردو و ئێستا و داهاتو ئێمه‌ هه‌مو هه‌وڵێكمان بۆ باشتركردنی دۆخ و گوزه‌رانی ئێوه‌ بوه‌ و ده‌بێت، ئه‌وه‌ش وه‌ك ئه‌ركێكی سه‌رشانمانه‌ و پێویسته‌ جێبه‌جێی بكه‌ین.

 

مامۆستایان و فه‌رمانبه‌ر و كارمه‌ندانی وه‌زاره‌ته‌كه‌مان، لێره‌وه پێویسته‌ ئه‌وه‌ش ڕابگه‌یه‌نم، كه‌ ئه‌و دۆخه‌ سه‌خته‌ ئابوریه‌ هه‌رگیز نه‌بوه‌ هۆكاری پاشه‌كشه‌ی ڕه‌وتی خوێندنی باڵا له‌ كوردستان، به‌ڵكو ئێوه‌ له‌خۆبووردوانه‌ سه‌نگه‌ری بایه‌خ و ڕیفۆرم و پێشكه‌وتنی بواری خوێندنی باڵاتان به‌رنه‌دا و به‌رده‌وام بون، كاری چوار ساڵه‌ی ڕابردوی وه‌زاره‌ته‌كه‌مان شاهێدن، بۆیه‌ دڵنیاتان ده‌كه‌مه‌وه‌، به‌و بڕیاره‌ و به‌باشتربونی بژێوی دارایی كارمه‌ندانمان ڕه‌وتی خوێندنی باڵا گه‌شه‌ی زیاتر به‌خۆه‌ ده‌بینێت.

 

 

 

د.یوسف گۆران

 

وه‌زیری خوێندنی باڵا و توێژینه‌وه‌ی زانستی

 

8\3\2019 ‌

 





ئەم هەواڵە 3904جار خوێندراوەتەوە
 
 
ڤیدیۆ گەلەری
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad