English | عربی | Kurdî دواهەواڵ
ڕاستەوخۆ  
 
توركیا و ئێران لەیادی كیمیا بارانكردنی هەڵەبجە پەیامێكیان بڵاو كردەوە
2019-03-17 [05:21 AM]

​ZNA- هەولێر


سەرۆک کۆماری تورکیا ، رەجەب تەیب ئەردۆغان  و وەزیری دەرەوەی ئێران جەواد زەریف، پەیامێکیان بەبۆنەی ساڵیادی کارەساتی کیمیابارانکردنی شاری هەڵەبجە بڵاودەکەنەوە.

جواد زەریف، وەزیری دەرەوەی ئێران لە تویتێكدا لە تویتەری خۆیدا، پەیامێکی لەبارەی ساڵیادی کیمیابارانکردنی شاری هەڵەبجە بڵاوکردووەتەوە و تیایدا هاتووە: "سەرەتا رەتیاندەکردەوە کە روویدابێت، دواتر ئێرانیان بە هۆکارەکەی زانی. کاتێک روون بووەوە کە هاوپەیمانێکی خۆیانە و چەکی کیمیایی خۆیانی بەکارهێناوە، بێ دەنگبوون".

زەریف دەڵێت: "رەنگە رۆژئاوا حەز بکات کارەساتەکانی هەڵەبجە و سەردەشت لەبیر بکات، بەڵام نە ئێمە و نە برا کوردەکانمان ئەوە ناکەین".

سەرۆکی تورکیا لە تویتێکیدا و بەبۆنەی 31هەمین ساڵیادی کیمیابارانکردنی شاری هەڵەبجە دەڵێت: "پێش 31 ساڵ، ھەزاران کەسی سڤیل لە ئەنجامی ھێرشی چەکی کیمیایی گیانیان لەدەستدا و ئەم برینەش تاکو ئێستا لە ویژدانەکان جێگەی خۆی پاراستووە".

لە تویتەکەدا هاتووە: "داوای لێخۆشبوون لە خوای گەورە بۆ ئەو برا کوردانەمان دەکەم کە لە کۆمەڵکوژی ھەڵەبجە گیانیان لەدەستدا و پەڵەیەکی رەشە لە مێژووی مرۆڤایەتی".

 





ئەم هەواڵە 3655جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad